地址：Hannie Dankbaarpassage 39, 1053 RT Amsterdam Website: https://www.themakerstore.nl/ Mon 開放時間： 12:00 - 17:00 Tue - Fri 12:00 - 19:00 Sat 11:00 - 19:00 Sun 11:00 - 18:00 位於De Hallen裡面嘅The Maker Store，專門售賣本地設計師嘅精品，好多精品嘅設計都好有趣，好適合買返嚟做手信。佢哋仲設有一個Uncover Lab，為顧客提供雷射刻名服務，無論你想刻名喺部份店內買嘅產品，甚至想刻名喺你嘅手機或laptop上，佢哋都話冇問題！ 而Maker Store仲會間唔中喺De Hallen搞吓市集，推廣本地新晉設計師嘅產品，有興趣就可以留意佢哋嘅網站。

地址：Hannie Dankbaarpassage 22, 1053 RT Amsterdam Website: https://denimcity.org/ 開放時間：12:00 – 17:00 喺De Hallen裡面嘅呢間牛仔褲研發工房（Denim City），其實係一個集牛仔褲商店同埋牛仔褲設計學校於一身嘅地方。 除咗有學生嚟上堂，呢度亦會畀好多新一代牛仔褲設計師，寄賣佢哋嘅作品。另外，呢度亦都可以買到世界各地著名牛仔褲品牌，同時，更可以好似盈盈同麥明詩咁，由揀布開始，訂製自己一手一腳設計嘅牛仔衫或褲，仲可以印埋自己創作嘅品牌，保証出嚟嘅作品，係世上獨一無二！ 不過，提一提，「荷蘭好玩」裡面，佢哋嘅作品可以即刻設計同製作完成，完全係一次非常特別嘅安排，正式要做一件自己設計嘅牛仔服裝，需要來回店舖幾次，因為要做fitting同埋要經過好多唔同步驟，所以準備去嘅朋友就要查詢清楚，同預留時間呀！

地址：Hannie Dankbaarpassage 27, 1053 RT Amsterdam Website: https://recyclefietsen.nl/ 開放時間： Mon 12:00 – 18:00 Tue – Fri 11:00 – 19:00 Say & Sun 11:00 – 18:00 位於De Hallen嘅呢間單車舖，叫得做Recycle，顧名思義，同「再造」好有關係。 佢哋售賣嘅單車，好多都係用舊單車翻新再造，而裡面亦有好多精品，係以舊單車配件製作，除咗產品，佢哋嘅「Recycle」概念，仲伸延到工場。佢哋嘅工場員工，好多都係因為唔同原因好難喺社會搵工（包括失業人士、精神病康復者、更生人士等等），而呢個地方，就會教佢哋修理單車嘅技能，畀佢哋可以重投社會工作，相當有意義。

地址：Hannie Dankbaarpassage 43 1053 RT Amsterdam Website: https://www.kinkiacademy.nl/ 開放時間： Tue 10:00 – 17:00 Wed – Fri 11:00 – 19:00 Sat 10:00 – 18:00 Sun & Mon closed 其實Kinki Academy係阿姆斯特丹一間以誇張、大膽、怪異髮型見稱嘅髮型屋，而位於De Hallen呢間分店，就以「Young Bloods」命名，因為佢唔單止提供課程畀初學者，亦會畀機會佢哋喺呢度實習，真真正正為顧客剪髮！ 不過大家唔使擔心，能夠操刀嘅實習生，都一定係剪得Ok至畀佢上陣，仲有，髮型屋裡面亦有好多資深髮型師同埋老師喺度架！所以，各位想試吓荷蘭式大膽前衛髮型，又想畀機會一班新晉髮型師，呢個地方絕對係一個好選擇。

地址：Hannie Dankbaarpassage, 1053 RT Amsterdam Website: https://dehallen-amsterdam.nl/ 開放時間： Sun – Thur 07:00 – 01:00 Fri – Sat 07:00 – 03:00 De Hallen係由電車廠改建成嘅文創區，係近年阿姆斯特丹潮人熱點。整個De Hallen嘅概念，喺建築設計上，就保留咗傳統電車廠嘅特式，而裡面嘅戲院、單車店、精品店、服裝店、髮型屋、美食廣場、酒店、圖書館等等，全部都係有型到不得了嘅潮流商舖，絕對係新舊文化合而為一！而裡面仲不時舉辦主題藝術展，總之，呢個地方，的確值得到此一遊。 交通方面，可以喺阿姆斯特丹中央車站外，搭17號往Osdorp Dijkgraafplein嘅電車，搭6個站（約16分鐘）到達Ten Katestraat站落車，再行3分鐘就會到達De Hallen。

入黎啦

【個個都唱歌】近排@freeyon哥哥同@Jessica 成日出相入對，喺bigbigvoice老是常出現！今集個個都唱歌Jessica仲用背脊「得」住君陽合唱柏豪新歌《女人背後》，唔知@rt睇完覺得點呢?

【東角好聲音】全身暑假，狂奔初夏，聽完@j law同 @rt係東角道唱完容祖兒嘅《全身暑假》，巴不得四季都係夏天 ，之後立即衝落沙灘游水呀～