7 個月前
【麥兜陪你過聖誕】海洋公園聖誕全城HoHoHo2018
全文分享 ~> http://www.kinseymama.com/2018/12/hohoho2018.html
今年海洋公園搵左麥兜嚟做主角，話晒都係同類…小小豬就當然要入嚟搵麥兜玩下啦！
我地首先就去水晶屋搵聖誕老人影返張靚相，之後就轉戰老大街，因為我地要去搵麥兜影相。除左麥兜之外，仲有好幾位懷舊人物同我地齊齊玩，雖然小小豬就唔識佢地，不過有人陪佢玩都已經非常開心。
我地仲去左玩攤位遊戲，小小豬見到個麥兜公仔都雙眼發光咁，但一向都係黑仔王嘅我地最後都係贏唔到公仔，依個時候 茄媽同Amanda姐姐為左唔想小小豬失望，佢地轉贈小禮物俾隻百厭豬，真係非常感謝佢地咁愛錫小小豬呀！
玩到攰地我地就去左熊貓薈，食左兩個麥兜主題限定套餐做下午茶。之後就去睇全港首個麥兜音樂劇場：麥兜．出走的魚蛋，我地三口子就睇得非常開心，攪笑得嚟其實成個故事係好溫馨，我唔劇透太多，總之睇完會更加鐘意麥兜之餘，仲會愛上粒魚蛋…哈哈哈！
另外，千其唔好漏左海濱廣場40尺高嘅聖誕樹，只要將我地嘅合照上載到Instagram同時加上#opxmas2018，咁就可以係幾分鐘內見到張靚相係聖誕樹螢幕出現啦~
