2 個月前
繼上次好似賽馬直擊一樣咁煮餸，波波同Sandy又有新挑戰！今次要⋯⋯成程拖住手煮？兩個人要合力整「忌廉牛油果芝士卷」！
波波即場食到嘔，但仍然堅稱自己煮得好味⋯⋯
搜尋 “SandyTo” 的結果
4 個月前
今集我哋請咗殺蟲業協會會長蔡炳燃先生同我地傾吓唔同類型嘅害蟲！塵蟎、床蝨易導致皮膚敏感，專家建議大家最好一星期換一次床單！曱甴係香港最常見嘅害蟲之一，隨住天氣愈嚟愈熱，更加容易見到佢地嘅踪影！ 阿Fred 分享沖涼時預上曱甴嘅恐怖經歷，大家又最驚係咩時候遇到佢哋？平時應該點防範曱甴入侵自己屋企？一於向專家請教吓先！
7 個月前
相信去去加拿大升學係好多朋友嘅選擇！但去加拿大揀咩科讀好？今集後生仔同嘉賓就分享各式各樣有趣科目！其中最特別嘅係原來加拿大同學仔可以讀母乳餵哺？聽講仲要帶埋個公仔BB返去實習，一定係用嚟增添同學仔代入感，體驗做爸爸媽媽嘅辛勞！仲有呢大家可能冇諗過，原來森林系係加拿大係超熱門嘅科目，大家又估唔估到點解？
8 個月前
生活中好多時候，大家可能都會試過雙重標準，特別係現時疫情咁嚴重，大家唔多唔少都可能試過，聽到人吔乾咳，自己即劑彈開，但如果自己咳，就會覺得冇問題！另外仲有其他狀况，好似體味咁，自己有嘅時候就唔覺得係一回事！Bella 就係屋企都遇到媽媽對佢雙重標準，佢入廚房竟然會被媽媽話搗亂？
8 個月前
疫情持續肆虐，呢排愈嚟愈多朋友去行山，去大自然呼吸新鮮空氣！但行還行，一定要帶齊裝備！阿楓同Tiffany 就提提大家行山前記住裝好座標app，仲有唔好怕老土，要帶齊地圖同指南針！唔好睇少呢D事前準備啊，有咩意外隨時可以救自己一命！
8 個月前
「三索」、「二筒」、「白板」，愛打麻雀嘅你又知唔知佢地係廣東話嘅意思係咩？今集我地就搵嚟Ben Sir 同我地邊傾麻雀邊學廣東話！另外，祖儀又分享自己第一次打牌就自摸十三么，跟住成年都過得好順！大家如果想測試下果年嘅運氣，不如學吓祖儀咁打牌試吓手氣～
9 個月前
最近大家多咗home office, 會唔會更加容易懶床？？講開懶床，最怕就係遇著裝修，真係想訓多陣都唔得！各位後生仔為咗懶床都奇招百出，估唔到盈盈連降噪耳機都出埋，但都係搞唔掂？！另外，掌聲鼓勵 Fred 同欣茵成功當選懶床界KOL，但點解大家會覺得佢地個樣最似會懶床？
9 個月前
今集後生仔就同大家分享吓自己搭飛機必帶嘅個人用品！6號強調自己一定要帶住個鬚刨，因為自己唔剃鬚勁似賊? ; Leonard （鄭衍峰）就繼續分享以前做空少嘅經歷：原來飛機上面食嘢係有勁多學問，首先，如果想做個好乘客，等空中服務員對你印象好啲服務好啲嘅話，就要由點餐著手；另外，空少空姐如果想「引導」乘客點餐，又會玩吓語言偽術；仲有仲有，乘客有飛機餐，空中服務員自己一樣有Crew Meal，但係，如果同事問你要乜嘢Crew Meal，就千萬要小心回答，因為傳聞有一種Crew Meal原來係隱藏特別暗號！！
