紅燈區係阿姆斯特丹市內嘅著名景點，麥明詩同馮盈盈事前申請，到當地訪問一對已退休的孖生性工作者見識見識，並訪問一對已退休嘅孖生性工作者，孖生性工作者喺訪問時講到如果佢地嘅孫女要做性工作者都冇問題，引起競徽嘅好奇，令明詩揚言話可介紹嗰對性工作者，想知競徽點解畫就睇《兄弟幫》重溫內容啦！ 記得上返mytvsuper 重溫返第2397集 - 荷蘭有幾好玩？（下） 星期一二四五晚 11:35 星期三晚 12:05｜兄弟幫｜J2

第一集麥明詩馮盈盈去紅燈區訪問嘅退休雙胞胎性工作者Louise & Martine Fokkens，佢哋唔單止乜都肯同大家傾，佢哋仲即席同大家演繹佢哋作畀自己嘅主題曲 ~ Sisters At The Red Light（紅燈區姊妹花）！佢哋唱嗰陣，唔止把聲夾，而且啲歌詞仲好有趣，所以我哋特登將佢剪輯返出嚟，仲翻譯埋中文（特別鳴謝TVB嘅翻譯同事，翻譯得傳神兼押韻），同大家開心Share吓！

喺荷蘭製片兼旅遊達人CJ（張震宇）嘅特別安排下，馮盈盈同麥明詩去咗一個真真正正嘅紅燈區櫥窗，親睹內裡環境同設備，然後CJ更安排左一對退休雙胞胎前性工作者，同盈盈、麥明詩傾吓偈，畀佢地深入了解下荷蘭性工作者嘅經歷，同埋荷蘭性工作環境嘅改變，絕對認真！（註：如果聽呢個電視短版未夠喉，可以睇埋「荷蘭長版」，聽佢地傾耐DD、深入DD…）

去阿姆斯特丹，個個都話要去紅燈區，而一般嚟講，紅燈區係唔畀拍攝，所以絕大部份旅遊節目同埋網上短片，介紹呢區，都會嚟呢個唯一批准拍攝影相嘅博物館。呢間博物館，介紹荷蘭性工作嘅歷史同埋情況，亦會畀遊客感受下性工作者嘅工作環境，以及試下體驗性工作者畀途人眼望望嘅感受…

盈盈同麥明詩跟住荷蘭製片CJ（張震宇），去阿姆斯特丹紅燈區，同一對孖生退休嘅性工作者，由頭到尾棟篤企喺間紅燈區工作房裡面傾偈，電視播嘅係精華版，佢哋其實仲傾咗好多嘢，我哋特別剪咗個「傾耐DD」嘅版本，畀大家從呢對孖女嘅第一身角度，再深入啲了解下荷蘭性工作文化…

地址： Oudezijds Achterburgwal 60 1012 DP Amsterdam Website:https://www.redlightsecrets.com 開放時間：10:00 – 24:00 消費：€12.50 €10.00 before 13:00 呢間紅燈區博物館，裡面不但可以睇到紅燈區嘅歷史，仲有一啲房間，係參照性工作者嘅工作環境去佈置，畀遊客可以置身其中感受一下。另外，佢仲有兩個紅燈區櫥窗，畀遊客可以坐喺窗前，體驗下性工作者畀途人眼望望嘅感覺。 由於呢度係紅燈區唯一可以畀遊客光明正大打卡影相嘅地方，所以好多時都會大排長龍，想避開人潮，建議一早趁佢啱啱開門嘅時候去。