搜尋 “髮型” 的結果
3 個月前
上個月，容祖兒壓軸現身「KKBOX香港風雲榜」首唱新歌《Pretty Crazy》，等大家先睹為快。今日（4日）2019年第二主打歌派台喇。由黃偉文填詞，歌曲製作、排舞以致MV拍攝都係由韓國團隊主理，實行嚟一個文化交流大衝激。
一向有留意KPOP嘅祖兒話今次可以同韓國製作團隊合作係一次新鮮嘅嘗試，「韓國團隊將佢哋好熟悉或者喺市場上好流行音樂元素設計喺歌曲內，係精彩嘅！」而「Pretty Crazy」的題材靈感嚟填詞人黃偉文，「好多時候啲人會講：『別人笑我太瘋癲 我笑他人看不穿』就係我哋呢一種人啦。」祖兒笑說：「我覺得阿Y（黃偉文）唔係寫緊我，因為我唔係crazy，不過pretty囉，哈哈，不過喺好多朋友心目中，我應該係幾crazy嘅。《Pretty Crazy》喺嚟緊嘅演唱會裏面一首比較重頭戲嘅作品。」歌詞提到「平庸時代 妒忌你 要你正常」，就正如好多偉人變成一個叱咤風雲嘅英雄之前，大家都會覺得佢哋係瘋子，所以我成日都覺得一個真正嘅偉人係經得起時間嘅考驗。」
歌曲MV於韓國拍攝，舞蹈編排亦由香港排到去韓國，舞蹈當然充滿「泡菜味」，「動作可能看似唔係太複雜，但其實身體上嘅協調性、節拍感嘅捕捉，總之個節奏快慢嘅dynamic，係非常之吸引。」祖兒在MV入面總共換咗七個造型，每換一個造型都要換上唔同嘅妝容同髮型，而拍攝時間由最初的十二小時延長到二十小時，難怪祖兒話係一個好大嘅挑戰。另外，導演亦設計咗多個場景拍攝，包括：羅馬雲石宮殿、以鏡子折射打造出infinity視覺效果嘅鏡箱等。除此之外，MV更加入以多個CCTV所砌成嘅道具燈、電單車頭盔等古靈精怪元素，令畫面看上更配合歌曲主題。
今年八月將會舉行演唱會嘅祖兒已經開始努力健身，雖然韓國有好多美食，但佢都好自律咁冇亂喪食，祖兒話：「呢五日偉大嘅拍攝工作，啱啱好喺演唱會之前warm up番成個人、撻着番個摩打。」
4 個月前
第91屆奧斯卡金像獎頒獎典禮於香港時間今早舉行，得獎名單如下：
最佳電影：綠簿旅友（Green Book）
最佳導演：艾方索柯朗（Alfonso Cuaron）/ 羅馬（Roma）
最佳女主角：奧莉花高雯（Olivia Colman）/ 爭寵（The Favourite）
最佳男主角：雷米馬利克（Rami Malek）/ 波希米亞狂想曲：搖滾傳說（Bohemian Rhapsody）
最佳男配角：馬許沙拉艾利（Mahershala Ali）/ 綠簿旅友（Green Book）
最佳女配角：Regina King /（If Beale Street Could Talk）
最佳外語片：羅馬（Roma）- 墨西哥
最佳短片：Skin
最佳記錄片：Free Solo
最佳記錄短片；Period. End of Sentence
最佳動畫短片：包寶寶（Bao）
最佳動畫長片：蜘蛛俠：跳入蜘蛛宇宙（Spider-Man: Into the Spider-Verse）
最佳剪接：波希米亞狂想曲：搖滾傳說（Bohemian Rhapsody）
最佳視覺效果：登月第一人（First Man）
最佳混音：波希米亞狂想曲：搖滾傳說（Bohemian Rhapsody）
最佳音效剪接：波希米亞狂想曲：搖滾傳說（Bohemian Rhapsody）
最佳攝影：Alfonso Cuarón / 羅馬（Roma）
最佳美術設計：Hannah Beachler, Jay Hart / 黑豹（Black Panther）
最佳服裝設計：Ruth E. Carter / 黑豹（Black Panther）
最佳化妝及髮型：Greg Cannom、Kate Biscoe、Patricia Dehaney / 為副不仁（Vice）
最佳原創歌曲：Lady Gaga 《Shallow》/ 星夢情深 (A STAR IS BORN)
最佳原創音樂：黑豹（Black Panther）
最佳原創劇本：綠簿旅友（Green Book）
最佳改編劇本：臥底天王（BlacKkKlansman）
4 個月前
第91屆奧斯卡金像獎頒獎典禮於香港時間今早舉行，得獎名單如下：
最佳電影：綠簿旅友（Green Book）
最佳導演：艾方索柯朗（Alfonso Cuaron）/ 羅馬（Roma）
最佳女主角：奧莉花高雯（Olivia Colman）/ 爭寵（The Favourite）
最佳男主角：雷米馬利克（Rami Malek）/ 波希米亞狂想曲：搖滾傳說（Bohemian Rhapsody）
最佳男配角：馬許沙拉艾利（Mahershala Ali）/ 綠簿旅友（Green Book）
最佳女配角：Regina King /（If Beale Street Could Talk）
最佳外語片：羅馬（Roma）- 墨西哥
最佳短片：Skin
最佳記錄片：Free Solo
最佳記錄短片；Period. End of Sentence
最佳動畫短片：包寶寶（Bao）
最佳動畫長片：蜘蛛俠：跳入蜘蛛宇宙（Spider-Man: Into the Spider-Verse）
最佳剪接：波希米亞狂想曲：搖滾傳說（Bohemian Rhapsody）
最佳視覺效果：登月第一人（First Man）
最佳混音：波希米亞狂想曲：搖滾傳說（Bohemian Rhapsody）
最佳音效剪接：波希米亞狂想曲：搖滾傳說（Bohemian Rhapsody）
最佳攝影：Alfonso Cuarón / 羅馬（Roma）
最佳美術設計：Hannah Beachler, Jay Hart / 黑豹（Black Panther）
最佳服裝設計：Ruth E. Carter / 黑豹（Black Panther）
最佳化妝及髮型：Greg Cannom、Kate Biscoe、Patricia Dehaney / 為副不仁（Vice）
最佳原創歌曲：Lady Gaga 《Shallow》/ 一個巨星的誕生(A STAR IS BORN)
最佳原創音樂：黑豹（Black Panther）
最佳原創劇本：綠簿旅友（Green Book）
最佳改編劇本：臥底天王（BlacKkKlansman）
5 個月前
由阿Sa蔡卓妍、吳慷仁主演嘅電影《非分熟女》，講述失婚嘅阿Sa遇上廚師吳慷仁，從而改變其人生觀嘅故事。同門師妹許靖韻Angela被阿Sa欽點主唱電影主題曲《Improper》，MV日前進行拍攝，由於電影中有阿Sa出浴嘅戲份，於是MV導演希望MV由阿Sa喺電影中出浴片段、Angela拍攝嘅出浴片段交錯剪接而成，作出呼應。
首次為電影唱主題曲及拍攝出浴畫面嘅Angela，錄音時導演要求唱出含苞待放嘅感覺；而MV則要演出唯美和感性的感覺。為拍出浴鏡頭Angela準備了大量防走光用品，她說：「乜（防水）膠布都帶齊晒，哈哈，大中小型乜都有。」但到正式拍攝時，原來她只需要穿上運動無肩內衣，在場的工作人員大笑Angela係緊張大師。而拍攝淋浴場面時，Angela本以為拍攝時會持續有暖水淋身，點知畫面只需要拍她淋濕頭及身後，用水沖洗雙手嘅鏡頭，而當日氣溫更只有十二度，結果Angela凍得不停打震，要髮型師幫手借風筒取暖。MV由下午兩點開始拍攝，拍足十一小時，零晨兩點終於收工，收工前Angela搞笑地說：「都唔爭在啦，不如俾我沖埋涼先走啦。」
7 個月前
噚日，容祖兒出席活動時話張敬軒應承咗拎嘢出嚟俾佢義賣，點知走咗數，說時遲那時快，軒仔噚晚就即刻找數，不過係找俾fans。事緣佢之前應承過fans會唱兒歌，點知遲遲未兌現，於是fans就幫佢改咗個名叫「走數軒」。
為咗洗脫「走數軒」之名，今年軒仔開始找數，包括出碟、演唱會、拍科幻片等，噚晚（15日）軒仔就係自己社交網絡post咗段片，片段入面，DJ當奴着住條短裙仔通山跑，而軒仔就拎住隻草泥馬公仔同當奴喺山上面玩，原來軒仔翻唱經典卡通片《飄零燕》主題曲，仲同當奴拍埋MV《阿爾卑斯山的中女》，找埋條「兒歌數」。
MV製作得一絲不苟，特別喺造型方面落足心思，好似軒仔飾演嘅「彼得」同當奴飾演嘅「海迪」、無論由髮型到服裝，都同原著一模一樣。唱腔方面，軒仔一改平時靚聲見人，改為以一把卡通聲去唱，雖然聽到人想打爆個mon，不過聽真啲，其實軒仔大可以開拓埋配音市場；歌詞更顯心思，唱到中段，突然加插咗泰文同日文，音調效果出奇地夾。睇完成個MV真係令人對軒仔又愛又恨㗎。事後軒仔話：「泰文同日本係突然間諗到所以唱咗出嚟。」佢仲講笑話：「好希望可以憑呢首歌打入國際同兒歌市場。同埋走數嚟講呢，我係找得慢啲嘅，總之有拖冇欠啦。」
7 個月前
噚晚（26日），歌手泳兒（Vincy）喺自己社交網站上載咗一條片，一開始，Vincy着住婚紗、又帶戒指、男主角個長髮背脊，似十足髮型師男友Ziv，對白又一生一世又承諾又盛，唔知以為佢宣佈結婚。原來佢係為咗宣傳自己品牌「V got this」而拍嘅一條宣傳片。
最近，Vincy成立咗個人品牌「V got this」，佢話呢個品牌名係來自一張greeting card，「話說有一日喺度懊惱緊啲嘢，決定出街行個圈透吓氣。喺間giftshop嗰度，見到一張greeting card寫住『You got this！』所以就用咗『V got this』做個brand name。」佢仲話呢品牌係代表俾啲信心自己，做啲自己想做嘅事，希望為自己同埋其他人打打氣。
品牌第一個campaign就係慈善義賣「狗狗頸圍」。今次Vincy自資製作咗一系列嘅狗狗頸圍，目的係宣揚「Make a promise, love them a lifetime.」呢個message。Vincy話：「婚姻係一個一生一世嘅承諾；養寵物都一樣，俾佢哋一輩子嘅承諾。希望帶上呢個頸圍就好似戴上結婚戒指一樣，承諾照顧佢哋一輩子。」呢個狗狗頸圍除咗可以喺SPCA Christmas catalog買到，亦都可以上「v.got.this」lG查詢，所有嘅收益扣除成本後將捐給動物慈善機構。而今次首批限量版「make a promise狗狗慈善頸圍」嘅收益將會捐俾SPCA。
原來啲狗狗頸圍係Vincy親手製作，佢話：「第一次整手作仔賣，揀料都係自己嚟，主要用料係Japanese Organza (日本柯根紗) 同埋Japanese Chiffon ribbon（日本雪紡紗帶絲帶）。都有俾唔同嘅狗仔試，希望佢哋帶得舒服又靚。」拍攝宣傳片時，Vincy話最難係控制係自己兩隻狗仔，「Batman唔受控、辣妹要用嘢食引誘。其實拍攝嗰日都有啲熱，再加埋地面有熱氣，但係佢兩隻嘢好醒目，影相時時識得爬上婚紗抖涼。」除此之外，Vincy亦都多謝一班好朋友幫手，「我哋朝早七點就開始拍，因為要追日光，大家嗰日都輪流變做狗保母。」佢仲話希望可以多啲司機肯接送啲狗，「因為嗰日call車轉location有啲難，好多司機見到狗狗就擰晒頭。」真係陰公。
