搜尋 “整蠱” 的結果
1 個月前
1990年《勁歌金曲》
Beyond四子非常百厭
四出整蠱途人
先向路人借錢坐車
其後以尋找MTV女主角為名
邀請美少女上演分手戲碼
四子在旁指導及對答交戲
令人忍俊不禁！
#騙徒手法層出不窮
#PG家長指引 #小朋友切勿模仿
#懷念黃家駒
4 個月前
早前容祖兒同關智斌去北海道拍攝旅遊片，其中一日佢哋就去咗Kevin Boy（KB）喺北海道開嘅酒吧 ，表面上係拍日本職場經驗，但背後祖兒聯同Kevin Boy（KB）夾埋一班工作人員扮鬧交，實行要玩爆Kenny個腎！趁住今日（1/4）愚人節，佢哋噚晚就將條片放上社交網應吓節。
一開波祖兒同Kenny搵KB學調酒，突然有個假扮KB熟客嘅「Fans」衝入鏡頭向佢哋兩個打招呼。一早知情嘅祖兒交足戲捉實Kenny一臉驚訝咁款，而Kenny就傻更更以為佢係請返嘅「媒」，見佢被工作人員趕，先知佢原來係不請自來嘅「Fans」。其間假Fans不斷打斷錄影。祖兒整完杯Gin Tonic後，「Fans」又亂入。之後佢哋接受執枱挑戰，「Fans」又突然靠近祖兒話幫佢拎杯。除咗有假Fans搞事，導演同KB都有衝突，先係導演突然叫KB主持時唔使講咁耐，再要求KB叫班客人細聲啲，KB都開始不滿。去到重頭戲，三個人坐低傾計，「Fans」同工作人員起衝突，Kenny見狀即刻邊調停邊安慰祖兒叫佢唔使驚。最後「Fans」爆出一句：「明星大曬咩？」令情況失控！一直做和事佬嘅Kenny知佢被整蠱後即刻大嗌：「好賤啊你哋！」
事後Kenny話當時完全無諗過係俾人整蠱，仲好Man咁話如果嗰時個假Fans整到祖兒嘅話，佢一定會打佢添！雖然今次被整蠱，但Kenny話自己唔係成日被整蠱嘅對象。講到最深刻一次被人整蠱嘅經驗就係之前Steven同經理人為咗警剔佢唔好再咁大頭蝦成日漏嘢，所以收埋佢部電話，令以為唔見咗電話嘅佢驚到去警局諗住報警。相信今次「冤枉娛樂」x「玩爆你個腎」會成為佢第二個印象深刻嘅被整蠱經驗啦！
而負責整蠱人嘅祖兒就話自己平時都好鍾意整蠱朋友，但就無乜人會整蠱自己：「可能我太醒啦，佢哋整蠱唔到啊！」不過祖兒就話今次整蠱行動都有露出馬腳：「其實我不斷忍笑，不過Kenny實在太緊張啦，睇唔到。」祖兒又話估唔到Kenny竟然咁易中計：「佢好聰明架其實，我估唔到佢真係無諗過我會呃佢囉，希望佢相信我啦，呢啲事只會發生一次！」
9 個月前
神秘外賣訂單，血淋淋濕濕哋，係你時運低定係俾人整蠱？
*優惠受條款約束
9 個月前
鍾欣潼賴弘國英國街頭執垃圾
領悟陪伴未來仔女重要性
鍾欣潼（阿嬌）同未婚夫賴弘國首次合體拍攝嘅內地綜藝節目《爸媽學前班》噚日（1日）播出第四集，今集佢地透過蒙眼遊戲同埋英國熱門運動Plogging，去建立大家嘅信任程度、學習點樣做一對唔會過份保護小朋友嘅父母。
上晝嘅課堂主要係測試夫婦互相嘅信任同依賴程度，每對夫婦都要輪流蒙住眼，依照另一半嘅指示通過障礙物。喺賴弘國嘅指示下，阿嬌順利通過所有障礙物，合拍程度滿分。輪到賴弘國蒙眼時，阿嬌不時叫賴弘國「小心啲」，面對「巨型」障礙物餐枱，阿嬌就玩大整蠱，叫賴弘國坐喺地下擺出瑜珈動作，仲話：「前面有一個桌子，你可以爬過去嗎？」搞到全場笑爆。完成任務後佢哋不忘互相稱讚對方做得好，呢個舉動令另外三對藝人人妻勁葡萄，「特別喜歡他們的相處方式，會給對方肯定。」遊戲結束後，賴弘國話：「我真的覺得她很棒，瞭解她性格的人都知道，她玩這個遊戲不是那麼容易的，但是我能感受到她默默在做一些努力。覺得心裏還是覺得對她有信任，反正她最後會讓我通過這些障礙物。」阿嬌亦表示好信任賴弘國，「雖然遊戲過程中會感覺一些不舒服，但我是很放心的。」之後，佢哋就試玩英國熱門活動Plogginng「慢跑執垃圾運動」，佢哋用心學習垃圾分類回收，同大家一齊合作將可回收嘅垃圾砌成一個心形，喺學習同互動中，佢哋兩個慢慢打開自己嘅心，配合默契亦愈嚟愈好。
結束一日嘅課程後，阿嬌同賴弘國喺小屋入面總結一日嘅學習，佢哋都覺得對小朋友嘅成長嚟講，陪伴比任何物質條件都更重要，賴弘國話：「其實今天我印象比較深刻，就是下午我們撿垃圾的時候。以前我一直覺得，成家立業、有一個家庭，要過得很優越的生活，給小孩子很富裕的環境。下午的活動，令我覺得陪伴這件事情比起任何物質條件或者是怎麼樣的生活更重要。就算是一件外人看起來只是散步這麼簡單的事情，其實這樣子就很幸福了。我的理想就是可以有很多時間去跟一家人一起做，陪伴跟共同的回憶是最重要的。」阿嬌亦表示贊同，「對，因為小朋友成長就很快嘛，就不想錯過他的每一分每一秒。」然後賴弘國繼續話：「那這個其實也是很難，有時候工作跟家庭，但是以前我會……」仲未講完，阿嬌就搞笑咁話：「沒關係，我們還沒生，說得好像已經錯過了的感覺，哈哈。」
