每個人都試過得罪人,有時唔知唔覺做錯嘢,第一時間梗係要度下點拆啦,想道歉都唔係簡簡單單就咁一句sorry㗎!但係點樣say sorry先最真誠?盈盈教路原來係要配合埋肢體動作??而子碩就教路,如果得罪女朋友第一時間唔係say sorry, 反而係同佢講下“未來”!??

見到人打招呼，呢啲基本禮貌大家都識！但係原來點稱呼對方、點樣發音，都隨時會由有禮貌，變成得罪人！盈盈初入行嗰陣，有一次同高層打招呼，試過因為發音問題，差啲瀨嘢！另外，世上咁多種唔同嘅稱呼，原來唔係所有都Work，一班後生仔女就同大家講吓，有啲一般人慣用嘅稱呼，其實大家已經好怕聽到架喇！

後生仔成日畀人話：「得罪人多，稱呼人少」，其實一班後生仔平時都會好小心，唔敢亂得罪人！其中盈盈同Danny，都話好驚得罪網民，因為隨時會引發連串謠言，仲分分鐘被變成AV主角！而傾到千祈唔好得罪鄰居嘅時候，大家發現，原來得罪邊個都好，最最最最最最唔好得罪嘅，竟然係Kelvin！！