1959年《十兄弟(上)》 1974年《啼笑因緣》 1976年《黃飛鴻》 1977年《無名英雄》 1979年《歡樂今宵》《貼錯門神》 1981年《流氓皇帝》 2004年《十兄弟》 2018年《平安谷之詭谷傳說》《大帥哥》 熒幕上的大帥除了形象威風八面 竟然大部分都陰險狡滑、惡形惡相、麻甩好色 縱然大帥的角色造型大同小異 不過眾演員的演繹各具神韻 誰是你心目中的大帥哥？ #帥到噴汁 #大帥動輒講槍斃 #大帥哥

日前，容祖兒孖住張敬軒拍攝麥當勞廣告兼合唱廣告歌《Make a Beat》，呢幾日佢哋就喺社交網站不停post啲NG片、off take出嚟。其實無論拍戲拍劇拍廣告，識睇一定睇NG片，分分鐘仲好笑過出街嘅版本㗎。 係人都知祖兒同軒仔勁friend，兩個撞埋一齊除咗笑料百出，仲會經常互窒。好似佢哋之前拍廣告，祖兒要介紹一款醬汁時，就突然被軒仔截住，仲好認真咁同祖兒講，要講啱個醬汁名，「我已經食咗四、五盒雞啦，唔該你今次講啱個汁名。」最後祖兒吸咗一口氣，終於講啱。 除此之外，軒仔拎住盒十八件雞話驚食唔晒時，祖兒話可以叫「十兄弟」幫手，軒仔碌大隻眼話佢邊有「十兄弟」時，祖兒即刻接上，「冚家軒呀！」原來係講緊軒仔之前搵嚟十個同自己似樣嘅fans一齊聚會嗰「十兄弟」，可能見軒仔反應好玩，向來諗到乜就講乜嘅祖兒就繼續話，「如果仲唔夠嘅，叫埋阿關……」點知最後被「滅音」。呢個時候，軒仔靈機一觸：「關……你咩事呀！」然後㩒住祖兒餵佢食雞，十分搞笑。而當祖兒教軒仔跳shake shake薯條舞時，因為動作似拜神，祖兒就話：「我哋而家試吓拜神舞吖。」跳咗幾步，軒仔就爆肚：「七月，唔怪得之隻薯條要七月出啦。」最後大家都忍唔住笑起上嚟。