搜尋 “Vitas” 的結果
3 年前
近排ig好多人玩眨眼遊戲Flying Face，後生仔女等埋位之際，都玩埋一份！兩位運動健將Vitas同Sandy就一齊挑機，不過，一個ok，另一個就pk…
3 年前
一講到位於九龍塘嘅City U，個個都第一時間話佢夠方便！盈盈仲自爆佢當年特登靜靜雞去嗰度搵房……開會啫！除咗方便，嚟自City U嘅6號、Sandy同埋何依婷，仲大爆原來City U Marketing出名多靚仔靚女呢件事好似係真個咘！至於非City U學生嘅Vitas同埋Kosa，佢哋就話喺學界，City U仲有一樣嘢好出名，就係「水會」！而「水會」嘅船P，仲係一年一度嘅話題！到底「水會」係乜？睇片啦！
3 年前
後生仔成日話創業，上年Vitas、波波同寶君就分別去體驗唔同國家嘅創業之道，今年我地就請嚟2018年Start Up Express嘅得獎者，分享一吓佢哋研製嘅本地科技產品！
3 年前
情人節，後生仔女最鍾意同另一半搞Surprise，以為會氹到對方好開心！Sorly，盈盈同Vitas話你知，其實唔係囉！因為佢兩個都分別瀨過嘢，花盡心思搞大龍鳳，點知換來對方一句：「其實我唔開心囉！」嘩，真係成盤冷水兜頭淋落嚟！而情人節宣佈原來已回復單身嘅波波，就好唔希望情人節見到人放閃，但係情人節，真係好難避免會畀拍拖朋友啲放閃Post瘋狂洗板，到底有乜對策？盈盈就話單身網民見到呢啲情況，會有一句超惡毒嘅留言回應，就係：「祝褔天下所有情侶都係失散兄妹！」
4 年前
趁呢期「是咁的，法官閣下」咁Hit，麥明詩就同另一位一樣係英國讀Law嘅戴祖儀，一齊同後生仔女傾吓法律! 其中Vitas就提出一個疑問：到底犧牲一個人，救九十九個人，有罪定冇罪？大家認為呢？
4 年前
【警告：睇完呢段片你可能會問自己到底睇咗啲咩？】之前後生仔Vitas化身吳同仁行商場兼去大台Canteen，畀好多人心心眼，但係佢都不為所動，唔理人，Cool到爆！其實佢並非唔親民，佢搭電梯又歡迎各位女士集郵，喺電視城亦主動同人打招呼，簡直Nice爆！而一心想喺大台撞吓明星嘅佢，兜咗幾個圈，殺埋入聽講話好多無聊人聚腳嘅#後生仔傾吓偈錄影廠，都依然冇明星畀佢見得到！好彩，皇天不負有心人，最後佢都撞到一粒星，就算係A貨，都好過冇撞過！咁開心，吳同仁就即刻跳隻開心舞賀一賀佢！！點知跳跳下，仲啟發到佢嘅小宇宙，決定送番首歌，賀吓大台50 1周年台慶呀~擦鞋到咁，以為可以畀大台簽做Artist，點知結局竟然係…
4 年前
做唔到#任何仁，唯有做#吳同仁 嘅後生仔Vitas，以一身港幣40蚊被淋紅油Look，大踏步踩入商場，引嚟好多途人嘅艷羨目光。行到無聊兼肚餓，吳同仁決定坐的士去完全唔就腳嘅山卡啦大台Canteen，品嚐視帝都食嘅燒味飯。去到大台，以為必定會撞口撞面見到明星可以瘋狂集郵，點知，行咗成個圈，一粒星都見唔到，反而自己就不停畀人心心眼兼偷拍，巧失望呀～
