由阿Sa蔡卓妍、吳慷仁主演嘅電影《非分熟女》，講述失婚嘅阿Sa遇上廚師吳慷仁，從而改變其人生觀嘅故事。同門師妹許靖韻Angela被阿Sa欽點主唱電影主題曲《Improper》，MV日前進行拍攝，由於電影中有阿Sa出浴嘅戲份，於是MV導演希望MV由阿Sa喺電影中出浴片段、Angela拍攝嘅出浴片段交錯剪接而成，作出呼應。 首次為電影唱主題曲及拍攝出浴畫面嘅Angela，錄音時導演要求唱出含苞待放嘅感覺；而MV則要演出唯美和感性的感覺。為拍出浴鏡頭Angela準備了大量防走光用品，她說：「乜（防水）膠布都帶齊晒，哈哈，大中小型乜都有。」但到正式拍攝時，原來她只需要穿上運動無肩內衣，在場的工作人員大笑Angela係緊張大師。而拍攝淋浴場面時，Angela本以為拍攝時會持續有暖水淋身，點知畫面只需要拍她淋濕頭及身後，用水沖洗雙手嘅鏡頭，而當日氣溫更只有十二度，結果Angela凍得不停打震，要髮型師幫手借風筒取暖。MV由下午兩點開始拍攝，拍足十一小時，零晨兩點終於收工，收工前Angela搞笑地說：「都唔爭在啦，不如俾我沖埋涼先走啦。」

台灣女星賈靜雯近年都忙於照顧兩個囡囡，主力做家庭煮婦，間中參加內地親子真騷，不過近日佢相隔15年再接拍電視劇，同溫昇豪及吳慷仁合作。有傳賈靜雯成為最高劇集酬勞嘅女演員，但佢就冇為傳聞多作回應。