2 周前
前世嘅恩恩怨怨嚟到現代終於有機會了斷，章經( 陳豪 )、朱螢嬌( 龔嘉欣 )、邵桂芝( 江嘉敏 )等人聯手對付功力大增嘅穆曉嵐( 糖妹 )，估唔到康熙、小寶同鰲拜都有合作嘅一日...
《 新四十二章 》圍繞「尋寶」及「維度」作主題，劇情多元，除咗天馬行空元素，仲加插咗唔少輕鬆搞笑又節奏緊湊嘅打鬥場面，加上不時穿插嘅科學理論、中國文學以及催眠治療等充滿學術性嘅細節，務求帶俾觀眾前所未有嘅新鮮感。劇集由陳豪、龔嘉欣、周嘉洛、江嘉敏、鄺潔楹、鄭子誠、吳子冲、譚凱琪、糖妹黃山怡、林景程及易宇航演出。
