C AllStar 近日再度推出新碟同時舉辦概念展覽，佢哋化身為「地球保衛隊」嘅新歌，每首MV都以「訊號器」貫穿，呢日拍攝最後一首派台歌《共同望銀河那時》MV，就一齊去到大帽山山頂，仲勾起佢哋10年前拍紀錄片喺重慶「天梯」頂露營嘅回憶添。 拍攝MV當日氣溫寒冷，大帽山頂就更加凍喇，四子邊欣賞香港夜景邊談心， Chiu Fung 梁釗峰 話：「要配合《共同望銀河那時》歌名同內容，導演安排我哋一齊眺望夜景同睇星星。」而掛住飲熱湯取暖嘅 On Chan 陳健安 就話：「平時道具食物唔放得入口，多謝團隊今次準備真嘅食物同熱湯俾我哋，真係Camping，好窩心呀！」 而 King C AllStar 則話：「估唔到最後一個MV要食西北風！」這張專輯以一部「訊號器」貫穿每首歌的MV，在最後一首歌《共同望銀河那時》MV裹，C AllStar將「訊號器」埋藏地下。 SoulJase C AllStar 稱：「我哋呢段時間嘅感受隨訊號器一齊埋藏，然後繼續向前走，繼續生活。希望將來有人掘返訊號器出嚟，將保衛隊嘅精神延續下去。」 其實佢哋今次推出新專輯之餘，係《人類世》企劃一部份，仲包括喺尖沙咀舉行嘅展覽，日前 鄭欣宜 Joyce Cheng 同 馮允謙 Jay Fung 就約埋前往欣賞，由C AllStar四子擔當導賞員，介紹佢哋出道至今嘅專輯同MV道具等展品，四子仲送上親筆簽名新專輯多謝兩位老友添。