搜尋 “Band” 的結果
11 個月前
講起中學時代，就自不然會講吓大家戀愛史。原來中學年代嘅愛情故事，最後都會變成「襟兄弟」嘅結局，唔係笑大家，小編自己都有，但係同當年呢班「襟兄弟」，依家仲fd過打band，感情同嗰陣追嘅女仔仲要好呀?? 除咗戀愛史，中學嘅集體回憶，當然仲有Joint School Ball啦！而Enson就試過中二嘅一次Joint School Party，玩到射濕隔離校嘅女同學，最後仲幾乎搞到要報警呀??
2 年前
謝霆鋒最近派台新歌〈塑造〉（國語版〈深淵〉）是向偶像天團Linkin Park致敬的作品，歌曲推出後反應極佳，不過MV卻未能同步上線，原因是要遠赴南澳袋鼠島取景，為了MV能有最佳效果，所以寧願押後推出日子。經過多方考量，以及事前的籌備後，最後獲得澳洲旅游局及南澳旅遊局支持，前往有「沒有圍欄的動物園」之稱的南澳袋鼠島拍攝。這個一望無際的地方，每處都是經過億萬年風蝕海侵的自然景象，每一步都是地球最原始的面貌，不時都有國際知名雜誌及電視頻道前往當地進行報導 。
特別點名跟台灣女鼓手小白合作
為配合歌曲氛圍，製作隊伍為霆鋒組了一隊樂隊，霆鋒:「因為我想這首MV具備band sound的感覺，而每個位置我都想找能夠擔當得最好的人去合作。」團隊中打鼓位置，便找到來自台灣，在網上擁有超高人氣的青春女鼓手羅小白參與。霆鋒坦言在網上看過她的演出片段非常欣賞，故促成這次合作。霆鋒︰「我一直覺得女仔識打鼓是好有型，而且要跟MV配撘上，我覺得她坐在鼓上一定是最好的。」
零防曬任曬燶
整個拍攝歷時兩日，在澳洲旅游局及南澳旅遊局協助下，去了多處地方取景，每處都是見證大自然力量，以及不作修飾的粗糙美，跟搖滾音樂的狂野配合上。霆鋒︰「因為搖滾的東西很有‘公路’的感覺，今次地點有齊沙漠、岩石、海岸、一望無邊的長公路做背景，正正是我想要的那種遼闊，但又型格的質感。」再問到袋鼠島是否“島如其名”，袋鼠隨處可見？霆鋒笑謂:「沿途久不久都會遇到一隻，特別在我們下榻的地方，有的袋鼠根本唔怕人，能夠非常近距離接觸，是不錯的體驗。」
拍攝當日，正值烈日當空，不過霆鋒都無特意去搽防曬，照單全收，在場工作人員問霆鋒需唔需要防曬措施，佢就話：「唔駛啦，因為我都想曬黑點，準備3月17日的戶外活動。」不過當晚回到酒店後，霆鋒就發覺自己過份曝曬，「我諗住係曬黑少少，點知燶咗！」
2 年前
因為參加內地選秀節目而爆紅嘅許靖韻（Angela）日前於廣州中央車站展覽廳舉行第一個賣飛音樂會《Angela First Tour 廣州站》，近千人嘅場館全場爆滿。
近兩個鐘嘅演唱會以歌會友為主，當晚Angela換咗兩套衫，除咗騷唱功，仲大晒音樂才華，一口氣用鋼琴自彈自唱四首歌。Angela話音樂會前期待之餘又緊張，「喺廣州第一次有自己賣飛的音樂會，開show之前好緊張，但係又冇乜時間緊張，因為前後得兩個星期去準備成個音樂會，排練、諗歌、度rundown。一路都冇特別去諗過自己可以有賣飛嘅音樂會，覺得呢件事好似等咗好耐、好期待，然後又好快就發生。」
第一次開show，Angela話有好多難忘事，當中對觀眾嗌encore印象特別深刻，「其實之前都冇特別諗encore嘅嘢，到真係on show時，我都未唱完，啲觀眾已經嗌encore。其實之前隊band都有問過，如果啲人唔嗌encore咁點？哈哈。所以係好開心，喺我未唱完嘅時候就嗌encore，同埋覺得好搞笑。」而歌迷嘅支持亦令Angela好感動，「我知道有好多fans係特登買機票飛過嚟睇我第一個音樂會，又要book酒店，呢樣嘢我已經覺得好不可思議，同埋好感動。」佢仲話要特別多謝陳芳語同吳香映嘅fans，「因為佢哋嘅fans都有送花籃過嚟，真係好開心咁多人支持。」除咗親身到場支持，fans亦做咗好多心思嘢，「我一入到去化妝間，就已經見到擺滿晒佢哋送嘅粉紅色蛋糕、枱布都係粉紅色、氣球都係粉紅色，全部嘢都係粉紅色，佈置咗一個好靚嘅化妝間俾我。會場門後，佢哋擺咗好多花籃、好多可以俾人打卡嘅相框，做咗好多好有心思嘢。之前fans話如果我開show，佢哋一定會為我準備一個粉紅色嘅海，即係佢哋會拎住粉紅色嘅燈棒。音樂會當晚我真係見到呢個粉紅色嘅海，但好搞笑嘅係，個粉紅色嘅海，去到音樂會尾聲時有啲冇電，哈哈哈。」
2 年前
廣州處女開騷
洪卓立拖女上台冧到爆
日前，歌手洪卓立（Ken）喺廣州體育館舉行演唱會，三千人場館全場爆滿。當晚除咗唱咗近三十首歌，Ken亦都有同歌迷玩遊戲，實行親親fans，最後佢仲公然拖女上台唱歌仔，期間二人十指緊扣、又深情對望，睇到台下觀眾嘩嘩聲。
經常返內地商演嘅Ken喺廣東省有唔少歌迷，不過開show都係第一次，阿Ken話：「今次係我第一次嘅內地個人賣飛Live Band Concert，都幾緊張，一嚟係緊張自己嘅表現、二嚟就係緊張大家嘅反應。」不過佢嘅「緊張」隨住開場第一首歌一掃而空，「一出場、唱第一隻歌成個氣氛已經令我好感動，因為見到坐滿晒人。」話晒第一次開show，Ken當然有好多嘢想同歌迷分享，不過演唱會導演就叫Ken講少啲，「因為唔係成日見到內地嘅fans，所以會想同佢哋分享自己嘅嘢多啲，不過導演驚我一講就收唔到口，所以不停remind唔好咁多口水，哈哈。」
雖然講唔到咁多嘢，但演唱會上都有同fans互動環節。演唱會中段除咗同fans玩估歌仔遊戲，尾段有遊戲，就係左右各一位觀眾喺台下試唱《難以取替》，得到掌聲較大嘅觀眾就可以上台同Ken合唱呢首歌，最後一位女fans勝出上台，Ken亦都好識做，除咗不停放電，仲同佢十字緊扣，冧到個女fans暈得一陣陣，而台下fans嘅尖叫聲簡直震爆成個體育館。
最後Encore時，Ken同全場大合唱佢嘅代表作《彌敦道》，氣氛高漲。之後着埋歌迷會會服嘅佢仲拎埋電話出嚟同大家玩selfie，整個演唱會圓滿結束。
2 年前
《360°音樂無邊》(2006年)
《Live House》(2007年)
《天與地》(2010年)
《變身男女 Chok Chok Chok》(2011年)
《東坡家事》(2015年)
《Busking不停音樂》(2016年)
《跳躍生命線》(2018年)
張彥博曾是樂隊組合赤子的成員
鋼琴、結他、打鼓樣樣皆能
多個節目中不時發現他演奏的身影
後來阿博跳入公仔箱演電視劇
由主角身後的「Band友」做起
漸漸累積名氣
成為令觀眾印象難忘的「細寶」、「雄姐」
#童顏暖男
#雄姐 #RIP
#角色死 個人無事
#跳躍生命線 #呂劍雄
