要同另一半一齊瞓 首先要達成共識，但係似乎男仔比較鐘意分開瞓，女仔就鐘意癡住男朋友？盈盈就鐘意寶實貼住Spooning攬住瞓有安全感；波波就表示對Patpat貼Patpat瞓有情意結，不過男朋友就唔太鐘意畀人頂住後面...？

今集我地請嚟嘉賓方力申，大談佢嘅感情狀況 ，仲有最近參加45公里環島泳！小方狂嘔都堅持拍片，原來係因為怕自己出事？ 傾開對小方嘅印象，Fred就話最難忘小方係電影中慘死一幕！大家最印象深刻又係咩？

去旅行想留念，當然要買返一份紀念品！一班後生仔齊齊分享佢哋去旅行所買，覺得新奇 實用 或者紀念價值高嘅嘢。六號就因為同女朋友旅行遇阻滯，所以就喺正情人節 整咗一份獨一無二嘅手信；而Kosa同Fred就因為興趣同喜好都買咗啲好新奇嘅玩意，每個人都有買手信嘅唔同理由！

湯洛雯同後生仔阿Fred（徐文浩）夾手夾腳一齊創業開布丁店，點知遇著黎諾懿帶埋後生女波波（黃凱儀）踩場！到底遇著搞搞震冇幫襯嘅麻煩客，靚湯有冇耐性去招呼佢呢？

承接上集，一班後生仔（包括6號）憶述過一D畀人性騷擾嘅經歷，所以今集，大家一於傾傾遇到呢D情況，要點樣保護自己！例如夜媽媽遇到跟蹤狂，阿Fred就用一種好似好騎呢，但諗落其實Work Work地嘅瘋狂自衛術，以更變態方式對付變態跟蹤狂！而Louisa就展現女生啱用嘅巴西柔道自衛術 - 奪命鉸剪腳；另外，阿楓亦都教大家以一招簡單招式旁下身！呢場自衛術交流，真係笑住學到好多嘢呀！

嘩嘩嘩，今集後生仔竟然有重量級嘉賓：汪明荃 a.k.a.汪阿姐 上嚟一齊傾偈！一班後生仔面對住阿姐自然唔敢太放鬆，呀Fred仲緊張過頭，要阿姐親自調教！汪阿姐仲解答埋傳說中嘅 汪阿Tag是如何練成的添呀！

今集後生仔發揮天馬行空嘅精神，大談自己嘅創業大計，欣茵想開內衣店仲想搵盈盈同Louisa做代言人，6號就讚欣茵識揀，因為佢兩個代言能象徵內衣可以將單車變「摩托」！而呀fred話想幫6號喺太空求婚，大家嘅計劃聽落都覺得好吸引，唔知又係咪真係執行到呢？

價錢： €2 (超級市場售價) 呢件叫做Tompoucen嘅食品，係荷蘭極具特色嘅夾餅，一般超級市場都可以買得到。 呢款食品，係上下兩塊甜甜酥皮，夾住中間一大舊Cream，純講味道，後生仔阿Fred就話相當唔錯！但係Tompoucen最令人煩惱，就係唔知點樣去食！阿Fred由拎上手一刻已經覺得有難度，當咬落去，又會有一大舊Cream四方八面擠晒出嚟，食相極狠狽！而其實如果大家有興趣，亦可以上網睇下，原來好多外國KOL，會以呢件Tompoucen做Challenge，大家鬥食得唔污糟唔狠狽，而基本上個個都出事！所以，去到荷蘭，大家又不妨買返件試食一下，睇下大家會唔會搵得到點樣可以將呢件餅乾乾淨淨！

地址： https://www.febo.nl/ 價錢： 各式食品由€2左右起 呢間阿姆斯特丹周圍都見到嘅自助快餐店，最搶眼就係舖頭入面一格格多個保溫櫃，可以清楚睇到櫃入面荷蘭地道小食，平時都有好多本地人會嚟呢度簡單醫醫肚，而夜晚Clubbing或Party後，又會成班人嚟呢度食宵夜。 食物質素方面，後生仔阿Fred經店員推介試食嘅Rundvleeskroket (味道似雞湯撈肉碎)，同埋阿Fred貪得意試食嘅(疑似)炸芝士餡餅，味道都相當不錯。而大部份人介紹呢間自助快餐店，都只會專注體驗在保溫爐自助買小食，其實呢間快餐店，好多分店都有店員櫃位，售賣其他飲品同食品，阿Fred就試食一杯焦糖云呢拿雪糕，佢話好食過香港相類似嘅雪糕製品喎~

地址： Voetboogstraat 33 1012 XK Amsterdam Website: http://vleminckxdesausmeester.nl/nl/ 開放時間： Mon 12:00 – 19:00 Tue & Wed 11:00 – 19:00 Thur 11:00 – 20:00 Fri – Sun 11:00 – 19:00 薯條價錢 €4.50（大） €2.90（中） €2.30（小） 醬料每款€0.70 呢間1957年開張嘅薯條店，標榜佢係「Home Of the Best Fries from Amsterdam」！呢度舖面細細，但係人龍成日都勁長，而餐牌上面亦相當貼心，有多種語言翻譯，方便世界各地旅客點餐。 據後生仔阿Fred親身體驗，呢間薯條舖，醬汁款式多，而味道亦濃D好味D，薯條亦新鮮D，所以佢會推薦呢一間。

盈盈同麥明詩去過荷蘭咁多地方，咪以為已經食晒玩晒，其實仲有好多好多地方，佢兩個都未介紹！例如薯條原來仲有另一間被封為Number 1，又係介紹到爛而且係旅客都話要去既自助快餐店、有一種唔知點樣食既地道荷蘭甜品、仲有人有三急Tips…等阿Fred拎個尾彩一次過介紹埋畀大家知啦！

阿姆斯特丹近年有一個全歐洲最高韆鞦，好多旅客都慕名挑戰，試試膽量，阿Fred同麥明詩盈盈就齊齊去左體驗，點知兩個女仔就冇事，男仔就失晒威！另外，之前由於冇Budget，麥明詩同盈盈就只係路過一間荷蘭票選第一薯條店，齋睇冇食，但後生仔阿Fred就因為慳落有D錢，可以請返兩位女生去試食，到底味道係咪真係咁值得Number 1？講到食，阿Fred仲去埋試好多人話去荷蘭必定要試既Apple Pie！而阿Fred唔止搵一間Apple Pie質素好既Cafe去試食，而且呢間Café仲有一個好特別地方，到底係乜？

麥明詩同盈盈之前去荷蘭地道啤酒節又飲又玩又食，其實後生仔阿Fred都有去感受呢個Festival氣氛！到底後生仔角度，呢度又冇乜好玩？另外，之前麥明詩盈盈同阿Fred分別都去過好地道Dappermarkt，但係其實講到去阿姆斯特丹Market，好多旅遊書都介紹Albert Cuyp Market！但因為太多人介紹，所以而家Albert Cuyp Market已經變得相當旅遊區，少了DD地道感覺，不過，一場去到荷蘭，阿Fred都得登走去行一轉，睇睇裡面係咪人地講到咁正？

地址： Zeedijk 143, 1012 AW Amsterdam 開放時間： Mon – Wed 08:00 – 18:00 Thur & Fri 08:00 – 22:00 Sat 09:00 – 22:00 Sun 10:00 – 22:00 呢間Café，主打蘋果批，後生仔阿Fred試食過之後，讚不絕口。不過，呢間Café最大特色，其實就係佢裡面所有見得到物品，都係二手貨品，有晒價錢牌，可以畀顧客買走！ 由黑膠碟、檯、凳、天花吊燈、牆上飾物等等等等，只要你睇得到，就可以買得到！想黎睇下買唔買到心頭好？相當方便，只要在阿姆斯特丹中央車站，搭鐵路51、53或54號，坐一個站到Nieuwmarkt站落車，一出站行2分鐘就到。不過，亦可以唔洗搭車，呢間Café就係位於唐人街，同時亦在紅燈區附近，去開以上兩個地方，可以順便過黎食返件蘋果批，再揀下有冇心頭好，分分鐘尋到寶架！

地址： Dapperstraat 279 1093 BS Amsterdam Website: https://www.dappermarkt.nl/ 開放時間： Mon – Sat 09:00 -17:00 Sun Closed 呢個Market相當地道，食嘅有，著嘅有，日常用品有，電器有，花有，雜貨有，總之係乜都有，而且好多當地居民幫鮮襯，因為佢價錢夠平，低至1歐羅，都有好多選擇，絕對啱晒後生仔女嚟。 呢個Market，仲曾經被選為當地嘅Best Market！而相對阿姆斯特丹好多其他Market，呢度感覺冇咁遊客區，喺呢度行，可以感受到當地居民嘅生活。 要去呢個咁地道嘅Market，可以喺阿姆斯特丹中央車站，乘坐Sprinter 14671鐵路，搭一個站去到Amsterdam Muiderpoort站（約5分鐘），然後行3分鐘就會到；如果你好似後生仔阿Fred咁，住Generator Hostel，可以行大概10分鐘就會到架喇！

阿Fred跟盈盈同麥明詩去完扑車，又畀佢兩個賣甩！冇所謂啦，後生仔，一個人遊阿姆斯特丹一樣開心！於是阿Fred一條友，自己坐下電車睇風景，感受下市中心氣氛，仲順便睇睇搭車買飛有乜Tips可以同大家分享下。行到食晏時間，隨便又搵間Burger店醫肚，點知又搵到間味道相當唔錯既舖頭…食完Burger，佢就收到風知道盈盈同麥明詩走去一間Crane Hotel浸溫泉，於是佢又跟埋去附近睇睇有乜漏網景點，點知又畀佢摷到原來Crane Hotel附近個藝術區，一樣可以打卡打唔停…

之前麥明詩同盈盈（疑似）醉住去睇發電機酒店，去完裡面個教室酒吧、食完Dirty Burger，再略略參觀完房間就冇下文…而呢間酒店，其實仲有好多特色，唔單止酒店裡面，附近亦有好多好地方，阿Fred一於住返晚，親身體驗下，然後同大家講講真真正正第一身感受！

地址： Paleisstraat 23 1012RB Amsterdam Website: https://www.urban-grill-amsterdam.nl/ 開放時間： 11:00 – 21:30 價錢：漢堡包由€8起 薯條由€3.5起 呢間位於阿姆斯特丹市中心嘅漢堡包店，大大啖嘅漢堡扒配上薯條，令阿Fred回味無窮！其實市中心都有好多呢類漢堡包店，可以畀顧客坐喺餐廳外，Enjoy美食同城市氣氛，而質素亦都同呢間一樣相當唔錯。

盈盈同麥明詩殺入自由大學，又話深度遊，其實又係去咗搵仔仔！阿Fred就務實啲，搵咗自由大學嘅學生，問吓呢間大學有乜好地方，同學仔就推介必試Canteen食品，食飽飽，阿Fred就去咗操場同大學生挑機玩飛碟！玩玩下，學生仲推薦佢去埋另一間大學 - 阿姆斯特丹大學睇吓，因為嗰度有條勁有歷史同堅書卷味嘅二手書店街~