上個星期先展現完「獅吼功」嘅盈盈睇嚟未發晒力，好似叫得唔夠喉咁喎！今次又再尖叫，原來係為咗驅鬼？睇嚟撞鬼真係可以激發人類潛能，令盈盈尖叫再「Power Up」！其他後生仔都出盡奇招，幫自己諗定撞鬼時要點應對，邊個方法真係掂，等陳定幫師傅話你知！另外師傅仲幫盈盈、祖儀同Danny睇流年運勢，多是非嘅盈盈同祖儀要點化解？

雖然後生仔傾吓偈已經無咗"噩夢星期一"環節，但係靈異嘅事都喺大家身邊無處不在！喺噩夢星期一大家聽後生仔嘅經歷就聽得多，今次我哋就請到玄學師傅陳定幫同大家分析拆解靈異事件同我哋嘅直接關係！成日聽人講"愈想見鬼就愈會見到＂原來都有科學根據支持，到底係真唔係？

香港住屋空間細，有時加一兩棵小植物係廳或者房到做擺設，都會有種將嘅細小嘅空間延伸到戶外嘅感覺！而欣茵就話佢都曾經種過捕蠅草，但由於缺乏種植方面嘅知識，搞到最後玩謝咗呢棵小植物😥😥不過如果大家都對種植有少少興趣，都有一種容易照顧，又靚，兼懶人至愛嘅植物推介！就係深受潮流達人愛戴嘅肉質植物啦！連Joey都話呢d唔洗點理就自己靚咗，So Amazing！🤩🤩

今次我哋試真啲，就要幾位後生仔試用一個記錄開支嘅app，睇下佢哋一星期嘅開支到底貼地定離地！結果，阿楓就榮登大洗榜首，一星期豪洗3萬幾蚊！?? 而GM就以佢嘅宇宙級諗頭突破盲腸，諗到洗幾十萬買車去慳返幾百蚊的士錢，搞到連盈盈都忍唔住講句: Goodest Logic！?????? 呢班理財理到亂晒大龍嘅後生仔，其實真係最好趁後生認真學下點樣小心理財同投資 ，如果唔係，真係隨時冇錢剩呀～

【最後一次「噩夢星期一」】 ”降頭“呢樣嘢聽就聽得多，估唔到後生仔有Friend都中過招！GM就話佢有朋友中過一種疑似“耳鳴降“，搞到失聰咁滯！！?? 而一向有留意古靈精怪嘢嘅阿楓，就話聽過有一種最強最難練嘅降頭，叫“飛頭降”，聽聞練成者，仲可以百毒不侵兼長生不老？！??

湯兆昇 湯博士由學是學非入到後生仔，講起物理一班後生仔會諗起啲咩？Joey就話以前考物理總係會Fail，波波就對愛因斯坦嘅伸脷相最有印象；GM講起時間旅行，湯博士就拋出關於時空旅行嘅理論名詞，咁到底Time Travel又係唔係可行呢...？

又嚟到星期四《今日試真啲》！祖儀同bella 就買咗兩款財運增福神器，俾後生仔試吓咁話！天生好運嘅祖儀咩都唔用，同使用神器嘅後生仔打牌同玩啤牌，究竟邊個會贏 ？

倒數大約3星期嘅「噩夢星期一」，撞正就快中秋節，不如傾傾月亮啦！講到月亮，其實有唔少相關傳說，其中好多仲涉及陰謀論......究竟月亮上面有d咩？🧘🏻🧘🏼‍♀️地球係唔係監牢？🕋🌍🕋係嫦娥定係外星人？🧚🏻‍♀️👽為咗揭開月亮嘅神秘面紗！今晚後生仔就同大家探討一下！🔭☪️㊙️㊙️㊙️

上個星期楊明霞中醫師就同一班後生女講養生，今日就輪到同男仔傾吓中醫學！呀Fred同Enson對中醫印象都係固本培元、調理調理咁樣，但係中醫學又係咪淨係咁樣？其實中醫學除咗慢慢調理之外，處理各樣痛症即時止痛都好有效，重點係中醫用藥方面較西藥天然，更加健康同治本！ 楊醫師仲分享咗學針灸嘅過程，原來學針灸係要同同學互針，仲要自己針自己嘅穴位！針自己手指頭，真係聽到都覺得痛！！！

之前講過咁多恐怖經歷，其實最恐怖嘅地方，分分鐘就係你屋企！大家有冇試過，屋企啲嘢無啦啦會自己跌咗落嚟？一講，原來好多後生仔女都有類似幾歷，仲話其實可能屋企「有啲嘢」想攞嗰樣嘢👻👻👻👻而當FYY講到有一晚屋企嘅玻璃杯無端端跌咗落地，錄影廠後台，忽然「砰」一聲有嘢跌咗落嚟，當堂嚇到全場人癲咗（波波直頭驚到即刻起身走）！之後再講到手機app嘅怪異經歷，美棋就Show咗自己之前一段玩直播片段，睇住佢一個人喺房，講講吓嘢忽然變咗個鬼樣，嚇到全場人呆咗😱😱😱😱😱 而更心寒嘅係，今集錄影嗰晚，係撞正農曆七月十四，搞到全場人驚上加驚😱😱😱😱😱

上個禮拜鄭寶鴻先生就同大家講咗一啲竹香港街道歷史，今個禮拜繼續同後生仔講故，仲大玩歷史問答題想考吓後生仔！以前上一代所叫嘅辦館 其實係乜嘢嚟？Enson就覺得似係私家偵探社；盈盈Sharlene就覺得係士多，不過講到最有劍意就莫過於GM嘅”食辣地方”，佢解釋因為”辛力辛”等於用力食辣⋯！

- [ ] 後生仔雖然住喺香港，但對於本地文化同歷史就未必熟悉！繼上個禮拜請咗資深演員陳勉良教後生仔寫書法作吓畫後，今集仲請到有「掌故王」之稱嘅鄭寶鴻先生同大家講吓香港街道歷史！其實香港嘅街道名好多都有典故，就好似信德街原名並唔係叫信德街，而係叫做舒潦濤街！而後生仔經常行嘅西洋菜街又有啲咩典故？你又有無諗過點解沙田都有一個銅鑼灣，或者點解柴灣角街其實並唔喺柴灣？一齊聽吓鄭寶鴻先生同大家解話，了解更多香港街道嘅歷史故事～

後生仔睇完港姐傾吓偈！得獎港姐將會即時移動過去後生仔廠景，嚟個即時回應環節，回應網民嘅問題！同時港姐們都被問到點睇show證件相環節，出其不意有無殺到班佳麗措手不及呢？？😂😂

搭lift就搭lift，千祈唔好跳lift！今集惡夢星期一就同大家繼續探討電梯異聞錄。6號就分享小朋友跳lift失蹤事件，阿楓就分享真人真事，連新聞都有講嘅阿婆夾腳事件，最後仲連人帶腳一齊被拉入罅隙！？??

平時多見資深演員陳勉良喺幕前演出，估唔到佢畫畫同書法都一樣咁厲害 ！今集後生仔就向佢請教畫畫同書法嘅心得！6號記起細個用毛筆做書法功課超痛苦，盈盈就話己鍾意寫書法，因為可以提升氣質？陳勉良先生仲即席示範，向後生仔傳授畫畫同書法技巧！咦，佢哋又寫得似模似樣喎，GM同Sandy仲俾老師讚添！    

上次CosplayFriday就cos過熱血籃球，今晚輪到足球！一套令八九十後愛上足球嘅熱血動漫，如果由一班後生仔去扮演會唔會Carry得到？
倒掛金勾、猛虎射球呢啲絕招，相信好多人細個踢波都會經常想模仿（小編都唔例外），主角Enson就話親自上陣，做一次倒掛金勾？！

係電梯呢d密閉空間入面，途中有咩異樣發生都會引起一連串恐慌，好多時都係自己嚇自己。但到底係未每次都自己諗多咗？最起碼要確保妳無做到坊間所講嘅搭電梯禁忌啦！

唔經唔覺，#後生仔傾吓偈 已經踏入第600集！咁開心嘅大日子梗係約齊後生仔女開Party，今次我哋仲邀請埋胡鴻鈞陪我哋一齊傾一齊玩！雖然疫情關係未開到船P，但我哋嘅「偽船P派對」一樣咁精彩！除咗玩遊戲，細數大小難忘時刻，主持、嘉賓同後生仔女們同網民瘋狂互動，個個都有求必應，粉絲們真係超幸福！！！  胡鴻鈞應網民要求即席唱新歌《你幸福嗎》，後生仔都聽出耳油！祖儀、6號、子碩同Danny 都即席大展歌喉，但Danny忘詞，先由《十字路口》轉唱 《沒身份妒忌》。咦？盈盈都唱埋一份，仲唱《Rolling in the Deep》，但一開口就嚇親大家🤣  後生仔女們嘅互動都相當精彩！先有Fred 疑似公器私用深情擁抱遊遊，仲有波波大方承認鍾意GM？？Leonard 同盈盈上映狂熱版《反黑路人甲》，果然600集大家都豁晒出去？