嚟到呢集嘅尾聲，伍BUD區蕭唱出許冠傑嘅《難忘你》。佢哋三個人嘅和聲真係令人聽出耳油啊！想聽更多佢哋三個會翻唱嘅歌曲？記得千萬唔好錯過星期日晚嘅《總有歌聲喺隔離》喇！

喺呢個環節，伍BUD區蕭繼續大展歌喉，唱出《遙遠的她》、《甘心替代你》、《燕尾蝶》同《友共情》嘅Medley。可能好多人都因為呢個疫情，好耐都冇得見身在異鄉嘅屋企人或者朋友，但希望藉住呢首歌，可以俾大家知道即使幾年冇見，但友共情仍然不變。

第一集嘅《總有歌聲喺隔離》，先有伍BUD區蕭 （蕭正楠、伍仲衡、區永權）打頭陣，獻唱佢哋嘅自創歌曲《地球生病了》。之後請到身在悉尼嘅葉麗儀接受訪問，雖然佢而家唔係香港，但佢都仍然為香港人打打氣，渡過呢個難關！

人無夢想真係同咸魚無分別！姚宏遠、陳俊堅、程浩駿、鄭雋熹同林浩文由藝訓班畢業，亦都參與過無數嘅演出。可惜依然浮沉於七線位置仲極少人認識。為夢想自組「人棄組合」，自編自導自演自己剪埋，佢地為搲bud，決定走遍電視城！終於喺廁所搵到總經理曾志偉，仲成功sell橋！ 睇完精華唔夠喉呢！全套已經喺MyTV Super 足本上架！佢哋真係拍得好辛苦㗎！支持下佢哋啦！

台慶壓軸環節，當然係爭奪台慶大獎！今年台慶，6號就真係冇鬼用，同38萬大獎只有1 cm距離都竟然攞唔到！所以，我哋Low Bud台慶大獎，都罰佢齋主持，冇得玩！而負責領軍嘅Bella同FYY，就要嚟一場健康得嚟又相當緊張刺激嘅「礦泉水競飲大賽」！而喺場面極度失控嘅情況下，到底最終邊隊可以開到寶箱攞走現金獎？結果出人意表，睇片自有分曉！

第二集，後生仔繼續以Low Bud方式賀台慶！ 今年台慶一班「聲夢傳奇」參賽者先聲奪人，我哋後生仔亦有樣學樣，派出魔音天后FYY開金口！而FYY就為咗呢個短短幾十秒嘅唱歌演出，專登搵歌唱老師惡補，到底佢唱成點，能否成功挑機聲夢參賽者，大家洗耳恭聽啦！

唔講唔知你知唔知，年年【萬千星輝賀台慶】，星光熠熠，華麗舞台，衣香鬢影，今年仲送埋53萬獎金獎品，鬼咁大Budget！但係賀台慶，講心唔一定要講金，高Bud有高Bud搞，Low Bud一樣可以有聲有色，一樣可以開開心心！ 所以一班後生仔女，就特登落足心機，以極Low Bud，又盡力嘗試做到高質嘅方法，泡製咗一個特備節目 — 【萬千Low Bud賀台慶】！雖然講明Low Bud，但一樣係有歌有舞有爭奪現金獎！ 第一集，喺冇夾過嘅情況底下，FYY一嚟就向今年台慶致敬 - High到甩鞋！但係High還High，佢哋亦為Low Bud台慶認真排舞（Bella仲好似扭親腳添…），到底最後跳成點，睇睇啦！

【今宵多珍重 － 非官方low bud演員版】 《今宵多珍重》咁多個版本，你聽晒未？ 唔爭在聽埋一班《金宵大廈》嘅演員唱嘅呢個版本啦！ 小編私心 山聰唱歌好鬼好聽！ 記得繼續支持《金宵大廈》喇！