1999年《明愛暖萬心》 羅冠蘭、謝霆鋒在短劇中飾演母子 故事講述母親因為要獨力賺錢養家 忽略了對兒子的照顧 影響了兩母子的關係 最後兒子從母親的愛心湯中感受到對方的關懷 故事溫馨感人 想欣賞更多精彩表演？記得留意6月22日《明愛暖萬心》！

1999年《明愛暖萬心》 陳奕迅、謝霆鋒大獻唱功和舞技 還與明愛服務的長者共舞 身體力行為慈善籌款 愛心滿載 想欣賞更多精彩表演？記得留意6月22日《明愛暖萬心》！

謝霆鋒最近派台新歌〈塑造〉（國語版〈深淵〉）是向偶像天團Linkin Park致敬的作品，歌曲推出後反應極佳，不過MV卻未能同步上線，原因是要遠赴南澳袋鼠島取景，為了MV能有最佳效果，所以寧願押後推出日子。經過多方考量，以及事前的籌備後，最後獲得澳洲旅游局及南澳旅遊局支持，前往有「沒有圍欄的動物園」之稱的南澳袋鼠島拍攝。這個一望無際的地方，每處都是經過億萬年風蝕海侵的自然景象，每一步都是地球最原始的面貌，不時都有國際知名雜誌及電視頻道前往當地進行報導 。 特別點名跟台灣女鼓手小白合作 為配合歌曲氛圍，製作隊伍為霆鋒組了一隊樂隊，霆鋒:「因為我想這首MV具備band sound的感覺，而每個位置我都想找能夠擔當得最好的人去合作。」團隊中打鼓位置，便找到來自台灣，在網上擁有超高人氣的青春女鼓手羅小白參與。霆鋒坦言在網上看過她的演出片段非常欣賞，故促成這次合作。霆鋒︰「我一直覺得女仔識打鼓是好有型，而且要跟MV配撘上，我覺得她坐在鼓上一定是最好的。」 零防曬任曬燶 整個拍攝歷時兩日，在澳洲旅游局及南澳旅遊局協助下，去了多處地方取景，每處都是見證大自然力量，以及不作修飾的粗糙美，跟搖滾音樂的狂野配合上。霆鋒︰「因為搖滾的東西很有‘公路’的感覺，今次地點有齊沙漠、岩石、海岸、一望無邊的長公路做背景，正正是我想要的那種遼闊，但又型格的質感。」再問到袋鼠島是否“島如其名”，袋鼠隨處可見？霆鋒笑謂:「沿途久不久都會遇到一隻，特別在我們下榻的地方，有的袋鼠根本唔怕人，能夠非常近距離接觸，是不錯的體驗。」 拍攝當日，正值烈日當空，不過霆鋒都無特意去搽防曬，照單全收，在場工作人員問霆鋒需唔需要防曬措施，佢就話：「唔駛啦，因為我都想曬黑點，準備3月17日的戶外活動。」不過當晚回到酒店後，霆鋒就發覺自己過份曝曬，「我諗住係曬黑少少，點知燶咗！」

《鋒味》日前播出第十一集，今集謝霆鋒同內地藝人白宇去到西安搵食。由於白宇係西安人，所以今次佢反客為主做導遊，除咗帶霆鋒周圍飲飲食食，仲搶埋霆鋒飯碗變身「大廚」，炮製咗個「暗黑料理」俾真正嘅大廚Chef Nic嘆。一集一個故事，今次霆鋒就為旅遊巴售票員下廚，多謝佢哋喺平凡崗位上辛勤嘅付出。 話明係反客為主，白宇一出場就化身導遊，由於秦朝曾定都西安，所以白宇就話想霆鋒嚟到要有「一見鍾秦」嘅感覺。見到霆鋒，白宇就自爆話細細個就好鍾意霆鋒，仲話對佢嘅歌滾瓜爛熟。去到大秦文化飯店，霆鋒同白宇一齊換上套古裝，穿越成為古代人，仲互相鞠躬行禮，十分搞笑，之後白宇就開始滔滔不絕咁講解美食背後嘅故事，邊食邊聽故仔嘅霆鋒話：「講解讓食物吃起來更美味。」喺白宇嘅帶團下，霆鋒亦都食咗去到西安一定試嘅「饃夾肉」同「粉湯羊血」，除此之外，白宇仲教霆鋒陝西話，霆鋒更加活學活用，即席喺麵館大派用場。之後，白宇就開始為霆鋒下廚，佢用油潑辣子、醪糟、酸奶、士多啤梨肉整成雪糕，食材組合「騎呢」，食到霆鋒好矛盾，「一會很怪、但一會又覺得很好吃。」 每一集《鋒味》霆鋒都會去到當地人屋企為佢哋煮餐飯，今次佢哋就去到旅遊巴售票員嘅屋企。下廚前，霆鋒同白宇搭旅遊專線同售票員見面，短短幾分鐘時間，售票員深入淺出講起西安文化，令霆鋒讚嘆：「他那份對自己職業的熱愛，很讓人感動。」正值新年，霆鋒為售票員一家人準備咗新年菜式：融入‪西安嘅味道‬，寓意風生水起嘅「撈起」，一家人圍埋食團年飯，令家味、年味、團圓味交織喺今集嘅《鋒味》。

謝霆鋒帶隊掃街 林俊傑阿Sa冧唱《小酒窩》 之前九集嘅《鋒味》差唔多行勻咗半個地球，分別去過希臘、俄羅斯、捷克、柬埔寨等，而啱啱播出嘅第十集謝霆鋒就返番嚟自己主場－香港，佢帶住嘉賓林俊傑（JJ）去「掃街」，「我們就開心地玩、開心地吃。」 首先，霆鋒帶JJ去咗食盆菜，現場掛住喜慶嘅燈籠、熱鬧嘅廚房、坐滿人嘅圓枱，成個畫面勁有過年氣氛。見到呢個場景，JJ就即刻拎出霆鋒細個時，每年都會幫雜誌影新年相嘅全家福出嚟，見到呢啲相，霆鋒就好感概咁話：「不要被節日所限制，每天都是過節的感覺。」食完傳統嘅盆菜，霆鋒就帶JJ去食點心同埋香港另一地道「美食」，就係「掃街」，咖喱魚蛋、魚肉燒賣、碗仔翅、煎釀三寶等，食到JJ停唔到口，完全唔記得咗自己就嚟要開騷所以要戒口減肥，佢仲應承fans會曬腹肌，難怪佢自己都話：「我真的完蛋了！」 除咗帶JJ係咁食，霆鋒仲介紹自己「啲女朋友」俾JJ識，見到成間房都係霆鋒珍藏嘅結他，JJ當然興奮，霆鋒亦都分享每一支結他背後嘅故事，講吓講吓，佢哋兩個仲即興jam起歌上嚟，JJ話：「這次的《鋒味》之行很美好，跟一個對的人有共鳴。」 除此之外，霆鋒亦同JJ齊遊電車河，期間同JJ合唱歌曲《小酒窩》嘅阿Sa蔡卓妍驚喜現身，佢哋仲再次合唱《小酒窩》，JJ彈結他、霆鋒打住Cajon，大家齊齊分享音樂背後故事，分享美食分享愛。

謝霆鋒2019年第一首派台作品《塑造》（國語版《深淵》）今日正式推出。一直流住搖滾血嘅霆鋒今次仲藉歌向國際搖滾班霸「Linkin Park」主音Chester Bennington致敬。而今次霆鋒亦都搵嚟音樂唱作人王嘉爾（Jackson Wang）合作，將pop rock融俾搖滾。 霆鋒同Jackson因為拍攝《鋒味》結緣，《塑造》係二人喺音樂上嘅首次合作。新歌Rap嘅部份由Jackson親自填詞獻唱，獨特嘅Rap為成首作品為歌曲注人全新元素。 「隨意穿梭 像滿天的星火 別妄想可管我」、「Don‘t let them words control my path」喺新歌《塑造》入面，霆鋒同Jackson一齊用音樂道出一個無懼無悔、決不妥協嘅人生，今次霆鋒更喺音樂入面表達咗內心嗰團火。 《塑造》唔單止係一首音樂上嘅誠意之作，更值得聽眾去探索嘅，係其背後嘅創作誠意。《塑造》係一首向美國搖滾天團LinkinPark主音Chester Bennington致敬嘅作品。一直以嚟，LinkinPark喺世界樂壇，特別係搖滾界都佔據著非常重要嘅地位，同時亦係霆鋒非常鍾意嘅樂隊。2017年，樂隊主音Chester Bennington不幸離世，係樂壇上嘅一大損失，歌曲《塑造》因而誕生。《塑造》對霆鋒嚟講唔單止係音樂創作嘅高點，更加係對搖滾音樂產生極大影響力嘅音樂偉人嘅緬懷，所以歌曲旋律同曲風亦特別借鑒咗LinkinPark嘅音樂元素。除咗歌曲本身，背後嘅創作情懷亦足以令樂迷動容。