上個星期楊明霞中醫師就同一班後生女講養生，今日就輪到同男仔傾吓中醫學！呀Fred同Enson對中醫印象都係固本培元、調理調理咁樣，但係中醫學又係咪淨係咁樣？其實中醫學除咗慢慢調理之外，處理各樣痛症即時止痛都好有效，重點係中醫用藥方面較西藥天然，更加健康同治本！ 楊醫師仲分享咗學針灸嘅過程，原來學針灸係要同同學互針，仲要自己針自己嘅穴位！針自己手指頭，真係聽到都覺得痛！！！

今晚後生仔嘅Cosplay Party就揀咗殭屍做主題，好多人都會撈亂"喪屍"同"殭屍"，唔知後生仔又對殭屍有幾多認識？原來最細個嘅游游 由細已經睇殭屍電影大，同六號有偈傾！呀Fred講嘅龍咁威"太公殭屍"都係小編心水殭屍場面之一，睇嚟呢班90後都對殭屍有啲認識啊~

因為疫情關係，好多情侶想見都難，何況仲未出到Pool嘅單身朋友? 為咗喺疫境中搵到「幸福」，盈盈即席為單身一族試玩交友App，改名「我係麥明詩」仲要即刻Match到”180溫柔叔叔”同你Flirt！至於同居嘅情侶都應該有唔少因為防疫出現拗撬，講到呢度大家都大爆GM嘅不潔習慣⋯

今集CosplayFriday 後生仔互換性別，盡情傾吓究「變性」後最想做嘅事！！大家對於另一性別嘅身體結構都相當好奇，而且超羨慕對方先可享受嘅權利！盈盈話如果可以做男仔，即刻想唔著衫跑步，Danny 話想試生仔，Fred 話想試餵奶！！ 如果有機會俾你變成另一性別，你最想做咩？

繼上次Leonard自爆缺點，今次同欣茵約會下半場繼續自爆！當欣茵問到Leonard拍過咁多次拖，係未都知道自己鐘意咩類型嘅女仔。點知Leonard秒速坦白自己係外貌協會，搞到欣茵即時反咗個白眼😂😂但最後Leonard都靠佢超細心嘅安排，成功感動到欣茵！👍🏻👍🏻

中秋節就快到，一班後生仔Cosplay中秋神話人物，陪大家提早慶中秋！大家齊齊分享自己細個點過中秋節！波波話自己幼稚院嘅時候已經用暴力插穿奶粉罐整燈籠；百厭嘅芷欣唔信都市傳說，用手指月亮，第二日耳仔即刻就損咗，真係咁邪？？最後後生仔仲即場猜燈謎，盈盈出嘅燈謎你哋又估唔估到？

星期四又嚟試真啲！後生仔玩過室外水上活動，今日不如試吓室內遊戲，試玩一下最近新興嘅芬蘭木柱！芬蘭木柱由12枝木柱，另加一枝技擲棒作道具嘅一款競技遊戲，考嘅除咗得分策略仲有投擲技巧，啱晒一班後生仔齊齊玩！除咗木柱之外佢哋仲試咗地壺球，地壺球同冰壺好相似，只係場地由冰面轉做地面。平時大家睇奧運嘅冰壺 而家喺香港都有得體驗喇? 多謝香港神託會 匯心生命歷奇中心帶住後生仔試真啲！

Leonard今次準備咗一日充滿藝術氣息嘅行程同欣茵約會！當中有去Art Jam一齊畫同一幅畫，點知Leonard突然瘋狂自爆自己缺點！？Bella就話佢都試過遇到呢類男仔，明明鍾意對方但又要自爆，真心想請教男生們點解要咁做！??

又到咗開心星期五，今晚唔玩Cosplay玩Dresscode！粉紅色嘅Dresscode 女仔就可以輕鬆Carry，不過點解男仔一著就出晒事？Enson化身成小俏皮，GM就日本JK加顏藝配搭，呀Fred作為星期五Cosplay之鬼繼續Keep住個氣勢，以一身羅湖城粉紅頭姐姐打扮贏咗最出位大獎；不過其實六號唔聲唔聲連底褲都襯埋Pinky pinky，原來佢先至係最”Pink”之選⋯

傾完幸福嘅topic就係時候要畀今日嘅嘉賓感受吓幸福！首先出場係欣茵，透過呵護Hubert嘅喉嚨而令佢感到幸福，點知搞到人地更加傷心😂 陸續出場仲有Sandy同埋Fyy，究竟最後邊個先畀到幸福感Hubert呢？咁就要睇到最後啦😂😂👍🏻

每個人對幸福都有一種追求同嚮往，??‍♀️?? 正如初戀總是美好的，但不幸分手之後，我地仲淨底d咩？繼續保持初心，相信童話式嘅愛情觀？?? 定係向現實低頭，明白愛情係冇無私嘅奉獻？而小編就覺得盲目嘅付出只會縱容對方嘅任性，只有雙向嘅付出，體諒同忍讓，識得適時感激對方嘅好，咁雙方先會幸福。??

上次CosplayFriday就cos過熱血籃球，今晚輪到足球！一套令八九十後愛上足球嘅熱血動漫，如果由一班後生仔去扮演會唔會Carry得到？
倒掛金勾、猛虎射球呢啲絕招，相信好多人細個踢波都會經常想模仿（小編都唔例外），主角Enson就話親自上陣，做一次倒掛金勾？！

落選港姐呢個名唔係咁好聽？今集後生仔同大家重新定義，聽吓一眾佳麗點為自己命名。有人定義自己係free嘅，免費嘅，又人就定義自己係伴碟！？而另外主持們都同大家玩考記性小遊戲，事關都想證實吓港姐係未真係特別有記性呢個説發！???

唔經唔覺，#後生仔傾吓偈 已經踏入第600集！咁開心嘅大日子梗係約齊後生仔女開Party，今次我哋仲邀請埋胡鴻鈞陪我哋一齊傾一齊玩！雖然疫情關係未開到船P，但我哋嘅「偽船P派對」一樣咁精彩！除咗玩遊戲，細數大小難忘時刻，主持、嘉賓同後生仔女們同網民瘋狂互動，個個都有求必應，粉絲們真係超幸福！！！  胡鴻鈞應網民要求即席唱新歌《你幸福嗎》，後生仔都聽出耳油！祖儀、6號、子碩同Danny 都即席大展歌喉，但Danny忘詞，先由《十字路口》轉唱 《沒身份妒忌》。咦？盈盈都唱埋一份，仲唱《Rolling in the Deep》，但一開口就嚇親大家🤣  後生仔女們嘅互動都相當精彩！先有Fred 疑似公器私用深情擁抱遊遊，仲有波波大方承認鍾意GM？？Leonard 同盈盈上映狂熱版《反黑路人甲》，果然600集大家都豁晒出去？

今次FYY帶隊出海，試玩濕身水上活動，包括：獨木舟，立划板，香蕉板……呢啲聽落好似好普通嘅水上活動，原來唔係咁多後生仔女都冇玩過😮 所以今次佢哋就瞓身試畀大家睇，呢啲健康到爆燈嘅活動，其實都幾好玩……加上FYY嘅投入喪嗌，令到娛樂性再加多咗好多分，令小編好想玩埋一份🤣🤣🤣🤣

星期四又嚟試真啲，今日後生仔買齊唔同地方嘅辣椒油辣椒醬，由自稱食X仔大辣 連水都唔使飲嘅呀Fred同欣茵被推舉成為後生仔辣王辣后同大家試晒咁多種辣醬！ 不過睇真啲，呀Fred竟然連Level one嘅泰式辣醬都食到有難度；欣茵試辣都試到面目猙獰面有難色，到底係辣醬辣得濟，定係其實辣王辣后根本得個講字？

第一次約女仔出街點先可以錫錫？Leonard就話要睇時機，例如佢親身經歷就係約女仔去睇戲，過程要越挨越埋，去到片尾，睇完但又未走得，呢個時候就要對望一下，跟住知咩事啦👩‍❤️‍👨👩‍❤️‍💋‍👨👍🏻👍🏻盈盈就教路，呢個moment要蜻蜓點水試探一下，然後再對望多一次，透過對方嘅眼神妳就知道有無機會連hit㗎啦😇😇（小編莫名地感覺似曾相識🤔）唔知你地嘅first kiss又係點呢🙈🙈 而今集重點，除咗係唇王唇后選舉，當然係Leonard嗰句：「（曾經錫過嘅人）有25個，但呢一世都只係得25個！」嘩，簡直冧爆在場人士，Sweet到漏呀～ (當然6號話要調轉數嗰25個人名，Timing亦都係相當準確到位🤣)