唔少後生仔都會想創業做老闆，實際上應該點樣踏出自己嘅第一步？Kelvin 即刻自爆創業經歷，仲話自己最高峰有幾個舖位！後生仔Alston 同女友歐卓妍合力開工作室，GM波波親身去偷師兼學整陶瓷，一齊聽吓Alston 同卓妍嘅創業心得先！

之前疫症好緊張，後生仔女好耐冇得一班人Gathering！趁呢排限聚令逐步放寬，好多Party Room都重開，所以我哋就搵咗幾個後生仔女掃返幾個場，畀啲參考各位諗住同班Friend Gathering嘅朋友睇睇。第一間掃場嘅Party Room（Ball Room），就係位於觀塘開源道駱駝漆大廈！呢間Party Room入面空間大之餘，最搶眼就係佢個冰壺場，另外，佢哋裡面仲有個旋轉層層疊同埋電流急急棒，一樣好玩！經過Alston、Kosa、欣茵同埋GM嘅人肉實測，呢個場隨時可以玩到大家聲都拆埋呀！

如果去到無人島，一班後生仔邊個生存機率最低？波波對病菌咁敏感，睇嚟係最易死？相反，經大家仔細分析，Kelvin最似會食人，所以最易生存落去？如果俾大家揀，可以帶一個人去無人島，你會帶邊個？盈盈揀方力申，而6號就話一定要帶肥媽，究竟係點解？

我地今集開放機會，俾一眾男士追盈盈！（利申：好似唔係個個都好想追盈盈，各位男嘉賓同後生仔都係被參加呢場派對 ?）咁咩方法最吸引到盈盈呢？佢地出盡方法請盈盈食蝦條，Danny 同鄭衍峰仲同盈盈上演蝦條之吻，Dickson反其道而行，唔請盈盈食蝦條，唔通真係得唔到嘅最吸引？ ???

我地後生仔節目組破天荒為盈盈舉辦單身派對，幫盈盈公開徵男友！ 要做盈盈嘅男友有咩條件？盈盈就話首要當然係幽默靚仔！除咗以上條件，最重要梗係成日陪到盈盈啦！一班嘉賓同後生仔又覺得盈盈易唔易追呢？

今集我地同大家講吓貓主子！黃頌明帶咗佢兩隻貓貓上嚟，陪我地一齊傾偈～GM話養貓人士好多都係「M底」，好鍾意主子果種高傲而且愛理不理嘅感覺，大家又覺得係唔係先？祖儀扮貓叫，點知畀嘉欣話似貓叫春？！小明仲同我地分享佢畀自己嘅貓主子扯甩頭髮嘅經歷，真係聽到都覺得痛啊！

生活中好多時候，大家可能都會試過雙重標準，特別係現時疫情咁嚴重，大家唔多唔少都可能試過，聽到人吔乾咳，自己即劑彈開，但如果自己咳，就會覺得冇問題！另外仲有其他狀况，好似體味咁，自己有嘅時候就唔覺得係一回事！Bella 就係屋企都遇到媽媽對佢雙重標準，佢入廚房竟然會被媽媽話搗亂？

疫情持續肆虐，呢排愈嚟愈多朋友去行山，去大自然呼吸新鮮空氣！但行還行，一定要帶齊裝備！阿楓同Tiffany 就提提大家行山前記住裝好座標app，仲有唔好怕老土，要帶齊地圖同指南針！唔好睇少呢D事前準備啊，有咩意外隨時可以救自己一命！

平時做開gym 嘅你有冇諗住試下做HIIT（高強度間歇訓練）？雖然可以極速消脂減肥，大家聽到一定會覺得好吸引! 但祖儀就分享佢以前做HIIT嘅慘痛經歷！其實身體承受唔到咁強烈嘅運動係好容易會出事㗎，大家做運動一定要量力而為！

網片類型有好多種，有女仔會鐘意睇人化妝，有男仔會鐘意睇科技嘢。六號就話自己好鐘意睇蕭叔叔嘅英式英語片，大讚蕭叔叔把聲好聽！黃建東就話鐘意睇人狂食嘢好療癒；Danny仲爆Sharlene有個習慣：睇人狂食嘢就當自己食咗宵夜！

網上KOL眾多，真係要有返咁上下噱頭先可以突圍而出！今集我地請嚟黃建東做嘉賓，分享吓佢創作網片爆紅嘅經歷！咦？佢竟然呻笨話自冇用個優勢嚟賺錢？而後生仔女就分享自己平日最鍾意睇整蠱片同神秘學等等，大家又最鍾意睇咩？

大家有幾耐冇拎起技筆寫字呢？現代人習慣用電腦電話做文書處理，攪到真係寫字嘅時候反而會執筆忘字！估唔到盈盈竟然唔識寫「螞蟻」喎！大家唔記得某隻字點寫又或者想偷懶的話，又會唔會好似何遠東咁搵AI幫手呢？

Home office 做到悶悶地又想keep fit? 不如跟Tiffany 一齊做吓 workout！簡單四式等大家係屋企都可以輕易做到！

今集後生仔就分享關於網絡安全嘅知識!Hacker無處不在，原來Tiffany 、Kelvin同芷欣都試過中招！大家千祈唔好亂咁同人分享自己嘅個人資料，讓不法之徒有機可乘！

最有錢後生仔Tiffany同最窮後生仔Alston今集會討論下大家之間嘅貧富懸殊差距，等我哋可以釐清下咩叫有錢，咩叫窮！???另外林穎彤仲提到一個耐人尋味嘅現象，就係有錢人越慳錢，唔通有錢人d錢係慳返嚟！？???

後生仔3.0正式登場！今次一共有4位加盟，分別係Enson、Bonnie、芷欣同嘉欣。心水清嘅朋友，應該都知道芷欣同嘉欣之前喺J2節目「電競王」出現過，至於Enson同Bonnie，就係唔嫌我哋煩?，接受過多輪會面而甄選出嚟嘅! 入嚟後生仔Family，我哋當然都要迎吓新！而新人最需要面對嘅，就係觀眾同網民嘅Mean爆Comment! 既然預咗畀人Mean，不如自己Mean咗先! 所以一眾師兄師姐，就個個Mean爆網民上身，寫啲Comment畀佢哋，睇吓佢哋4位點反應！

新型冠狀病毒肺炎係香港引起嘅疫情愈嚟愈嚴峻，今集我地一齊探討吓有咩防疫措施可以做到！6號就教大家係外出時如果出現口罩移位嘅情況，點樣可以正確咁調整，波波就分享自己平日嘅抗疫貼士，但似乎自己都俾個疫症搞到精神緊張？？大家記住要勤清潔，多用酒精搓手液，時刻注意個人衛生！

最近大家多咗home office, 會唔會更加容易懶床？？講開懶床，最怕就係遇著裝修，真係想訓多陣都唔得！各位後生仔為咗懶床都奇招百出，估唔到盈盈連降噪耳機都出埋，但都係搞唔掂？！另外，掌聲鼓勵 Fred 同欣茵成功當選懶床界KOL，但點解大家會覺得佢地個樣最似會懶床？

疫情嚴竣，專家們日日夜夜不停呼籲大家要注意個人衛生：戴口罩、勤洗手，另外，做運動亦都有助抗疫！不過，呢期好多Gym Room同泳池都唔開，想落街跑步？一諗到如果戴住口罩跑就會透唔到氣，於是又打消咗念頭！但係其實想做運動Keep好身體嘅話，只要有決心，留喺屋企一樣得！為咗教大家如何喺屋企都可以繼續強身健體練大隻，我哋後生仔幕後團隊，就訂咗一大箱健身器材，等後生仔Alston（李嘉豪）逐樣做畀大家睇！雖然我哋未必做得好仔細，但都希望可以藉住呢段簡單教學片，鼓勵到大家唔好偷懶，呢期即使要留喺屋企，都會Keep住做運動，增強抵抗力，Keep住身體健康，唔好咁易病倒，對自己有幫助之餘，亦減低增加醫護人員嘅負擔！ * 片段亦特別鳴謝亂入學員Sharlene同埋Frederick嘅真情參與