有賭王之稱嘅何鴻燊逝世，終年98歲。 何鴻燊有中、英、猶太等血統，排行第9嘅佢暱稱九爺。佢年青時先後就讀香港皇仁書院同香港大學，畢業後因戰爭往澳門工作，任職貿易公司並表現出色。 1961年，已成為商場大亨嘅何鴻燊同葉漢、霍英東等組成聯盟競投澳門博彩專利牌照成功，建立葡京酒店同賭場，開展其賭王傳奇。70年代初成立信德集團，發展航運、地產、酒店及娛樂等多個行業，涉足甚廣。 何鴻燊嘅感情生活豐富，家族繁衍，四房各家人經常出席各大社交場合，佢遊走於各房之間，關係處理得宜，各子女動向亦都非常吸引傳媒報道。近年賭王嘅第二代紛紛生兒育女，令家族更為壯大。 何鴻燊非常禮待傳媒，過往辦活動或者出席公開場合都會與到場記者天南地北無所不談，非常幽默，可以話有求必應。佢每年生日都會先後到各房家中慶祝，儼如勝利巡遊。2009年何鴻燊喺家中跌傷入院，自此經常出入醫院，而各房家人會輪流探望，外傳醫療費用以億元計算。 一代傳奇今日西去，正式結束近百年精彩人生。

1980年《歡樂今宵台慶之夜》 1984年、1985年《歡樂今宵》 1981年《一九八一香港慈善運動大賽》 1985年《一九八五年度香港小姐競選》 1990年《娛樂新聞眼》 1993年《公益金輝廿五年》 1997年《香港傳奇》《國際華裔標準舞．拉丁舞大賽》 1998年《健康快車光明之旅》《K-100》《萬眾同心公益金》 2001年《全線大搜查》《勁歌金曲》 賭王何鴻燊博士一生充滿傳奇色彩 惟外間的焦點多落在他的家庭和博彩王國上 其實他還有過不少慈善足印 曾在電視節目玩遊戲、做司儀 展露富豪以外的另一面 #懷念何鴻燊