6 日前
[建議觀看前先收細音量**］
幾位後生女都聲稱自己廚藝了得，今次節目組就將廚房搬去後生仔錄影廠，等佢地決一高下！ 煮還煮，因咩事嗌到拆天？原來芷欣、欣茵同波波分別要係限時內挑戰三道極具挑戰性嘅指定菜式！波波捉活鱔，欣茵煮蟹，芷欣整墨魚，唔怪得佢地咁嘈啦！我地仲特登請咗「神之馬壯」黎諾㦤做嘉賓，現場指導幾位後生女！6號同黎諾㦤都睇到忍唔住要幫手?? 小編真係第一次睇人煮飯睇到咁心驚膽跳，特別係見到波波嘅揸刀方法，真係好驚嚇? 各位朋友千祈唔好學呀！！！
搜尋 “Enson” 的結果
1 周前
去露營通常大家都會有備而戰，但後生仔似乎比較隨性，連帶去露營嘅物品都特別過人！ 波波話一定要拎passport，睇嚟佢真係睇得太多災難片🙊盈盈同子碩就突然好注重口腔清潔，話要拎香口膠同牙線？！欣茵就覺得影相最重要，話打卡燈一定唔可以少！其實佢地拎嘅嘢都幾唔等使，係咪聽到要同佢地去露營都怕怕？🤣🤣🤣
1 個月前
疫情下嘅考生要如何備戰？今屆DSE文憑試無法如期開考，相信考生們都承受極大嘅壓力！雖然疫情嚴峻，小編都想為今屆嘅考生打打氣，希望大家都可以繼續努力備戰，專心應考，唔好被疫情影響心情！盈盈講起自己以前考公開試都係臨急抱佛腳，佢同祖儀考試前仲掛住追星添，大家千祈唔好學呀
1 個月前
講起中學時代，就自不然會講吓大家戀愛史。原來中學年代嘅愛情故事，最後都會變成「襟兄弟」嘅結局，唔係笑大家，小編自己都有，但係同當年呢班「襟兄弟」，依家仲fd過打band，感情同嗰陣追嘅女仔仲要好呀?? 除咗戀愛史，中學嘅集體回憶，當然仲有Joint School Ball啦！而Enson就試過中二嘅一次Joint School Party，玩到射濕隔離校嘅女同學，最後仲幾乎搞到要報警呀??
1 個月前
我地今集開放機會，俾一眾男士追盈盈！（利申：好似唔係個個都好想追盈盈，各位男嘉賓同後生仔都係被參加呢場派對 🤣）咁咩方法最吸引到盈盈呢？佢地出盡方法請盈盈食蝦條，Danny 同鄭衍峰仲同盈盈上演蝦條之吻，Dickson反其道而行，唔請盈盈食蝦條，唔通真係得唔到嘅最吸引？ 🤔🤔🤔
2 個月前
今集我地同大家講吓貓主子！黃頌明帶咗佢兩隻貓貓上嚟，陪我地一齊傾偈～GM話養貓人士好多都係「M底」，好鍾意主子果種高傲而且愛理不理嘅感覺，大家又覺得係唔係先？祖儀扮貓叫，點知畀嘉欣話似貓叫春？！小明仲同我地分享佢畀自己嘅貓主子扯甩頭髮嘅經歷，真係聽到都覺得痛啊！
2 個月前
雖然宜家大家都未有得去旅行住，但都可以聽住後生仔女分享以往去旅行嘅經歷，避免日後出遊時瀨嘢！ Bella同盈盈好似住親嘅酒店都會冇水？聽到嘅朋友會唔會唔想同佢地一齊去旅行?？阿楓去倫敦嘅時候超驚險，差少少遇到恐怖襲擊！Fred 就同大家分享佢朋友去旅行用錯sim card，差啲要畀三十幾萬俾電話公司??大家記住引以為鑑，去旅行記住睇清楚sim card 先好用呀！
2 個月前
祖儀今次推介俾大家嘅書叫Organise Tomorrow Today，書裡面分享咗一個好實用嘅方法去教大家點樣可以更加容易達到自己嘅目標。首先，就係要好好規劃每一日要做嘅事情，例如今日就要為明日定好目標，每日選擇三項最重要嘅事情去完成，而且要上午十二點前就完成。小編覺得呢個方法可聽落又簡單又容易執行， 又可以更有效率咁做到自己想做嘅事情，大家不妨都試吓啦～
2 個月前
疫情持續肆虐，呢排愈嚟愈多朋友去行山，去大自然呼吸新鮮空氣！但行還行，一定要帶齊裝備！阿楓同Tiffany 就提提大家行山前記住裝好座標app，仲有唔好怕老土，要帶齊地圖同指南針！唔好睇少呢D事前準備啊，有咩意外隨時可以救自己一命！
2 個月前
平時做開gym 嘅你有冇諗住試下做HIIT（高強度間歇訓練）？雖然可以極速消脂減肥，大家聽到一定會覺得好吸引! 但祖儀就分享佢以前做HIIT嘅慘痛經歷！其實身體承受唔到咁強烈嘅運動係好容易會出事㗎，大家做運動一定要量力而為！
