CosplayFriday 又嚟喇！今集後生仔一齊回到三國，化身各路英雄！6號扮諸葛亮，盈盈就扮貂蟬，仲有張飛、關羽，咦，又扮得幾似喎！嘩！爆炸頭造型究竟係邊個？？原來係嘉欣！?? 佢扮緊祝融夫人，真係差啲認唔出！ 後生仔異口同聲話關於三國嘅歷史同知識都係來自打機同電視劇，其實三國正史同《三國演義》兩者係有分別㗎。《三國演義》係小說，「三國正史」先係真正嘅歷史。電視劇同遊戲多以《三國演義》做藍本，因為故事色彩較濃厚嘛！嘉欣時空錯亂認錯曹操（Kelvin）做越王勾踐！ 唔掂唔掂，後生仔快啲去惡補吓中史??‍♀️??‍♀️??‍♀️

傳說世界上有一本書，可以解答世界上所有關於愛情嘅問題！後生仔藉住呢個機會，向解答之書一一提出佢地嘅問題！問問下發現，後生仔之間原來有咁錯綜複雜嘅愛情關係？！

【警告：睇完呢段片你可能會問自己到底睇咗啲咩？】之前後生仔Vitas化身吳同仁行商場兼去大台Canteen，畀好多人心心眼，但係佢都不為所動，唔理人，Cool到爆！其實佢並非唔親民，佢搭電梯又歡迎各位女士集郵，喺電視城亦主動同人打招呼，簡直Nice爆！而一心想喺大台撞吓明星嘅佢，兜咗幾個圈，殺埋入聽講話好多無聊人聚腳嘅#後生仔傾吓偈錄影廠，都依然冇明星畀佢見得到！好彩，皇天不負有心人，最後佢都撞到一粒星，就算係A貨，都好過冇撞過！咁開心，吳同仁就即刻跳隻開心舞賀一賀佢！！點知跳跳下，仲啟發到佢嘅小宇宙，決定送番首歌，賀吓大台50 1周年台慶呀~擦鞋到咁，以為可以畀大台簽做Artist，點知結局竟然係…