搜尋 “李克勤” 的結果
1 個月前
2002年《明愛暖萬心》
石修、李克勤在劇集《法網伊人》中合作演父子
二人為了慈善而合體
修哥大展吹色士風的功架
克勤則唱出兩首好歌
「兩父子」用愛心向善長送上雙重聽覺享受
想欣賞更多精彩表演？記得留意6月22日《明愛暖萬心》！
1 個月前
2005年《明愛暖萬心》
李克勤、古巨基兩大巨星合唱
重新演繹經典金曲、、
激發起廣大善長的善心
慷慨解囊
想欣賞更多精彩表演？記得留意6月22日《明愛暖萬心》！
1 個月前
2003年《明愛金禧暖萬心》
譚詠麟、李克勤行善最樂
當年為明愛五十周年表演
獻唱、、三首好歌
善心感動了各界踴躍捐贈
造福社群
#「麟李」有愛
#讓愛繼續一一去複製
2 個月前
李克勤剛剛完成武漢巡迴演唱會，第一次到武漢開個唱，克勤謂武漢的觀眾令他十分感動，沒想到離開講廣東話這麼遠的地方，都有著這麼多歌迷，並且對他的廣東歌耳熟能詳，首首都幾乎識得大合唱。
這次克勤以大哥哥身份，帶同公司新人許靖韻去武漢任他演唱會嘉賓，許靖韻上台就不停多謝克勤叔叔，
克勤話，「下？叔叔？你又係聽我歌大個班？」
許靜韻馬上改口，「唔係，唔係，應該叫爸爸。」原因是自己不是細細個聽克勤哥長大咁簡單，由於媽咪爹d都鐘意克勤，所以係媽咪個肚裡面她已經是聽克勤的歌胎教成長。今次能台上他合唱，對她來說十分夢幻，「真係又夢幻又好緊張，你係我心目中係一隻行走CD，你一開口我就覺得好神奇好大壓力，怕自己唱得唔好。」
克勤就話，「講年齡呢，我就似你爸爸，講外形我就似你哥哥，合上眼聽把聲似情侶！但今日我同大家講清楚，其實我論輩份，我係細過佢架，佢入英皇娛樂早過我，所以佢係我師姐，我係小師弟一名咋！」
之後兩人合唱「刻不容緩」。
由於最近日飛夜飛，為六月推出的最新國語唱片做宣傳，所以克勤謂自己似乎有點體力透支，本來演唱會台底，唱唱下要食飯先有力再唱，已經戒甩幾年，今次在武漢開騷前已經覺得餓，要在台底準備白飯，食兩啖再上去唱，中場下來一樣要白飯補充。
演唱會完畢，克勤刻不容緩坐最早班機飛回港，趕著同媽媽，外母，及老婆慶祝母親節。
「最近真係好忙，都冇時間同兩個仔諗送咩禮物比媽咪，不過今日返到屋企覺得幾欣慰。我今早唔係屋企，兩個仔竟然自己一早起身，大仔重靜雞雞煮早餐比媽咪食當母親節禮物，不過聽講就認真到砌親隻手指。我做爸爸從來都未試過有咁好待遇呀！」問到克勤送咩禮物比佢身邊個三個媽咪，克勤話，送花囉。其實禮物唔係緊要，大家一家人健健康康，可以開開心心一齊食飯係最緊要囉。」
2 個月前
2019年已經是李克勤入行的第32個年頭，每個人的青春記憶裡都有一個李克勤，而李克勤背後也承載著香港樂壇最輝煌的黃金年代。日前李克勤推出全新國語歌《你是我的大明星》MV，歌曲由馮翰銘作曲，李克勤、沐木臣作詞。作為國語專輯第一支主打歌，《你是我的大明星》由克勤首次攜手杭蓋樂隊共同創作。杭蓋樂隊是一個融合了世界音樂與搖滾樂的跨界團體，他們的音樂來自廣闊的內蒙古大草原。於是《你是我的大明星》結合了流行樂與蒙古民族音樂的精髓，傳統的長調、呼麥、馬頭琴，傳承了古老文明的厚重，現代電聲樂器的使用又給作品賦予了時代感。
MV由克勤和杭蓋樂隊共同出演，畫面內容取材多元，登上長城，克勤在零下十幾度的寒風中完成拍攝，克勤說：「雖然唔係第一次去長城，但係呢段長城就未行過，同埋未試過零下十幾度行。拍攝當日我着咗六件super warm都覺得勁凍！但roll機時又要若無其事地演繹，哈哈。不過當睇到拍攝出嚟嘅效果，真係好狀觀，期間嘅辛苦已經唔記得晒。」在長城恢弘的氣勢下，襯托悠揚的蒙古長調，讓這首描寫小人物的音樂也顯得大開大合。
為表達出「每個人都是大明星」的主題，餐廳服務員、工人、畫家、賽車手等不同領域的素人紛紛出鏡，不同職業的人生百態勾勒出我們每一個人的生活常態。只要腳踏實地的去堅守在自己的崗位中，每個人都會在自己的舞台上發光發亮，即便再渺小，也能夠成為當之無愧的「大明星」，就如歌詞「真正的大明星 不一定響噹當大名鼎鼎 真正的大明星 可以是小人物年紀輕輕」，正正是克勤想傳達的訊息。
3 個月前
第二晚請來李克勤做嘉賓，克勸一上台就大放笑彈，教基仔唔好剩係「摸」，要有舉同動，唔係點樣生仔？令全場觀眾笑到肚痛，十分開心。
已經為人父的克勤，十分擔心基仔結婚五年重未有bb，昨晚跟基仔合唱完「夏日之神話」帶起全場高潮之後，就開始放笑彈 : 「我聽講昨晚個嘉賓爆你兩公婆成日摸手摸腳。」基仔回話，「係啦，都唔知有咩咁出奇。。。」克勤 : 「其實呢d情景我都見過呀！哈哈，但係我好想問你，點解你剩係摸呢？點解咁內都摸唔出d咩來o架？」觀眾聞言直起哄和應，歡叫推掌兼大笑，克勤再繼續，「你唔好剩係摸得o架，要有舉同埋動先得呀！」隨即笑到大家肚痛。
基仔就虛心向克勤請教，「我知你堅呀，你出左兩大舊！我都要向你請教！」克勤就教路，「我都係譚詠麟教我，你想生仔定生女？生仔呢，阿倫話要倒掛金鉤！生女就要用一招腳指尾拉西！」
聽完一頭霧水的基仔，唔知好嬲定好笑，差點招架不來，反問: 「我想問，倒掛金鉤，你掛定老婆掛？拉西我剩係講得腳指尾好赤喎！用邊個腳指尾先？哈哈哈。。。」克勤回話: 「呢d只可以意會啦！講出來冇意思，哈哈哈，你feel 唔 feel 到？feel 唔到去問下校長啦，叫佢詳細教你。」又再次鑊得全場笑聲及掌聲。
開心玩笑講完，基仔克勤就係時光機舊照前合影細念，基仔去換衫，克勤獨唱前話，「做得嘉賓當然知道自己係咩位置，隨了搞慶個場，同埋比時間主角換衫，不外乎比時間大家去下廁所。我知道人的膀胱容量有限，為左不想大家有記掛，我今晚冇揀耳熟能詳D歌，如果我唱《紅日》，《月半小夜曲》你地又唔捨得去廁所，所以我揀左隻大家唔係好識o既歌，但係兩年前都係好流行的歌，我知呢幾年大家唔係好聽歌，我同你地一樣，都剩係聽古巨基D歌，咁你一陣咪當新歌去聽，不過如果你去廁所就錯過左一個唱左三十年o既歌手係台上好用心、高水準咁去演釋以下呢首作品: 《失魂記》。」現場觀眾拍手歡迎，當然都係冇肯錯過，冇人去廁所。
此外，昨晚胡定欣、蒙嘉慧，關心妍夫婦等也有來支持基仔，安歌唱「亂世情侶」時，全場觀眾更一齊大合唱。
4 個月前
1993年《一九九三國際華裔小姐競選》
1995年《一九九五國際華裔小姐競選》
1997年《一九九七國際華裔小姐競選》
2001年《2001年度國際華裔小姐競選》
問答環節最能考驗選美佳麗的急才
譚小環、李珊珊、張慧儀處變不驚
得體的對答令人眼前一亮
而鍾麗緹、盧淑儀、汪詩詩用創意出奇制勝
博得評判與觀眾不少印象分
至於湯盈盈即席模仿葉玉卿又跳又唱
展露出華姐內外兼備的優點
#國際中華小姐競選
4 個月前
李克勤剛剛完成美國及東莞巡迴演唱會回來，兩星期內馬不停蹄加時差，令到一向捱得的他都大叫疲累，終於要喊停休息兩日。
克勤謂先是去美國巡迴演出，回來後沒有休息就已經即排練，再上東莞開騷，期間還在東莞綵排後去另一個地方商演，再返東莞，自己也覺得有點瘋癲，在東莞綵非完吊威也，高空中不停打轉後，開始不停想嘔，「平日轉完休息一會已經冇事，係東莞應該個人太累了，吊完落來一直作嘔，晚飯都食唔落。幾驚以為係作感冒，你知啦做騷最忌病，好彩休息左一晚第日就冇事。」
東莞的演唱會，他找來認識三十年老友關淑怡做嘉賓，雖然天氣未回暖，但關淑怡一出場就令全場熱度加溫，克勤笑言自己也比關小姐嚇一嚇，「冇諗過佢對觀眾咁好呀，咁性感行出來，哈哈！我即刻同佢講，我唔敢亂望呀！我怕比老婆鬧，我只得盡量望你個頭頂啦！」關淑怡就笑道，「你唔好咁啦。。。哈，我盡量咁唱啦。」然後用克勤送給她的花擋著件超底胸衫，以作配合。
克勤又謂，好內冇見這位老友，知道對方最近簽了環球唱片，事業又再從新出發，都戥對方開心，希望佢快d有新歌有好作品比歌迷聽。
之前美國巡唱，克勤的大隊遇上大風雪，樂隊及工作人員，坐了二十多小時車才到RENO演出場地，觀眾平均都坐近十多小時車才到達。克勤謂自己因為先去了洛杉機買結他，所以避過一劫，轉飛機過去RENO,不用於漫天風雪下捱長途車，但見工作人員及觀眾，全部捱風雪來，心裡很是感動，唱歌唱到一半竟忍不住被感動落淚，要從起音樂重唱。「我以為個騷得我一半或者少過一半人架啦，邊個會咁大風雪重來睇騷？點知全部到晒！你諗下有人肯為左聽你唱歌，坐十幾二十個鐘車，冒住風雪來，個一刻真係好感動。人到都已經開心啦，班歌迷重有銀紙花，又利是咁，見到D幾十歲大男人，重拿住燈牌衝上前點唱又同我大合唱，我真心好感謝。」
接下來克勤謂計劃中會到武漢及江門繼續巡迴，另外最新國語唱片也快將開工。
