Acoustic Live Cover Guitarist: Teddy Fan Cover by Lose Wing 作詞：方大同 作曲：方大同 主唱：方大同 有人同我一樣在期待下星期方大同的演唱會嗎？ 有睇開我cover也知我是Khalil的fans 等我幫大家睇concert前做下功課啦！

Acoustic Live Cover Guitarist: Teddy Fan Cover by Lose Wing 作詞：林一峰 作曲：林一峰 編曲：李端嫻/人山人海 主唱：At17 Why don't you just hug someone Just kiss someone 失意時對自己説 "最好的尚未來臨"

Acoustic Live Cover Guitarist: Teddy Fan Cover by Lose Wing 作詞：易家揚/謝宥慧 作曲：阿沁 (F.I.R.) 主唱：F.I.R. 飛兒樂團 旅行完畢要繼續出下片 謝謝網友的點唱 點中了我兒時最愛的樂隊！ 是K房必點的歌 好懷念呀！

1987年《歡樂今宵》 1994年《萬千星輝賀台慶》 1995年《萬家歡聚慶團年》《金豬全家喜臨門》 《慈善星輝仁濟夜》 汪明荃、羅家英演出賀年趣劇「豬年得豬記」 與歌手、藝員搞笑尋親兼賀歲 劇中李克勤、梅小惠、江欣燕、李蕙敏不但脫衣「露豬」 還翻唱Liza姐、家英哥的名曲 大放笑彈 #新年不能沒阿姐 #強烈要求將熱咖啡轉成賀年歌 #新年快樂 #豬年

短片link： http://t.cn/EbTMKfJ ---------- 《蒙面唱將》泳兒失聲落淚 古巨基：「妳值得擁有更多機會。」 最近，歌手泳兒（Vincy）以「一枝花仙子」嘅身份參與內地音樂節目《蒙面唱將猜猜猜》第三季。日前，節目播出最後一集，同時亦揭開佢神秘嘅面紗。 喺上一集嘅節目入面，「一枝花仙子」造型一出場，就俾被網民話係「得罪造型師」系列。不過當佢同胡夏合唱完《你不知道的事》後，即獲得猜評團一致好評，佢仲即場模仿鄧麗君、孫燕姿同王菲嘅歌聲，以唔同嘅發音方式充份展露出佢嘅嗓音天賦，巫啟賢同鍾鎮濤都忍唔住大讚：「太厲害了！」 啱啱播出嘅一集，「一枝花仙子」泳兒就翻唱咗內地創作女歌手陳粒嘅《易燃易爆炸》。Vincy喺節目上大晒唱功，真假音轉換遊刃有餘，把聲一時溫柔、一時厚實，剛柔並重。唱到高潮位時，爆發力極強，猜評團之一嘅古巨基話：「她的Live永遠都這麼好！」巫啟賢亦大讚佢「變化莫測」；吳青峰直頭話佢係「原唱摧毁機」，「讓原唱的陳粒壓力很大。」唱完歌後，猜評團之一嘅古巨基就問Vincy，「你曾經有一段時間停了你的音樂工作？」Vincy就話有一年嘅時間失聲，「因為家裏有事發生，壓力很大，突然唱不了歌，就連說話也很辛苦。真的有想過放棄當歌手。但我真的非常喜歡唱歌，我想進盡很多不同的方法去醫治自己的聲帶。就真的這麼巧，今年剛好遇到這個節目之前，我的聲音是剛剛癒合了，還可以在舞台上唱歌，所以我特別感動。」揭開面具後，Vincy話香港朋友對佢比較熟悉，喺街上見到都會同佢講好鍾意聽佢嘅歌，「但是這個讚美在我失聲的那一刻，對我來說是非常的心如刀割，因為我可能再沒有辦法唱歌了⋯⋯」之後仲忍唔住喊咗出嚟，「所以非常非常感謝這個舞台給我這個機會，讓大家可以去認識我。」基仔亦有感而發，仲眼紅紅咁同Vincy講：「你真的很好，很努力，你是值得擁有更多的機會。」場面感人。 之後，Vincy仲邀請基仔上台同佢一齊合唱佢嘅經典歌《愛與誠》，掀起全場高潮。另外，喺蒙面唱將同猜評團嘅「歌曲接龍」K歌比賽中，基仔亦代表猜評團參賽，又唱又跳，古靈精怪嘅佢為觀眾帶嚟唔少歡樂。

噚日，容祖兒出席活動時話張敬軒應承咗拎嘢出嚟俾佢義賣，點知走咗數，說時遲那時快，軒仔噚晚就即刻找數，不過係找俾fans。事緣佢之前應承過fans會唱兒歌，點知遲遲未兌現，於是fans就幫佢改咗個名叫「走數軒」。 為咗洗脫「走數軒」之名，今年軒仔開始找數，包括出碟、演唱會、拍科幻片等，噚晚（15日）軒仔就係自己社交網絡post咗段片，片段入面，DJ當奴着住條短裙仔通山跑，而軒仔就拎住隻草泥馬公仔同當奴喺山上面玩，原來軒仔翻唱經典卡通片《飄零燕》主題曲，仲同當奴拍埋MV《阿爾卑斯山的中女》，找埋條「兒歌數」。 MV製作得一絲不苟，特別喺造型方面落足心思，好似軒仔飾演嘅「彼得」同當奴飾演嘅「海迪」、無論由髮型到服裝，都同原著一模一樣。唱腔方面，軒仔一改平時靚聲見人，改為以一把卡通聲去唱，雖然聽到人想打爆個mon，不過聽真啲，其實軒仔大可以開拓埋配音市場；歌詞更顯心思，唱到中段，突然加插咗泰文同日文，音調效果出奇地夾。睇完成個MV真係令人對軒仔又愛又恨㗎。事後軒仔話：「泰文同日本係突然間諗到所以唱咗出嚟。」佢仲講笑話：「好希望可以憑呢首歌打入國際同兒歌市場。同埋走數嚟講呢，我係找得慢啲嘅，總之有拖冇欠啦。」

密密接戲嘅陳家樂，早前終於有機會同多年嘅偶像劉德華合作，拍攝電影《掃毒2》。自言見到偶像會令佢腎上腺素上升、拍戲仲會特登企喺偶像背後嘅家樂，為咗向偶像致敬，日前佢就將華仔嘅《暗裏着迷》MV經典還原。 揀呢首歌翻唱翻拍，家樂話因為係佢嘅最愛，「因為之前拍過啲片，有fans想我唱歌，早排我同劉德華拍戲，都有同佢傾偈，佢咁多首歌我最鍾意係呢首，同埋係最經典。偶像演技好勁，因為原裝MV係一take過拍攝，所以我都想試吓。」 為咗呢個mv，家樂事前嘅準備功夫真係一絲不苟，除咗入錄音室重新錄製歌曲，髮型方面，試髮型都試咗好多次，「MV入面其中一個亮點係撥頭髮，我會喺屋企對住塊鏡練習撥頭髮。」至於化妝方面，由於華仔輪廓比較深，所以化妝時家樂會特別加深鼻骨同顴骨陰影，「放飯時間，妝都冇落，就咁除咗個假髮就去食飯，食食吓，隔離枱誤認咗我係劉德華，勁開心，哈哈。」除此之外，家樂話最難忘係MV尾段淋花灑部份，「我哋係拍咗呢part先，因為預咗唔會一take過ok，所以團隊都準備咗幾套衫俾我替換，但我自己唔記得預備底褲，所以拍完淋花灑後，同事就要漏夜跑去便利店幫我買底褲，然後先可以落街拍，真係辛苦晒。」

【玩轉彌敦左岸】諺語動畫廊：霎眼嬌－ 即看第一眼時，會覺得美，看久了便會發覺不外如是。是一種不耐看的美。衛蘭首《霎眼嬌》嘅意思同佢耐聽程度就啱啱相反喇，十年前後，翻唱無數，今次bigbigvoice音樂達人@Losewing同@teddyfanguitar嘅Acoustic版本大家要覺得點呢？

許靖韻（Angela）最近可謂社交媒體嘅寵兒，8月8日，騰訊音樂娛樂集團聯手英皇娛樂為Angela於北京舉辦首場「《K歌之王》音樂尊享會」，演出現場全場爆滿。作為Angela内地首場歌友會，此次活動同時喺網上全程直播，QQ音樂、酷狗音樂、酷狗直播等四大平台合共錄得超過百萬觀眾同時收睇，成績非常理想。 歌友會開始，Angela以一身白色修身長裙登場，自彈自唱《白玫瑰》打開序幕，網友見到呢身打扮紛紛大讚Angela有陣仙氣飄出嚟。緊接其後唱出《男人KTV》國語版，Angela選唱時原來有一份用心，「國語版嘅原唱係胡彦斌老師，之前參加節目時曾經合作過，講過好希望將來同佢合唱，如果擁有一首由佢創作嘅作品就真係再好不過啦！」Angela今次可謂憑歌寄意，仲講笑叫歌迷記得網上狂tag胡彦斌，實行集氣將願望實現。 之後Angela換左套銀色閃到爆上衣加黑色漆皮裙，配合翻曲風演繹pop rock味濃嘅《Girl Friend》及自己作品《琢磨》，澎湃嘅感覺＂辣慶＂全場，唔少觀眾仲起哄點唱其快歌舊作《Ring Ring》，Angela笑謂當然知道大家想一睹自己舞藝，睇怕下次再公開表演都走唔甩要郁兩下。雖然最後未有跳舞，不過Angela為咗答谢大家，就翻唱《失落沙洲》同近期內地大熱歌曲《不負青春》，演繹出屬於自己嘅版本。 現場除咗北京歌迷，Angela話冇諗過會有遠至廣州、貴州等地嘅歌迷飛嚟支持自己，所以要向現場歌迷大派褔利，邀請咗五位觀眾上台比賽玩急口令，又親手送出簽名相同CD，歌迷顯得相當受落。主持人又問起Angela喜歡歌迷點稱呼自己，Angela:「其實好多稱呼都好搞笑，不過我最喜歡嘅係叫我“港姐”。」搞笑回應隨即引來網友大讚綜藝感超強！ 演出最後，Angela壓軸唱出《K歌之王》，成為全晚最高潮，完騷後觀眾甚至唔肯走不停喊encore，Angela事後分享:「呢一刻係全晚最深刻，當我encore再次表演《K歌之王》，今次係全場大合唱，好開心，個種感動好難形容呀！」Angela又謂演出前一晚真係好緊張，擔心到瞓唔著。「開騷前就怕冇人嚟，過程中見到台下有同事面色凝重，又擔心係咪直播有問題，結果係因為佢俾現場氣氛感動到唔識反應。我出道咗八年，走到今日有屬於自己的歌友會，有過百萬收看率，我真係好感恩，好激動，俾大家嘅熱情融化

Gonlando(軒仔) 昨晚忘記了大會錄影個騷，唱完《我本人》之後，就不停數話呢首歌已經變成佢首本名作，個個吳雨霏最好行埋一邊，講完之後先記得係錄影，拍住心口話，「死啦，我唔記得左今晚錄影，哈哈，死啦，吳雨霏今晚冇來睇呀？哈哈.... 」 亂嗡一輪搞笑之後，Gonlando(軒仔)，請出昨晚嘉賓陳慧琳Kelly，「幾年前出過隻碟叫咩，粉紅大菊花？唔係，正確係《粉色大理花》，哎差唔多啦，都係花。裡面翻唱左好多歌，其中一首係我偶像的歌，我決定要唱這首歌，送比大家 : 《風花雪》！」繼而Kelly升出來，兩人一同合唱，令觀眾歡呼聲四起。 歌畢，Gonlando(軒仔)就鬼馬走過去同Kelly踱高，話自己高過Kelly，Kelly 一臉嫌棄忍住笑話，「冇可能，真係冇可能」Gonlando(軒仔)又問Kelly，「我靚唔靚？其實我同你有好多共通點架。」Kelly又再忍住笑尷尷尬尬話，「我真係唔識答。。。。共通點？冇架，一定冇架！」然後Gonlando(軒仔)伸出條腿，「我同你都有條長腿啊........我好乾淨架，你摸下，想你教我點keep到一直條腿咁靚？」Kelly就落手摸落去軒仔大腿，，「你？唔駛keep啦，重有幾日之嘛。」引得觀眾哈哈大笑。然後又問 :「原來你有著絲襪架？嘩，你重話自己乾淨？呢度剃唔乾淨啦。」Gonlando(軒仔)即大叫話，「冇理由呀，我剃得好乾淨架喎，上面下面都剃齊…哎也天后面前就唔好講呢d ，我想話我好鐘意你兩個仔蝦蛟同小籠包，我係佢地fans來架，不如搵日你帶佢地出來同我一齊飲茶啦。」Kelly馬上就答，「唔好啦，你太得人驚啦，會嚇親佢地就唔係幾好啦。你最好落番去整下容先上來啦，你頭頭尾尾都整下啦.......」 Gonlando(軒仔)離開，Kelly就高歌《大日子》，全場觀眾即興奮站立跳舞。 此外，昨晚四太，王祖藍及太太，關心妍，梁祖堯等都有來捧場。Gonlando(軒仔)見到祖藍重搞笑話，「係我退出之前，你地可以睇住王祖藍扮女人先，王祖藍你覺得我靚d定你靚D？慳d啦 baby！我一定靚過你，不過我腿就長唔過你~你老婆呀！(李亞男)！哈哈！」搞到連祖藍都狂笑頂佢唔