嚟到鎌倉，一定要去大山夫利神社呀！阿夫利神社位於大山山頂，上去都唔算好辛苦，搭纜車只係需要6分鐘左右。呢個神社同富士山有一段淵源，想知到底發生咩事？不如睇片啦！ 出走地圖｜星期六晚上 8:30PM ｜J2 記得上返myTV SUPER重溫返 第11集 嘅其他內容啦！

「亂世兄弟古巨基 x 森美旅行團」噚晚（7日）播出第四集，今次佢哋就帶大家見識一吓日本嘅「Love Hotel」。喺Love Hotel門前，森美大唱基仔嘅《爆了》，仲話呢隻係「爆房歌」，基仔就鬼鬼鼠鼠話唔好俾人知道佢哋兩個去爆房，不過森美一於少理，「你唔同我爆同邊個吖，唔通同老婆咩？有冇試過呀？」基仔即刻呆咗冇聲出，十分搞笑。由於人生路不熟，所以佢哋仲特登搵咗日本旅遊達人-yotuber「貓貓TV」的主播阿貓嚟「引路」。入到酒店，佢哋先睇到一塊佈滿唔同主題房名嘅燈牌，阿貓就解說：「着咗燈嘅就可以入去。」森美好仔細咁睇，然後同基仔講：「『排泄學園』呀古生，可以教你重新學大便喎。不過呢個最啱你『痴亂將軍』，喺入面開個個人演唱會。」基仔就話：「係『痴亂世情侶』呀。」不過呢兩間房佢哋都去唔到，阿貓已經安排咗「性態實驗」同「地獄」兩間房俾佢哋體驗一番。入到第一間「性態實驗」房，基仔同森美即刻「嘩」咗出嚟，森美話：「產房嚟架喎呢個！我認得佢呀！想當年我都生過小朋友。」然後又發現牆上掛滿皮鞭道具，佢仲拎上手把玩，基仔問：「洗得乾唔乾淨㗎？」不過森美已經開始玩起上嚟，用條皮鞭打自己，仲話原來唔係好痛，基仔乘機話：「你咁細力，等我試吓打你吖。」於是森美趷高蘿柚，基仔揮鞭一打，森美大叫：「嘩！」全場爆笑。森美見到張床對住塊鏡即刻好興奮，仲跳上去「試床」，「因為我咁大個仔都未去過時鐘酒店，佢哋成日話有鏡，呢度真係有鏡。」隨後佢仲叫埋攝影師齊齊對住塊鏡「試床」，基仔笑住話：「整招『古式古香』先啦。」玩完一輪，阿貓就話：「這個房間不是最厲害，下一個房間你們會嚇到！」去到另一間「地獄」主題房，房內擺滿「玩具」，見到一個類似健身器械的設施，森美急不及待埋位玩，然後又扒喺馬玩具上，被基仔用皮製板拍打；之後佢又見到一個「入錢唱K」的裝置，然後拎起玩具「咪」大唱基仔的《愛與誠》，基仔見機不可失，即刻將森美手上的「咪」拍向佢下巴，搞到森美大聲慘叫，森美笑住話：「大家可以嚟呢度唱番首歌，不過要揸穩支『咪』，因為會『郁』嘅。」基仔表示呢個唔啱佢玩：「我唔啱用呀，我有手汗，佢會震，會跣走呀。」玩完一輪，基仔同森美都話可能因為生活壓力大，所以先會有呢啲主題房嘅出現，森美話：「我覺得呢度都好，有『健身房』、嗰邊又有『床上運動』。」基仔接住話：「嗰邊又可以『睇醫生』。」最後，佢哋仲話估唔到今集佢介紹啲咁健康嘅嘢俾

當去日本旅行遇上緊急事，點算呢？快啲入嚟睇我直播啦