後生仔原來都鐘意同朋友杯飲茶，嘆點心，但係有啲飲茶嘅禮儀同文化原來好多後生仔唔知！例如要主動幫人洗餐具展示禮貌之餘，人哋幫你斟茶嘅時候敲枱原來都有典故！不過講到飲茶年輕化，一班後生仔睇嚟就唔太喜歡同陌生人搭枱喇⋯

成日聽到人講「自尊心」，原來大家對於「自尊心」嘅定義都唔係好清晰。到底人係自尊心高定低先至會介意人哋踩佢呢？一班後生仔試吓圍埋搵答案，好似係自尊心低先至會介意??但係其實高定低都唔係最重要，最緊要都係要了解吓你身邊嘅朋友，講乜會踩中佢死穴…??

新嚟新豬肉，3.0後生仔逐個講下佢哋嘅感情狀況。而游嘉欣大爆佢係A0！??不過唔講唔知，佢嘅擇偶條件都唔簡單，所以就喺今集後生仔節目嚟嘅公開招募初戀男友 ！！大家快d嚟睇下有無符合條件啦！??

後生仔3.0正式登場！今次一共有4位加盟，分別係Enson、Bonnie、芷欣同嘉欣。心水清嘅朋友，應該都知道芷欣同嘉欣之前喺J2節目「電競王」出現過，至於Enson同Bonnie，就係唔嫌我哋煩?，接受過多輪會面而甄選出嚟嘅! 入嚟後生仔Family，我哋當然都要迎吓新！而新人最需要面對嘅，就係觀眾同網民嘅Mean爆Comment! 既然預咗畀人Mean，不如自己Mean咗先! 所以一眾師兄師姐，就個個Mean爆網民上身，寫啲Comment畀佢哋，睇吓佢哋4位點反應！

** 特別鳴謝Kosa Law借出影片轉載 [條片有啲長，都係想大家可以慢慢仔細睇跟住做] 近期全香港一罩難求，排極隊都買唔到口罩，同埋寧願唔出街都堅決唔幫襯炒價嘅你可能需要呢個方法：自己口罩自己整！Kosa好有心地自己製作咗一條關於自製布口罩嘅短片，希望可以幫到大家頂住先！不過都戴定頭盔先，雖然布口罩比起外科口罩保護性係差啲，但係透過濾網都可以阻絕比較大嘅粒子同飛沫，總比唔戴口罩好好多，對於買唔到口罩，或者係呢排困住喺屋企可以有充足時間DIY嘅朋友，的確係一個相當值得參考嘅做法！真心多謝Kosa提供呢個方法畀大家，另外，亦都要讚讚Kosa，之前佢知道身邊好多人撲唔到口罩，亦都同爸爸媽媽夾手夾腳整咗一批畀佢哋，真係好有愛呀???

呢排武漢肺炎疫情好嚴竣，全城市民都處於高度戒備狀態。我哋一班後生仔，既然最叻係傾偈，所以都盡返本份，希望透過傾吓偈，都提提大家要做好防疫措施。係，我哋明白，呢啲防疫方法，已經係人人都講緊，基本上已經等同「阿媽係女人」嘅Concept，不過，我哋相信，有時提得多一次就多一次，畢竟，多一個人Remind吓，就有機會令大家多一份警剔！所以，我哋亦都鼓勵大家，唔好介意好煩，亦唔好介意提得太多，更唔好嫌棄身邊有人仍然係咁不停講呢啲基本到爆燈嘅防疫措施，因為大家不停互相提醒，就會令大家唔會鬆懈！仲有，而家仍然偶然會見到街上有人對防疫措施掉以輕心，可以嘅話，都提醒吓佢哋，有時做足防疫工作，唔單止係要保護自己，亦都係公德心表現，因為街上嘅人同你三唔識七，唔知你背景又唔知你嚟自邊度去過邊度，見你又唔戴口罩甚至口沫橫飛，真係會好驚架！最後，我哋後生仔仝人，唔單止希望大家可以做足防疫措施，最最最希望，係疫症停止再蔓延，患病嘅可以快啲好番，同埋，人人可以有口罩！

今集後生仔就同大家分享吓自己搭飛機必帶嘅個人用品！6號強調自己一定要帶住個鬚刨，因為自己唔剃鬚勁似賊? ; Leonard （鄭衍峰）就繼續分享以前做空少嘅經歷：原來飛機上面食嘢係有勁多學問，首先，如果想做個好乘客，等空中服務員對你印象好啲服務好啲嘅話，就要由點餐著手；另外，空少空姐如果想「引導」乘客點餐，又會玩吓語言偽術；仲有仲有，乘客有飛機餐，空中服務員自己一樣有Crew Meal，但係，如果同事問你要乜嘢Crew Meal，就千萬要小心回答，因為傳聞有一種Crew Meal原來係隱藏特別暗號！！

近日病菌肆虐, 大家都提高咗衛生意識???? 但唔講唔知, 搭飛機嘅時候都有d嘢要注意翻, 前空少鄭衍峰就大爆機艙衛生情況,仲適時畀咗d建議!??講講下盈盈仲呼籲一眾男士讓下d走廊位畀女士,因為女士們真係好需要個走廊位㗎!!???

[超級認真討論]一班後生仔都好關注香港人嘅健康，喺今集錄影嘅時候新型冠狀病毒先至啱啱公佈，我哋已經即刻邀請咗Marcus上嚟幫大家上一堂衛生課！相信大家都仲記得SARS爆發嘅情況有幾緊張，但係可能時間久遠，又或者以前年紀尚小已經唔係好有印象。我哋後生仔一班台前幕後都希望大家重溫返多啲衛生常識，幫大家對於病毒知識補補底！及早預防更勝治療！

點樣先為之夠義氣？好似Leonard 咁陪盈盈去outlet shopping 到九點都唔食飯？同朋友去bar 見到心儀對像都選擇「Take the Grenade」?係呢D情況，大家又會唔會真係捱義氣先？

入戲院睇戲梗係想舒舒服服，但都總會遇到過一啲令人唔可以投入享受嘅情況！例如睇戲先嚟問劇情，又或者係瘋狂被踢櫈！後生仔到底講唔講得中你嘅心聲？

放假通常都會入戲院睇戲， 如果要好好享受一套戲， 有時真係要睇天時、地利同人和??? 首先要你同你約嘅人得閒， 之後就係間戲院要舒服同就腳， 最後就係希望唔好有人做核突嘢…???

今次嘅巧書由Alston介紹嘅《迷霧之子》係一本科幻長篇小說，內容就咁聽Alston講都覺得好吸引呀！

農曆新年最開心就莫過於可以周圍拜年逗利是，但係逗利是之前往往都要過一個難關：叫啱親戚名！你又知唔知應該點樣稱呼你媽媽嘅家姐比你年幼嘅女嘅仔嘅妹妹...哇淨係打出嚟已經好棘手，你又可唔可以快而準叫得啱？

講到開年飯，Kosa就話佢d親戚飲大兩杯吵下交，打下交，學6號話齋，幾熱鬧啊！呀Fred就重演下d長輩牙刷刷嘅嘴臉，揶揄下d後生仔之餘仲即刻令成個場嘅氣氛跌落冰點???不過，就算長輩幾牙擦擦都好啦 始終要畀d面嘅，識做嘅食開年飯就盡量唔好遲到啦！！??

農曆新年總係有好多餐飯要食，團年飯、開年飯、拜年飯，食都食到人暈下暈下??? 食飯已經有好多規矩同意頭嘢要跟，最怕係同一班一年見一次嘅親朋好友傾唔知啲咩…??? 後生仔就同你一齊傾吓有咩禁忌要留意，盈盈就即場示範可以點樣收抬絕世冷場???

大部份人對自己被屋企人或長輩管教嘅方式，或多或少都有唔同嘅意見??? 如果後生仔就管教問題上畀意見，佢哋會覺得應該點同後生仔相處？

係咪接受過教育就叫做乖？未必嘅，其實睇一個人乖唔乖，最緊睇品德！好似呀Fred就話畀家用都唔代表孝順，有時候屋企人需要嘅好可能係你嘅陪伴同相處；另一方面如果後生仔要教育下一代又會Set啲咩規矩呢？波波就話按照自身經驗，第時小朋友拍拖一定要同媽咪講喎～

成日聽人講話去做gym，做gym又即係健身，但唔知點解好多人都覺得健身係會減到肥，其實正正相反，健身只會令你望落更加臃腫。因為底層嘅肌肉講面層嘅肥豬肉頂起咗，所以小編係到奉勸大家，想減肥嘅朋友都係踏踏實實去做帶氧運動啦！再加上飲食配合，瘦身指日可待！??????