【星馬親子之旅】濱海灣花園的Children’s Garden 好啦…繼續分享我地兩母子出走之旅，今次就分享我地另一個玩水好地方，因為小小豬真係好鐘意玩水嘛！ 嚟新加坡就緊係要嚟Garden by the Bay，不過我地就係入面冇慢慢行，亦冇入去空中步道嘅巨蛋溫室，亦都冇睇到夜晚嘅燈光匯演，因為我地主要就係嚟Far East Organization Children’s Garden俾小小豬玩水又去玩樹屋嚟個大…大…大….放電(最好就係依個地方係免費嘅)。 先講下個戲水噴池先，旁邊有個更衣間，換左泳衣就可以入去玩。小小豬一入到去就已經失控段左走右走，瘋狂咁玩水花灑，又同其他小朋友一齊玩水，玩得都不知幾enjoy。不得不提池邊都有幾名救生員當值，佢地一見到大小朋友玩得唔禮貌，佢地就會立即吹BB作提示，感覺都幾安全。 玩完水就去樹屋玩，除左可以玩沙之外，會有幾條唔同坡度嘅滑梯同埋一啲攀爬設施，都啱晒放電。之後再去旁邊嘅Adventure Trail遊戲區，入面嘅遊戲都幾多種類，有攀爬設施、吊橋、平衡木、滑梯…，完全係測試體能嘅好地方….哈哈哈！ 由於我地嗰日係剛落機就嚟依度，又加上小小豬都玩到冇哂電，原來係有打算睇埋個燈光show，不過最後都係………，雖然係就係有點失望，不過去旅行都係為Relax，所以算啦，下次有機會一定要再嚟呀~

【新加坡親子之旅】Legoland Water Park 時間一轉.....又回到我地暑假我地兩母子出走之旅了(應該係話.....等到今日終於有返啲心機同時間開電腦整理我嘅相同短片😅😅) 好啦...入正題....我地新加坡之旅其實小小豬最....最....最期待嘅就一定係新山LEGOLAND嗰兩個樂園。我地行程第二日一早就由新加坡BOOK包車去到新山LEGOLAND酒店門口，坦白講...當初都有點驚(始終一個女人仔帶住個妹同個仔去咁遠)，不過原來都好方便，大約一個鐘車程就到，而且司機叔叔又超友善，所以即刻放心晒。 去到酒店放底行李就爭取時間去Legoland Water Park玩，小小豬換好晒衫就即刻去Lego飄流河，小小豬話依個係佢鐘意，叫我十級推介俾大家，因為沿途有很多Lego等我地邊飄流邊砌Lego。(我印像中好似...玩左....九次) 另一個小小豬鐘意玩嗰個就一定係個水迷宮，入面就好多條滑水梯同埋有個大水桶，佢話非常刺激。佢係個迷宮入面走嚟走去，入面啲噴水位其實都好勁，有幾次我避唔切中招(年紀大走唔郁了)，好在有姨姨陪佢玩癲，咁小小豬可以玩得盡慶時，我又唔洗辛苦...哈哈哈。 另外仲有人造浪池，可以邊睇Lego電影邊游水。仲有得砌Lego船仔、唔同程度嘅滑水梯，同埋俾幼小朋友嘅專區。 其實仲有好幾個刺激嘅水上滑梯，不過佢地就有高度限制，小小豬玩唔到，我地又要做陪玩專員所以冇玩到呀！ 基本上我地係Legoland Water Park都逗留左七個幾鐘，由開門玩到關門，小小豬就當然係非常盡慶，返到酒店就已經秒殺瞓左啦~

有嘢益大家?