1 周前
現年39歲嘅胡杏兒，剛剛喺社交網站貼出一家四口嘅手仔相，宣告細仔出咗世啦，佢留言：「Hello Ryan Lee，李奕霖，Daddy,，Mommy and Gor Gor welcome you to our family!! 」不過杏兒只貼咗手仔相，冇貼細仔正面相。
杏兒表示：「弟弟出世重7磅8安士，佢出世時好錫住媽咪，好快手，所以我都冇痛好耐。依家已回家休息，哥哥都好錫弟弟，見到佢好開心好興奮，我哋呢個有牛、羊和雞嘅農場家庭，加埋豬弟弟多謝大家嘅祝福。」
杏兒喺2012年同黃宗澤分手，到2015年就同李施嬅前男友李乘德(Phil)拍拖，到11月佢哋就火速結婚，婚後兩個都積極造人，結果喺2017年10月就生咗大仔Brendan，今日再公告生咗細仔Ryan。
