1 個月前
吸塵機對我嚟講係一樣不可缺少嘅工具嚟，因為...我同老公都有鼻敏感，小小豬就仲厲害有齊鼻敏感同濕疹，所以我都唔會用掃把掃地，一陣掃起晒啲塵，咁屋企就又嚟表演乞嗤交響樂。
就係依個時候添置了Dyson最新推出嘅V11無線吸塵機，當切比較過Dyson V10型號，Dyson V11吸力再多20%，加上有新科技智能感應器可自動調節摩打，配合新出嘅高扭矩吸頭，就可以好簡單咁感應到唔同地板就會自動作出調速，一個吸頭吸哂成屋，平日清潔好方便。而全新嘅LCD屏幕，除左清楚顯示使用模式之外，仲會預測剩餘使用時間，可以方便安排清潔的時間。
我自己就最鐘意用迷你電動吸頭嚟吸小小豬張床單被鋪，床單被鋪都要保持清潔咁先可以減少塵蟎引起嘅濕疹敏感。小小豬一起濕疹我就真係頭都痛，見佢辛苦RRR又幫唔到佢，都超肉痛呀~
