李克勤剛剛完成武漢巡迴演唱會，第一次到武漢開個唱，克勤謂武漢的觀眾令他十分感動，沒想到離開講廣東話這麼遠的地方，都有著這麼多歌迷，並且對他的廣東歌耳熟能詳，首首都幾乎識得大合唱。 這次克勤以大哥哥身份，帶同公司新人許靖韻去武漢任他演唱會嘉賓，許靖韻上台就不停多謝克勤叔叔， 克勤話，「下？叔叔？你又係聽我歌大個班？」 許靜韻馬上改口，「唔係，唔係，應該叫爸爸。」原因是自己不是細細個聽克勤哥長大咁簡單，由於媽咪爹d都鐘意克勤，所以係媽咪個肚裡面她已經是聽克勤的歌胎教成長。今次能台上他合唱，對她來說十分夢幻，「真係又夢幻又好緊張，你係我心目中係一隻行走CD，你一開口我就覺得好神奇好大壓力，怕自己唱得唔好。」 克勤就話，「講年齡呢，我就似你爸爸，講外形我就似你哥哥，合上眼聽把聲似情侶！但今日我同大家講清楚，其實我論輩份，我係細過佢架，佢入英皇娛樂早過我，所以佢係我師姐，我係小師弟一名咋！」 之後兩人合唱「刻不容緩」。 由於最近日飛夜飛，為六月推出的最新國語唱片做宣傳，所以克勤謂自己似乎有點體力透支，本來演唱會台底，唱唱下要食飯先有力再唱，已經戒甩幾年，今次在武漢開騷前已經覺得餓，要在台底準備白飯，食兩啖再上去唱，中場下來一樣要白飯補充。 演唱會完畢，克勤刻不容緩坐最早班機飛回港，趕著同媽媽，外母，及老婆慶祝母親節。 「最近真係好忙，都冇時間同兩個仔諗送咩禮物比媽咪，不過今日返到屋企覺得幾欣慰。我今早唔係屋企，兩個仔竟然自己一早起身，大仔重靜雞雞煮早餐比媽咪食當母親節禮物，不過聽講就認真到砌親隻手指。我做爸爸從來都未試過有咁好待遇呀！」問到克勤送咩禮物比佢身邊個三個媽咪，克勤話，送花囉。其實禮物唔係緊要，大家一家人健健康康，可以開開心心一齊食飯係最緊要囉。」

早前以「踢館歌手」身份參加內地人氣歌唱比賽節目《歌手》而大獲好評嘅許靖韻（Angela），今日（5日）推出全新國語歌《原來我們都一樣》。 歌曲搵嚟林家謙作曲，原來因為佢睇過Angela參加內地選秀節目《創造101》入面，Angela唱Bruno Mars嘅《When I Was Your Man》而為佢度身訂造呢度歌，Angela話：「佢聽完之後覺得我之前未有過呢類型嘅歌，所以就寫咗呢首歌俾我。我一聽完就好鍾意，因為本身個demo全部都係佢自己彈琴，我好鍾意佢彈嘅琴，好好聽。」填詞方面搵嚟張楚翹，Angela之前亦有cover過佢嘅作品，一直想搵佢合作，「我一路都好鍾意佢，佢第一次寫呢份詞俾我嘅時候，我已經好滿意，冇嘢需要改。第一次同佢哋兩位合作，係非常非常之順利。」 歌詞唔駛改，不過原來歌名就改過，Angela話因為錄音時有感而發，所以變成而家呢個《原來我們都一樣》嘅歌名，「錄到最尾嗰take唱到呢一句，覺得真係好啱做歌名，所以就問：『可唔可以將呢一句變做歌名？』大家都覺得幾有feel，於是就好順理成章做咗歌名。」歌曲以「循環愛情」為主題，並非單純嘅失戀情歌，愛情其實係一條循環公式，從開始到終結；從快樂到痛苦。Angela提到當中歌詞：「『愛到不愛所以痛到不痛 所以沒甚麼好傷感』，感情開始嘅時候充滿希望，結束嘅時候係絕望，因為已經傷心到唔再痛。我覺得呢種愛情嘅循環好多人都經歷過，所以我哋大家愛情經嘅歷其實都係一樣。」 今日除咗推出新歌，亦都係Angela嘅生日，日前，佢啲fans已經喺灣仔地鐵站買燈箱廣告、又同連鎖台式飲品店製作生日杯套，除此之外，fans們亦都喺各大城市買咗超過一千五百塊廣告燈箱，慶祝Angela嘅生日，而Angela話生日出新歌，fans肯去聽、去share已經係一份好好嘅生日禮物，「音樂對於我嚟講係好重要，今日出歌，fans去share我首歌，就已經係一份好好嘅生日禮物。」問到生日點慶祝，Angela話同屋企人食餐飯就已經覺得好滿足，佢提到上一年嘅生日雖然冇得同屋企人過，但係都好難忘，「係喺《創造101》嘅宿舍過，豆子、我嘅roommate唱生日歌，喺自己宿舍間房入面玩歌劇，嗰晚玩得好開心。」雖然唔會特別慶祝，但Angela會買生日禮物俾自己，「生日嗰個月

生日除咗係偶像嘅大日子，同時亦都係fans嘅大日子。為咗令偶像有個難忘嘅生日，fans們都花盡心思為偶像慶祝。好似今個星期日（5日）就係歌手許靖韻（Angela）嘅生日，近年喺內地人氣愈嚟愈高嘅Angela吸納唔少fans，每次出席活動、表演或者網上投票，fans們都傾巢而出為Angela造勢，人氣勁盛。 今年生日，佢嘅fans就喺全國四個直轄市、十九個省及三十六個地級市，買咗超過一千五百個嘅「豐巢」Led Mon，連續七日播放對Angela嘅生日祝福。除咗內地，香港亦有行動，fans喺灣仔地鐵站亦都買咗燈箱廣告，另外又同連鎖台式飲品店合作製作生日杯套，到咗Angela嘅生日周，無論喺香港定國內都會見到佢嘅蹤影，認真威水！除此之外，歌迷仲好有善心，佢哋用咗Angela嘅名義做咗兩個公益活動，令Angela嘅生日過得更有意義。 歌迷咁有心，Angela當然開心，咁嘅形式去慶祝係第一次 ，「入行後歌迷都會送禮物俾我 ，但其實唔想佢哋咁嘥錢，因為好多都仲係學生讀緊書。有時大家傾吓偈，講吓近況，都已經好開心。今次買燈箱廣告去慶祝真係第一次，冇諗過，好驚喜好開心，佢哋仲用我個名去做慈善，真係好有愛。知道歌迷真係好錫我，所以我要更加努力，創作多啲好嘅作品回報番佢哋。」

昨晚最後一場，基仔請來張智霖任嘉賓，一齊合唱「現代愛情故事」，唱到完場觀眾都不肯離開，不停大叫安歌，結果被罰錢都繼續唱下去，再次出來任歌迷點唱，最終唱到十二點才真正完結。 昨晚唐詩詠，蘇志威，向海嵐，傅明憲，曾樂彤，許靖韻，姚瑩瑩等都有來支持基仔，身為嘉賓的Chilam就少見的穿上大紅花碌碌西裝上台，連基仔都驚訝，「嘩，你著到咁靚仔呀你！」 Chilam坦言自己一向都是黑白灰，但為了襯基仔，據說要開心，要繽紛，結果破例揀件花碌碌。Chilam又話，「我剛聽你講野，我先知原來你係我前輩喎，你重早我入行一年。我由細聽你歌大啦，前輩。」 兩人合唱「現代愛情故事」之後，基仔話以前印象中Chilam係一個24小時都靚仔的人，最近這兩年同佢愈玩愈多，成日見面，開始更了解佢，就發覺佢唔止係一個靚仔咁簡單，重係一個開心果，經常帶比大家好多歡樂。基仔 : 「Chilam發現重係一個好錫老婆o既人。我同佢有一d地方真係好似 ，我記得有一次Chilam來我家玩，我工人姐姐拿了雪糕出來，佢靜雞雞行去拿左雪糕之後，就突然聽到阿靚好大聲，，好惡咁大叫 : 張智霖！你唔好食啦你！」Chilam聞言笑住話，「係呀，你咪同我一樣，古巨基其實都係一個飢民！都係成日冇野食架！」 之後基仔去換衫，Chilam就唱了「歲月如歌」作結。 昨晚是尾場，歌迷聽完安歌，都不肯離場，不停大叫安歌再安歌，結果基仔再次出台，令觀眾開心到飛起。基仔手持手提電話出來，先是滿足歌迷需要，清唱《苦浪漫》及《幸福方舟》，繼而零全場一齊大合唱《情歌王》作結

近日許靖韻（Angela）作為全民舉薦歌手現身內地音樂節目《歌手》，對於能踏上《歌手》舞台的機會，Angela展示出必勝的決心：「死也抓住這個機會！」而她的首戰就為節目帶來本季第一首廣東話歌曲《獻世》，詮釋粵語情懷經典之作！ Angela一開口唱出「眼淚還是留給天撫慰」極具感染力的唱功與獨特聲線馬上感動全場，贏得全場無數掌聲。帶來本季《歌手》的第一首粵語歌，觀眾在聆聽歌曲中，感受到廣東歌的魅力，不少網友紛紛表示「淚腺被攻陷」，「粵語歌太有感覺了」。 歌聲令觀眾感動，但Angela超普通的普通話卻令網民大呼有趣。在首次與音樂合夥人馮青見面時，Angela將她的名字讀成「馮期」「馮秋」，點知被自己fans網上留言：「Angela的普通話真的很普通。」 憑著上一集的《獻世》獲得踢館資格，Angela激動落淚，「很多觀眾認識我都是在網絡上，希望站上《歌手》這個舞台，讓其他觀眾也可以聽到我的聲音。」而同為踢館資格賽參與者的畢書盡也同樣為許靖韻送上祝福:「望她能抓住這個離夢想更進一步的機會。」 在最新一集的《歌手》中，Angela再次獻唱粵語金曲梅艷芳的代表作《夢伴》，今次她更自彈自唱，並在歌曲中融入舞蹈。深情的演唱令她獲得齊豫老師力讚：「好厲害！」改編經典的演繹再一次成功俘獲聽眾的心，節目播出後，「許靖韻夢伴」更迅速登上微博熱搜，引得網友紛紛讚好。

由阿Sa蔡卓妍、吳慷仁主演嘅電影《非分熟女》，講述失婚嘅阿Sa遇上廚師吳慷仁，從而改變其人生觀嘅故事。同門師妹許靖韻Angela被阿Sa欽點主唱電影主題曲《Improper》，MV日前進行拍攝，由於電影中有阿Sa出浴嘅戲份，於是MV導演希望MV由阿Sa喺電影中出浴片段、Angela拍攝嘅出浴片段交錯剪接而成，作出呼應。 首次為電影唱主題曲及拍攝出浴畫面嘅Angela，錄音時導演要求唱出含苞待放嘅感覺；而MV則要演出唯美和感性的感覺。為拍出浴鏡頭Angela準備了大量防走光用品，她說：「乜（防水）膠布都帶齊晒，哈哈，大中小型乜都有。」但到正式拍攝時，原來她只需要穿上運動無肩內衣，在場的工作人員大笑Angela係緊張大師。而拍攝淋浴場面時，Angela本以為拍攝時會持續有暖水淋身，點知畫面只需要拍她淋濕頭及身後，用水沖洗雙手嘅鏡頭，而當日氣溫更只有十二度，結果Angela凍得不停打震，要髮型師幫手借風筒取暖。MV由下午兩點開始拍攝，拍足十一小時，零晨兩點終於收工，收工前Angela搞笑地說：「都唔爭在啦，不如俾我沖埋涼先走啦。」