疫境之下無得飛？ 等 #溫哥華後生仔傾吓偈 嘅婷婷同埋Ethan帶大家去溫哥華搵食！ 加拿大西岸野生嘅 #斑點蝦，每年只有短短1-2個月嘅時間可以捕獲，水域無污染，加上「可持續」漁業政策，捕獲數量好少！連當地人都要排隊先有得食㗎～ 睇婷婷同Ethan 現場食刺身，真係好正！就算唔係刺身，好似佢哋咁拎到返屋企，等Ethan爸爸化身疫境廚神，將#斑點蝦做成一蝦兩吃，一味酥炸蝦頭，一味清蒸蝦身，一樣食到佢哋兩個舐舐脷，Yum! 個身去唔到，個心都要飛！ #溫哥華後生仔傾吓偈 #疫境廚神 #溫哥華直送 #斑點蝦 #牡丹蝦 #刺身 #一蝦兩吃 #海鮮 加拿大直送野生斑點蝦傳送門： https://su.tvb.com/p/RRMIiPs2 ------------------------------ TVB網絡綜藝節目《疫境廚神》為香港及海外觀眾提供煮食交流平台，馬上投稿，贏取豐富現金券或購物禮券：： https://bit.ly/33aR6X5 ------------------------------ Instagram：https://bit.ly/3bMvwMr Youtube：https://bit.ly/2F4uujb Big Big Channel：https://bit.ly/2Rau2Cm

傳説，UBC大學有個連Ethan都夢寐以求想加入嘅神秘學會，呢個學會聽聞仲係女生限定！??身為學會成員之一嘅Carman被問到學會有咩神秘活動嘅時候，佢就話呢啲唔可以對外公開。但之後可能係被一眾MC追問，Carman就疑似講咗啲慧妍雅集嘅活動內容出嚟轉移視線。呢件事相當有嫌疑，絕對唔係睇落咁簡單??

相信去去加拿大升學係好多朋友嘅選擇！但去加拿大揀咩科讀好？今集後生仔同嘉賓就分享各式各樣有趣科目！其中最特別嘅係原來加拿大同學仔可以讀母乳餵哺？聽講仲要帶埋個公仔BB返去實習，一定係用嚟增添同學仔代入感，體驗做爸爸媽媽嘅辛勞！仲有呢大家可能冇諗過，原來森林系係加拿大係超熱門嘅科目，大家又估唔估到點解？

今集同溫哥華後生仔講家規，到底係同香港後生仔有咩唔同呢？Ethan就同我地分享佢細個畀屋企人罰嘅經歷，就係打機打到畀屋企人送咗入精神病院！！??

今集溫哥華後生仔同大家講睡衣！Ethan就show畀我地睇佢平時會著嘅四角底褲原來印咗d性感公仔，阿楓就一於少理，由香港千里迢迢咁帶咗佢條虧佬褲嚟溫哥華，仲話保暖一流添！???另外有部分人原來係裸睡派，仲話裸睡除咗舒服仲會增加血液循環！？??

上次香港後生仔去到溫哥華拍外景，其實仲同溫哥華新時代電視（Fairchild TV）合作，同當地主持及後生仔女合作拍攝新時代電視版本嘅【#溫哥華後生仔傾吓偈】！第一集，先同當地後生仔女傾吓「蒲」嘅文化，傾開至發現，原來外國蒲嘅氣氛真係好似好玩好多！而傾到如何搭訕，溫哥華後生仔Ethan仲親身示範如何極速冧到女生嘅絕招！??另外戴祖儀就分享佢係英國讀大學嘅去蒲經歷，原來英國大學入面已經有Club，仲要成兩層咁大，晚晚有Party！真系齋聽都聞到酒精味！???

外國人對華人，其實都有好多先入為主嘅標籤，例如以前好多外國人會覺得個個華人都識功夫，或者華人都愛著長衫/旗袍，今時今日，佢哋又冇唔同睇法呢？溫哥華後生仔女Ethan同埋Carman，就同大家分享吓佢哋親身感受近年加拿大人對華人嘅第一印象係點！聽佢哋講完，又觸發到見多識廣嘅麥明詩，分享吓佢睇過嘅外國Research，講外國人眼中，華裔女生同男生嘅吸引力有乜嘢唔同！而講到全世界最受男生歡迎嘅女生，大家就話原來係烏克蘭女生！到底點解呢？

除咗飲飲食食，溫哥華後生仔Ethan就帶咗香港嘅阿楓，去咗位於烈治文一間華人開辦嘅跆拳道學校參觀，因為據講呢間學校嘅創辦人，係教咗幾代溫哥華後生仔跆拳道架喇！難得見到師傅，Ethan同埋阿楓，都話要跟佢上吓堂，然後仲話要切磋下… Wu’s Taekwondo School (Canada, Richmond Taekwondo Association) 地址： #120 Fairchild Square, 4400 Hazelbridge Way, Richmond BC V6X 3R8 網址： http://www.wustaekwondo.com/

溫哥華後生仔Ethan戀愛經驗豐富，而且有好多追女仔秘訣，其中一樣殺手鐧，就係帶女仔去啲又靚又特別，啱晒打卡嘅餐廳，食住甜品浪漫一下！呢間位於烈治文嘅甜品火鍋餐廳，Ethan話好多女仔都必定鍾意，香港後生仔Danny去到之後，都完全同意呢間甜品舖係冧到女架！ Avery Cake Restaurant 地址： 112-4751 Garden City Road, Richmond, BC V6X 3M7 營業時間：11:00 a.m. - 10:00 p.m. (Mon - Sun, 逢星期二休息) 網址： https://www.facebook.com/averyrestaurant/