話咁快聽日就放榜啦，大家準備好心情迎接呢個大日子未？馮盈盈同麥明詩就同大家分享以前放榜嘅經歷，盈盈話自己當時太興奮唔記得打電話通知屋企人，麥明詩就諗返起派成續嘅一刻自己都覺得難以置信！小編係到預祝大家都有滿意嘅成績！

返學唔多唔少都會走下堂，咁先可以真正「善用時間」麻，6號就話藝人台慶練走位好似學生走堂咁，冇次會齊人喎，盈盈亦同大家分享自己走堂原因全因為失戀，大家又因為咩原因走堂呢？

今集佢哋個個都好認真甘去討論香港嘅教育制度，個個都似模似樣喎！但都有蝦碌嘢嘅，好似盈盈同GM咁，佢哋就唔覺意暴露左自己啲離地嘢啦！但呢一個話題都好值得大家深思一下，因為教育制度係直接影響我哋下一代㗎！一齊睇吓啦。

男男女女相處之間到底有咩禁忌呢？好多時候男仔比人感覺係無所不談，女仔比人感覺會比較內斂。但原來唔係㗎！呢集除咗講男男女女之間嘅相處之道，Sandy仲講咗當年嘅一段經歷，聽落去好似綠綠地喎！

今集佢哋施展渾身解數同大家講吓撩妹金句。六號講起佢個金句嘅時候，全場都打哂冷震啊！原來佢放起閃光彈上嚟真係可以咁骨痺㗎！唔知你哋又有冇佢哋咁多招數呢？

唔講唔知，真係咩都可以儲㗎！連牙齒同軟骨都儲得，真係聽到小編呆哂啊！呢集同大家分享一吓佢地嘅儲物習慣，有啲都真係幾奇怪。唔知你地會唔會係佢哋嘅同道中人呢？

MissMak感情教室又開班啦，呢一集真係傾得如火如荼啊！呢一集有何遠東嚟做我哋嘅嘉賓，今嘅題目就係講大家嘅另一半係咪自己嘅蘇眉。個個後生仔都有好多唔同意見，佢哋仲分享咗好多個人經驗，連何遠東都話要同佢哋學嘢啊！至於啊Fred就...似係禍從口出啦，搞到自己尷尷尬尬。

香港地而家越來越多後生仔會去外國讀書，正因為咁，Long D 嘅情況都越來越常見，好多時仲成為咁唔少人分手嘅原因。今集佢地就分享咗一啲Long D 嘅經驗。六號仲講咗句好精景嘅說話，原來Long D 淨係可以發生係得手前......

學英文嘅方法有好多種，而Uncle Siu 話其中一種最好嘅方法就係背？究竟點解？不如等Uncle Siu 話你知啦！同場加映盈盈示範美式口音，好funny 呀～

後生仔成日被標籤個個都係三分鐘熱度，連主持們都覺得最難堅持嘅事竟然係做Gym！其實減腹時忍唔住口，或者Sports Partner唔在狀態都好難成功減腹；而呀Fred同波波就以小學雞激將法激勵自己堅持，打破三分鐘熱度循環！

潛能就應該每個人都有嘅，你會點樣激發你哋嘅潛能呢？今集盈盈講番自己之前拍戲嘅時候點樣比人激法自己嘅潛能，克服恐懼！子碩當年比人傳授一套獨特嘅潛能激發大法，居然係拉筋？

一齊睇完傾傾計?#鐵探

後生仔唔經唔覺已經嚟到第三百集啦！唔知佢地覺得自己有咩進步同有咩轉變呢？又有啲咩係佢哋深刻嫁呢？呢集子碩Kosa大講自己之前嘅辛酸史，Kosa仲講到眼濕濕！到底有咩事令到佢甘大反應呢？

今集後生仔繼續傾劇集！套套都係經典，難怪大家傾到冇停口！盈盈更加戲癮大發，演繹洛神七步成詩同嘉欣爆喊戲份，超級精彩！

由於之前有觀眾提出我哋成日都會係話語間傾兩性關係，睇嚟大家都對呢個話題好有興趣。今次一於直接開一集同大家講下兩性之間嘅相處，係呢個問題上每個人嘅價值觀都好不同。盈盈今次提出咗個5%理論，原來愛情都有數計嫁！講到「沉船」，子碩居然唔知係咩嚟，但唔緊要，佢地都好熱情咁解釋比子碩聽呢個咁深嘅道理。唔明講到你明！

早前容祖兒同關智斌去北海道拍攝旅遊片，其中一日佢哋就去咗Kevin Boy（KB）喺北海道開嘅酒吧 ，表面上係拍日本職場經驗，但背後祖兒聯同Kevin Boy（KB）夾埋一班工作人員扮鬧交，實行要玩爆Kenny個腎！趁住今日（1/4）愚人節，佢哋噚晚就將條片放上社交網應吓節。 一開波祖兒同Kenny搵KB學調酒，突然有個假扮KB熟客嘅「Fans」衝入鏡頭向佢哋兩個打招呼。一早知情嘅祖兒交足戲捉實Kenny一臉驚訝咁款，而Kenny就傻更更以為佢係請返嘅「媒」，見佢被工作人員趕，先知佢原來係不請自來嘅「Fans」。其間假Fans不斷打斷錄影。祖兒整完杯Gin Tonic後，「Fans」又亂入。之後佢哋接受執枱挑戰，「Fans」又突然靠近祖兒話幫佢拎杯。除咗有假Fans搞事，導演同KB都有衝突，先係導演突然叫KB主持時唔使講咁耐，再要求KB叫班客人細聲啲，KB都開始不滿。去到重頭戲，三個人坐低傾計，「Fans」同工作人員起衝突，Kenny見狀即刻邊調停邊安慰祖兒叫佢唔使驚。最後「Fans」爆出一句：「明星大曬咩？」令情況失控！一直做和事佬嘅Kenny知佢被整蠱後即刻大嗌：「好賤啊你哋！」 事後Kenny話當時完全無諗過係俾人整蠱，仲好Man咁話如果嗰時個假Fans整到祖兒嘅話，佢一定會打佢添！雖然今次被整蠱，但Kenny話自己唔係成日被整蠱嘅對象。講到最深刻一次被人整蠱嘅經驗就係之前Steven同經理人為咗警剔佢唔好再咁大頭蝦成日漏嘢，所以收埋佢部電話，令以為唔見咗電話嘅佢驚到去警局諗住報警。相信今次「冤枉娛樂」x「玩爆你個腎」會成為佢第二個印象深刻嘅被整蠱經驗啦！ 而負責整蠱人嘅祖兒就話自己平時都好鍾意整蠱朋友，但就無乜人會整蠱自己：「可能我太醒啦，佢哋整蠱唔到啊！」不過祖兒就話今次整蠱行動都有露出馬腳：「其實我不斷忍笑，不過Kenny實在太緊張啦，睇唔到。」祖兒又話估唔到Kenny竟然咁易中計：「佢好聰明架其實，我估唔到佢真係無諗過我會呃佢囉，希望佢相信我啦，呢啲事只會發生一次！」

香港人日日都會搭公共交通工具，不過無論坐巴士定地鐵，唔多唔少都會遇到啲勁乞人憎行為：食嘢、亂放行李、剪手甲腳甲應有盡有...而麥明詩就最怕比人抽水，但係子碩竟然想挑戰麥明詩底線呀！