之前喺#後生仔傾吓偈，後生仔女瘋狂互踩對方嘅衣著品味，內容極度主觀，毫無底線，踩得就盡踩！為咗加強呢場兩性之間嘅矛盾，繼續潑火，我哋特登派Sharlene走出街，叫更多後生仔女互相喪彈對方嘅衣著打扮…聽到佢哋嘅申訴，發現其實佢哋同我哋一班後生仔女一樣，好似心裡面一直屈埋好多對異性衣著睇唔過眼嘅地方！既然衣著畀人彈得咁緊要，但係大家又繼續堅持咁著，到底問題喺邊呢？我哋就搵到一位智者為大家解開呢個謎團！

巴打們，好多時你以為自己著得好有型好有Taste可以冧到女，其實原來著錯晒！講到呢個話題，盈盈同一班後生女簡直講到收唔到掣！其實，到底後生仔著衫嘅品味係咪真係犯錯太多，抑或係呢班女生要求太高呢？（戴定頭盔先：呢玩後生女嘅意見係極度極度極度主觀，有冇參考價值就請各位巴打自行判斷喇…）

好多男朋友都話女朋友唔化妝係最靚，盈盈就投訴寶寶唔鍾意佢搽唇膏，Kosa搽咗咩唇膏令全部後生仔接受唔到？麥明詩完美carry難著嘅牛奶妹造型，Kelvin幫波波悉心揀衫，點知襯出咗一場時裝災難，搞到波波要以後都記住佢？