身為一個Rapper，最緊要係將音樂融入生活裡面；無論平時傾閒偈定係鬧人，Hip Hop嘅靈魂都會發光發熱！

【愛．回家之開心速遞】精華 愛回家熱血HIP HOP組合 大四喜！！ 樹根劉丹、大龍生羅樂林、譚道德陳榮峻同豹叔黎彼得組成愛回家HIP HOP組合 大四喜！聽到佢哋RAP都feel到個陣熱血，人到中年都可以有夢想！好想睇live版呀！！ 愛回家之開心速遞 | 星期一至五 8:00pm | 翡翠台

雖然每年樂壇新人輩出，但係來來去去差唔多，係咪好擔心樂壇真係會死呢？唔使驚，因為香港樂壇仲有佢哋︰大-四-喜！

樂壇新人曾樂彤同公司新人楊天宇（Angus）日前為服裝品牌BSX拍攝廣告，品牌以年輕人勇於突破傳統、活出自我為拍攝概念，仲同美國漫畫卡通POPEYE（大力水手）推出crossover系列，服裝設計走Hip Hop路線。 拍攝當日，二人由朝到晚拍足十粒鐘，好彩佢哋兩個喺拍攝前一早做足準備，為咗有最佳狀態，曾樂彤一早起身跑步去水腫，「跑完步就敷張雪櫃mask，再用碌面機推一推淋巴同埋飲咖啡。」至於Angus就話：「一路都有keep住做gym，同埋拍之前一晚都特別早啲瞓。」 曾樂彤話唔駛開工嘅時候，最常着就係運動裝，「我平時唔係走廣告入面嘅風格，但係客戶對我好有信心，造咗個咁新嘅造型俾我，原來其實都幾合適自己，佢哋真係好大膽，哈哈哈。」Angus就鍾意簡約style，「但係拍完呢個廣告之後又發覺原來我又幾襯呢啲衫㗎喎。以前覺得自己唔襯呢種風格，但拍完呢個廣告後，又覺得自己着得幾有型吖，哈哈。」至於拍攝趣事，Angus話本身自己係天真活潑開朗型，但喺廣告入面就要扮cool，「我好鍾意笑，但廣告入面我唔可以笑，所以我覺得幾得意，哈哈哈，同我性格好相反，對我嚟講都係一個挑戰。」 雖然大家都係新人，不過今次原來唔係第一次合作，而且佢哋仲係識於微時𠻹，「我哋第一次合作係拍吳浩康《較早前錄影》嘅mv。同埋我哋識咗好耐㗎啦，我哋中學已經識，有出嚟食過飯，所以今次拍嘢大家嘅默契都幾好。」

鄭融呢日去電台訪問宣傳新歌，今次歌曲主題為星空，佢仲透露自己都有份參與創作部份。鄭融表示今次歌曲係hip hop曲風，自己都有畀咗唔少意見，鄭融坦言平時唔多靈感，所以今次參與咁多自己都覺好特別。＿