相信去去加拿大升學係好多朋友嘅選擇！但去加拿大揀咩科讀好？今集後生仔同嘉賓就分享各式各樣有趣科目！其中最特別嘅係原來加拿大同學仔可以讀母乳餵哺？聽講仲要帶埋個公仔BB返去實習，一定係用嚟增添同學仔代入感，體驗做爸爸媽媽嘅辛勞！仲有呢大家可能冇諗過，原來森林系係加拿大係超熱門嘅科目，大家又估唔估到點解？

點解覺得陰風陣陣咁？原來一班加拿大KOL分享當地嘅鬼故，嚇到盈盈同祖儀都怕怕！傳說加拿大有間鬼屋，租客係裡面頻頻遇到怪事，當中仲有人離奇身亡！！！鄭衍峰嘅朋友同佢爸爸貪得意走去探險，點知去完係一星期內相繼撞車，有冇咁邪呀？ 「13」對於加拿大人嚟講係一個極不祥嘅數字，究竟係點解？唔通就係同婷婷分享呢個酒店紅衣女嘅故事有關 ?

溫哥華地膽Wendy，今次帶咗Sharlene同Danny去咗一個藝術Feel極重嘅社區 — Mount Pleasant！呢個地方，周街都見到好多又Chill又有型嘅塗鴉或者繪畫，打卡一流！當打卡打到攰，又可以去一間隱世Cafe歎個下午茶，呢間Cafe，裝修靚不特止，個Afternoon Tea Set，又大件又好味，絕對係女生嘅至愛呀~

講到喺溫哥華搵好嘢食，好多人都會推薦日本菜！所以地膽Manica就帶咗Sandy去試一餐極豐富嘅日本大餐，睇吓係咪真係講到傳說中咁正！海膽蟹肉壽司、火炙鵝肝壽司、扇背牛油果沙律、仲有特盛刺身併盤同特色紙火鍋…嗱，齋聽呢啲菜式就好吸引，到底味道係點，睇片聽吓佢哋嘅Comment嘞~ 店舖資料： 魚旨匠 地址： 8300 Capstan Way #1028, Richmond, BC V6X 4B7 Canada 營業時間：17：00 - 12：00 電話:  1 604-285-8882

加拿大朋友都好似比較早食飯，想食宵夜應該去邊好？溫哥華Carman就推介大家去Richmond 果頭，通常中餐館都會開到凌晨一兩點，咁就可以慢慢食啦。婷婷就話係溫哥華食越南Pho 最緊要揀夠「罨耷」嘅餐廳，最好要望落就嚟執嘅鋪頭，唔通呢個先係夠正宗嘅指標？

兩位男生，先去室內小型賽車場鍊車，玩完見肚餓，Steven就帶咗阿楓去一間位於烈治文(Richmond)嘅牛肉麵店醫吓肚，呢間舖嘅牛肉麵除咗夠台灣地道，食品選擇亦非常多，兩位大食男生仲食到飽飽，絕對多謝Steven推介！ 店舖資料： 洪師父牛肉麵(列治文時代坊店) 地址： Unit 2800 Aberdeen Centre, 4151 Hazelbridge Way,Richmond,BC V6X 4J7 營業時間：11:00 a.m. ~ 9:00 p.m. 電話:  1 (604) 295-9357 網址：https://www.chefhungfoods.com/

為咗提升睡眠質素，後生仔們各出奇招，仲話鼻鼾重症者唔好打平瞓，打側瞓會大大減少打鼻鼾嘅機率！但係有d人瞓著咗就會變返打平瞓，盈盈就教路，如果男仔有鼻鼾就背脊戴翻個bra，再塞個網球落去😈😈😈😇

今集溫哥華後生仔同大家講睡衣！Ethan就show畀我地睇佢平時會著嘅四角底褲原來印咗d性感公仔，阿楓就一於少理，由香港千里迢迢咁帶咗佢條虧佬褲嚟溫哥華，仲話保暖一流添！🤣🤣🤣另外有部分人原來係裸睡派，仲話裸睡除咗舒服仲會增加血液循環！？🤔🤔

成日都聽到外國人歧視華人嘅新聞同例子，相信唔少外國留學嘅同學仔都經歷過被歧視，甚至乎欺凌，到底喺海外嘅後生仔係畀人點樣歧視，同埋點解對華人留學生咁反感？

又嚟到溫哥華地膽推介！今次Jeffery帶Danny去機場附近嘅一個特色彷飛機航道公園，原來係帶Danny嚟感受吓喺溫哥華Dating嘅感覺！可以喺彷真跑道抬頭望住飛機升降，仲有個巨型地球儀可以同另一半一齊環遊世界... 等等先，好似仲差一招必殺技：甜品！Jeffery就即刻介紹咗一間同樣位於Richmond嘅日式甜點店，入面有齊和菓子,麻糬,朱古力呢類甜點小食，如果買齊佢哋，做足準備再去公園打卡睇日落，出Pool成功率100%呀！ J.sweets 地址： 4151 Hazelbridge Way #2500, Richmond, BC 營業時間： (星期日至三)11:00 - 19:00 (星期四至六)11:00 - 2100 連結： https://jsweetsstore.com/

香港人過新年都有好多傳統禁忌唔做得，例如年初一唔可以洗頭，同時要開晒全屋嘅燈瞓覺！現代少少嘅例如男女朋友約會嘅時候應該由男方付費，到底加拿大長大嘅後生仔女又接唔接受到，同埋又點睇呢啲華人傳統文化？

又嚟到溫哥華地膽推介！今次Carman 帶Sandy 去到Coquitlam去食oppa ? 哦唔係，原來係帶Sandy食一間自己平時去開嘅韓國餐廳，睇佢地叫到成枱都係，有炸雞、韓式粉粉絲等等。小編睇到流晒口水，勁想食埋一份！食到飽飽，再去埋睇秋天先可以睇到嘅三文魚回流，睇下三文魚媽媽點樣返到產地生BB，果然真係夠晒地道！

今集繼續deep talk!盈盈同Louisa 原來都鍾情異國戀，唔通真係隔離飯香？聽聞外國人對於Friends with benefits 嘅接受程度都比較高，究竟係點解？

今集後生仔繼續同一班溫哥華KOL深度對談，講起大家嘅ex如果同自己best friend 拍拖，原來都會勁介意！！問起大家可以接受同大自己幾多嘅異性有親密行為，大家極強調年齡唔係問題，但陸浩就話有「媽」字輩都唔okay？

【地膽推介】嚟到溫哥華，除咗去啲熱門景點影相打卡，其實好多後生仔女都想體驗下當地人生活！所以地膽牛婷婷就帶咗台灣KOL小牛（牟韻潔），去佢平日最鍾意蒲嘅地點 — Main Street！喺Main Street呢度，有好多細細間、好有特式嘅咖啡店，當地人好鍾意趁住好天氣，買杯咖啡同Friend坐喺陽光樹蔭底下，傾吓偈放鬆下；傾到咁上下，又會隨處逛下唔同嘅小店，而婷婷就推介咗一間賣各類原材料嘅環保雜貨店，畀小牛睇吓溫哥華對環保重視嘅一面；跟住覺得心情好，婷婷又帶小牛去花店買紮花送畀自己，然後又繼續Hea遊…嘩，真係隔住個Mon都感受到當地生活有幾咁Chill、幾咁隨性呀！

上次香港後生仔去到溫哥華拍外景，其實仲同溫哥華新時代電視（Fairchild TV）合作，同當地主持及後生仔女合作拍攝新時代電視版本嘅【#溫哥華後生仔傾吓偈】！第一集，先同當地後生仔女傾吓「蒲」嘅文化，傾開至發現，原來外國蒲嘅氣氛真係好似好玩好多！而傾到如何搭訕，溫哥華後生仔Ethan仲親身示範如何極速冧到女生嘅絕招！🤣🤣另外戴祖儀就分享佢係英國讀大學嘅去蒲經歷，原來英國大學入面已經有Club，仲要成兩層咁大，晚晚有Party！真系齋聽都聞到酒精味！🤩🥳🥳