去台北玩，士林夜市當然係必去地點之一，但係你又知唔知士林夜市附近都有好多美食，今次帶大家去到百年老屋餐廳，保留左100年前嘅建築面貌，食新潮泰國菜，食物會因應台灣人口味稍為作出調整，非常貼心！呢度環境咁靚，只係用餐實在太浪費啦，所以餐廳仲有提供租借場地服務，影埋婚紗相都仲得！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第七集其他內容啦！

夏日熱辣辣，緊係要食冰凍甜品！以液態氮製作雪糕的冰品店有別於一般冰品店，用上分子料理嘅方式去整，一登場有乾冰所產生嘅白煙圍著甜品，好華麗，將雞尾酒製成雪糕，主持越食越high，不過大家要記得因應自己嘅酒量呀，唔飲酒嘅都有呢幾款可以試，想知係咩就要留意啦！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第六集其他內容啦！

厚班戟食得多，瓦帕鬆餅食過未呢？而家愈出愈新穎，先有珍珠奶茶味厚班戟，味道有奶香之餘粒粒珍珠超有咬口，最後有番茶葉餘香！再想特別啲！仲有呢款只有永康店限定嘅芫荽花生瓦帕鬆餅，至於夠唔夠「荽」就要留畀食芫荽嘅朋友仔判斷啦！如果一個人想自私食又怕太大份，餐廳推出咗迷你版，減緊肥嘅各位都唔洗怕！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第六集其他內容啦！

望到平平無奇嘅門口，唔講仲以為係某人住宅，好難想像入到去係一間又古式又華麗嘅餐廳，充滿神秘感，環境優美又安靜，餐廳設計帶歐式風格，白色磚牆、古舊壁爐等，除咗適合情侶燭光晚餐，仲有獨立包廂，一大班人食飯都冇問題，不過當然要記得預約啦！至於食物方面，每月套餐都唔同，有新鮮感之餘用料都好高級，魚子醬、帶子等等，想知今個月有咩食就要留意啦！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第五集其他內容啦！

Happy Friday就係要放縱一下！呢間全台灣最高嘅酒吧，唔止係景觀一流，食物水準都好有亞洲特色，剩係賣相都好啱呃Like，雞肉鵝肝卷配山野菜，雞肉嫩而有彈性、鵝肝入口即融、野菜清爽！主菜過後甜品先係主打，不過想知有幾好食，就要留意節目啦！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第五集其他內容啦！

深夜時分總係特別肚餓，再次入到嚟呢間酒吧，又發現Menu唔同咗，原來酒吧定期會更新酒單，保證唔會悶！今次主持就試咗兩杯雞尾酒都大讚好飲，究竟有咩特色呢？至於食物方面，有齊西式、中式、粵式，仲有港人最愛嘅街頭小食魚蛋呀！原來全部原材料都係嚟自香港，勁有彈性！呢個咁熟悉嘅味道係因為老闆係香港人，唔怪得之啦！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第四集其他內容啦！

去台北想同閨蜜把酒談心，但又怕去錯夜場唔啱玩？咁要就跟住主持嚟呢間酒吧啦！為咗唔好空肚飲酒緊係要填飽個肚先啦，呢個火山Pizza浮誇到不得了，本身Pizza上已經有滿滿嘅配料，再放入香濃嘅芝士火山入面，富有奶香同松露味，味道即刻升華咗！食飽飽就要飲翻兩杯啦，呢個可以360度轉嘅水晶球嘅真身原來係蘋果白蘭地，酸酸甜甜，仲要勁吸睛！仲有好多美食未能盡錄，想知就親身嚟試下啦！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第四集其他內容啦！

最近出名熟成牛肉，個個都爭住食，但其實熟成牛肉當中仲有細分乾成同濕成㗎！乾成係用自然風乾方式，成本較高嘅一種 ；而濕成就係真空包裝，利用完本嘅肉汁去分解。想試食就要嚟到全台灣唯一乾式熟成室的牛扒餐廳，開放式廚房可以清楚見到廚師嘅工作同乾式熟成室，保證貨真價實！仲有一大賣點就係餐牌內一個套餐足足有17道主菜，一個價錢，全部任食！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第三集其他內容啦！

最近好多人都開始食素菜，但去到外地旅行果陣，成日大魚大肉，都好似好難避免！如果你嚟緊plan緊去台灣，咁就可以考慮呢間超豪華素菜自助餐啦，食物種類有超過200種呀！除咗自助餐之外，仲可以單點～佢啲單點都好精緻！如果想去旅行又想食得健康！咁就要bookmark低呢間啦！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第三集其他內容啦！

西式餐廳度度都有，分分鐘一條街都有幾間，但係秘魯菜就唔同啦，今次由兩位主持帶頭去見識下！一入店鋪就見到各式各樣嘅飾品，充滿異國風情！輪到主菜啦，呢個三文治好食到連主持都話會為咗呢個三文治，飛去秘魯！咁誇張！？見到兩位主持一試愛上，估唔到秘魯菜有咁大嘅驚喜，難得唔洗飛去秘魯，快啲過嚟試下啦！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第二集其他內容啦！

呢間由印度籍老闆開設，係2019年台灣唯一一間獲米芝蓮嘅異國菜，仲可以遠眺埋台北101㗎～！當中大部分女士最鐘意點嘅印度小食Samosa、有必食咖喱雞，仲有千祈唔可以miss嘅特製咖喱龍蝦湯，因為印度較少海鮮，所以呢個絕對高級菜～！最後仲要食埋有紅色黃金之稱嘅番紅花雪糕啦，啖啖都猶如食黃金呀！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第一集其他內容啦！

跟開蠔達人學習即開生蠔，生蠔肥美新鮮，再配蠔癡研發獨家台式沾蠔醬 –– 白酒醋醬， 混合莞荽同洋蔥，中西合璧，香濃之餘又唔會蓋過蠔味，簡直就係 Perfect Match！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第一集其他內容啦！

呢間餐廳主打手抓海鮮，唔用任何餐具，豪邁用手食，海鮮份量超多，除咗有巨型波士頓龍蝦，仲有魷魚同鮮蝦等，鮮甜爽彈，啱曬海鮮控！套餐仲包4款醬任蘸，款款有驚喜！ 小滋女孩放暑假 | 星期二 晚上 7:00 | J2 仲想知有咩潮點推介，記得上返mytvsuper 重溫返第一集其他內容啦！