7 個月前
又有新遊戲玩啦，今次智雯同Candice要化身畢加索，玩猜猜畫畫！首先Jinny畫忍者，但畫畫下竟然變咗隻「大笨象」？但Joey竟然用神級智商估到答案！到自認抽象派嘅智雯要畫上海灘，雖然用咗好簡單嘅符號畫，但係連阿姐都忍唔住話嚇死！咁隊尾嘅6號成唔成功估到答案？
搜尋 “上海灘” 的結果
1 年前
日前，英星一眾藝人包括容祖兒、李克勤、古巨基、Twin、陳偉霆同許靖韻分別受到內地電視台邀請出席除夕倒數活動。
容祖兒以壓軸嘉賓身份空降「四川衛視跨年演唱會」，除咗演繹《隆重登場》及《揮着翅膀的女孩》兩首歌，仲唱咗佢最新推出嘅國語大碟《答案之書》入面嘅第二主大歌《長大》，令人聽出耳油，網民都紛紛留言話：「容祖兒的聲音簡直就是一把柔軟的武器，能唱進人心裡！」而同門師妹許靖韻（Angela）亦都喺活動上唱咗《K歌之王》、《不如告白》、《歲月如歌》同《Ring Ring》四首歌。
而李克勤除咗出席上海「夢圓東方2019東方衛視跨年盛典」，同時亦現身「2018粵語好聲音」跨年盛典，連踩兩場，仲唱咗《月半小夜曲》、《紅日》同埋《護花使者》三首代表港樂三十年嘅金曲。當晚克勤以上身西裝配下身百褶裙造型上陣，更即時即為網上熱話，有網民話克勤係「上海灘最靚的仔！」
至於古巨基就喺CCTV3元旦特別節目《奇幻嘉年華—中央電視臺綜藝頻道元旦晚會》亮相。基仔為觀眾帶來經典曲目《Monica》，為咗今次元旦晚會，基仔特別為歌曲重新編曲，令歌曲力量感十足。演出結束後，古巨基訪問時提到，「回首18年，挺滿意的，開了巡演、出了新專輯、開了多用途Studio，希望新的一年也可以愉快又充實。」
Twins亦合體現身「江蘇衛視跨年演唱會」，佢哋唱出《下一站天后》及《見習愛神》，今次仲係阿嬌鍾欣潼婚後首次表演，表演期間阿嬌全程甜笑，幸福兩個字寫晒喺塊面。
而陳偉霆亦都有出席「江蘇衛視跨年演唱會」，一開始佢攬住Miffy公仔可愛登場，先唱出自己嘅《1121》，之後再換上白色外套、拼色圖案針織衫搭配熒光粉紅波鞋，邊跳邊唱四大天王嘅medle
2 年前
屋企有兩狗三貓嘅泳兒（Vincy）係愛狗之人，日前，佢同英皇新人楊天宇（Angus）、大馬糖王郭鶴年細女郭燕光、上海灘創辦人鄧永鏘女兒鄧愛嘉、名媛李桂蘭兒子戴尚安及台灣富商張世駿女兒張翡玶齊齊參與由練馬師告東尼個女Antonia搞嘅「Sunset Doga」活動，同狗狗一齊做瑜珈，除咗宣揚唔好再食狗肉嘅訊息，同時亦都會籌款俾Animal Hop and Wellness用作「玉林狗肉節」拯救及醫治狗隻。
活動當日，Vincy帶咗三歲嘅Batman出嚟，第一次同狗狗做瑜珈，Vincy話：「平時佢（Batman）嘅運動淨係落吓街行吓，同埋佢係唔跑嘅，佢係好慢嘅、滋陰嘅。」一到現場，可能未熟習環境，Batman表現斯文，不過一開始做瑜珈，Batman就開始不停四圍走，搞到Vincy「滿場飛」捉狗；去到中段，其中一個動作係將狗狗放喺自己肚上面，開頭Batman都幾乖伏咗喺Vincy肚上，不過唔夠十秒Batman又想走，Vincy當然即刻捉住佢，點知Batman左擰右擰想擺脫，兩隻手係咁撥，搞到Vincy成個頭都亂晒；不過最搞笑就係活動接近尾聲時，Batman又行開咗，今次佢竟然搶「人哋」杯雪糕食！Vincy見到即刻抱起Batman兼代仔道歉，「真係唔好意思。我都話我屋企有賊㗎啦。」Vincy最後只好用零食令Batman乖乖哋坐定定。
而本身冇養開狗嘅Angus大會當日就「借」咗一隻松鼠狗仔俾佢一齊做瑜珈，一開始二人都相處得唔錯，不過冇幾耐又出現「走狗」場面，Angus來來回回捉狗不下數十次，邊行邊捉狗嘅Angus笑說：「佢真係好唔鍾意我。」
做完瑜珈，成身散晒嘅Vincy話：「因為當佢（Batman）見到隔離有靚仔、靚女、有嘢食或者有聲，佢就會完全忘記晒自己做緊嘅嘢，所以佢係比較難控制。一開始嘅時候，我直程覺得有『親子活動』嘅感覺，見到啲爸爸媽媽帶住啲『小朋友』嚟，有種好溫馨嘅感覺，但我個仔係完全不受控制，哈哈。」同樣追狗追到爆汗嘅Angus就話：「我屋企冇養狗，但我一直都好想養。同狗狗做瑜珈，最難係同狗狗同步、佢又要好乖咁坐定定去做。」Vincy仲話希望大家關注食狗肉問題，「今日呢個活動係好有意義，宣揚叫人唔好再去食狗肉，因為狗仔係我哋嘅好朋友，應該要好好照顧同好好愛護佢哋。」
2 年前
屋企有兩狗三貓嘅泳兒（Vincy）係愛狗之人，日前，佢同英皇新人楊天宇（Angus）、大馬糖王郭鶴年細女郭燕光、上海灘創辦人鄧永鏘女兒鄧愛嘉、名媛李桂蘭兒子戴尚安及台灣富商張世駿女兒張翡玶齊齊參與由練馬師告東尼個女Antonia搞嘅「Sunset Doga」活動，同狗狗一齊做瑜珈，除咗宣揚唔好再食狗肉嘅訊息，同時亦都會籌款俾Animal Hop and Wellness用作「玉林狗肉節」拯救及醫治狗隻。
活動當日，Vincy帶咗三歲嘅Batman出嚟，第一次同狗狗做瑜珈，Vincy話：「平時佢（Batman）嘅運動淨係落吓街行吓，同埋佢係唔跑嘅，佢係好慢嘅、滋陰嘅。」一到現場，可能未熟習環境，Batman表現斯文，不過一開始做瑜珈，Batman就開始不停四圍走，搞到Vincy「滿場飛」捉狗；去到中段，其中一個動作係將狗狗放喺自己肚上面，開頭Batman都幾乖伏咗喺Vincy肚上，不過唔夠十秒Batman又想走，Vincy當然即刻捉住佢，點知Batman左擰右擰想擺脫，兩隻手係咁撥，搞到Vincy成個頭都亂晒；不過最搞笑就係活動接近尾聲時，Batman又行開咗，今次佢竟然搶「人哋」杯雪糕食！Vincy見到即刻抱起Batman兼代仔道歉，「真係唔好意思。我都話我屋企有賊㗎啦。」Vincy最後只好用零食令Batman乖乖哋坐定定。
而本身冇養開狗嘅Angus大會當日就「借」咗一隻松鼠狗仔俾佢一齊做瑜珈，一開始二人都相處得唔錯，不過冇幾耐又出現「走狗」場面，Angus來來回回捉狗不下數十次，邊行邊捉狗嘅Angus笑說：「佢真係好唔鍾意我。」
做完瑜珈，成身散晒嘅Vincy話：「因為當佢（Batman）見到隔離有靚仔、靚女、有嘢食或者有聲，佢就會完全忘記晒自己做緊嘅嘢，所以佢係比較難控制。一開始嘅時候，我直程覺得有『親子活動』嘅感覺，見到啲爸爸媽媽帶住啲『小朋友』嚟，有種好溫馨嘅感覺，但我個仔係完全不受控制，哈哈。」同樣追狗追到爆汗嘅Angus就話：「我屋企冇養狗，但我一直都好想養。同狗狗做瑜珈，最難係同狗狗同步、佢又要好乖咁坐定定去做。」Vincy仲話希望大家關注食狗肉問題，「今日呢個活動係好有意義，宣揚叫人唔好再去食狗肉，因為狗仔係我哋嘅好朋友，應該要好好照顧同好好愛護佢哋。」
