傳説，UBC大學有個連Ethan都夢寐以求想加入嘅神秘學會，呢個學會聽聞仲係女生限定！??身為學會成員之一嘅Carman被問到學會有咩神秘活動嘅時候，佢就話呢啲唔可以對外公開。但之後可能係被一眾MC追問，Carman就疑似講咗啲慧妍雅集嘅活動內容出嚟轉移視線。呢件事相當有嫌疑，絕對唔係睇落咁簡單??

相信去去加拿大升學係好多朋友嘅選擇！但去加拿大揀咩科讀好？今集後生仔同嘉賓就分享各式各樣有趣科目！其中最特別嘅係原來加拿大同學仔可以讀母乳餵哺？聽講仲要帶埋個公仔BB返去實習，一定係用嚟增添同學仔代入感，體驗做爸爸媽媽嘅辛勞！仲有呢大家可能冇諗過，原來森林系係加拿大係超熱門嘅科目，大家又估唔估到點解？

之前一班香港後生仔就去咗溫哥華拍節目，之後兩地後生仔都有Keep Contact。呢排兩地疫情都嚴峻，大家都好關心對方嘅情況，於是戴祖儀，子碩同阿楓，就約埋加拿大嘅B Chiu，Manica，Wendy同埋Carman一齊開Zoom，交流吓兩地防疫情況。到底加拿大抗疫工作係點？當地嘅口罩，糧食同生活用品有無出現搶購情況？而聽講加拿大政府建議社交距離要保持至少兩米，同埋為咗幫助受影響國民，政府仲會派接近5萬蚊港幣，到底實際情況係點，聽吓佢哋講啦～不過，要講句Sorry先，因為開Zoom期間網絡訊號問題，令呢場傾偈傾得有少少甩咀，有時聲畫有啲啲唔同步，懇請大家見諒。

加拿大朋友都好似比較早食飯，想食宵夜應該去邊好？溫哥華Carman就推介大家去Richmond 果頭，通常中餐館都會開到凌晨一兩點，咁就可以慢慢食啦。婷婷就話係溫哥華食越南Pho 最緊要揀夠「罨耷」嘅餐廳，最好要望落就嚟執嘅鋪頭，唔通呢個先係夠正宗嘅指標？

又嚟到溫哥華地膽推介！今次Carman 帶Sandy 去到Coquitlam去食oppa ? 哦唔係，原來係帶Sandy食一間自己平時去開嘅韓國餐廳，睇佢地叫到成枱都係，有炸雞、韓式粉粉絲等等。小編睇到流晒口水，勁想食埋一份！食到飽飽，再去埋睇秋天先可以睇到嘅三文魚回流，睇下三文魚媽媽點樣返到產地生BB，果然真係夠晒地道！

後生仔去到溫哥華，飲飲食食同埋傾偈之外，點少得去一去當地最出名嘅大學 — University Of British Columbia（UBC）睇睇環境呀？因為聽講UBC校園唔止地方大，仲有好多好玩又非常Chill嘅地方，讀緊UBC嘅Carman，就帶住阿楓、Sharlene同埋Sandy走入校園，畀三位香港後生仔感受一下UBC環境同氣氛…嘩，睇到佢嘅介紹，真心羨慕，好葡萄呀！

外國人對華人，其實都有好多先入為主嘅標籤，例如以前好多外國人會覺得個個華人都識功夫，或者華人都愛著長衫/旗袍，今時今日，佢哋又冇唔同睇法呢？溫哥華後生仔女Ethan同埋Carman，就同大家分享吓佢哋親身感受近年加拿大人對華人嘅第一印象係點！聽佢哋講完，又觸發到見多識廣嘅麥明詩，分享吓佢睇過嘅外國Research，講外國人眼中，華裔女生同男生嘅吸引力有乜嘢唔同！而講到全世界最受男生歡迎嘅女生，大家就話原來係烏克蘭女生！到底點解呢？

打開各大網站，一Check溫哥華有乜玩，絕大部份都會介紹Granville Island市集同埋Fisherman Wharf（漁人碼頭），到底呢兩個介紹到爛嘅景點，係咪真係咁值得去？兩位喺當地生活咗好耐嘅後生仔女Carman同Leonard，就分別帶第一次踏足溫哥華嘅後生仔女Sharlene、Nina同埋阿楓去睇吓呢兩個地方，到底係咪真係非去不可！ Granville Island 地址： 1669 Johnston Street, Vancouver, BC V6H 3R9 開放時間：9:00 a.m. - 7:00 p.m. 網址： https://granvilleisland.com Fisherman’s Wharf (漁人碼頭) 地址： Steveston, BC Canada 備註： 區內有多間咖啡店、餐廳及特色店舖，開放時間各有不同，至於碼頭位置的漁船海鮮檔開放時間，亦要視乎天氣、季節和魚獲情況而定 網址： https://stevestonharbour.com/fishermans-wharf/

一般嚟講，加拿大喺各位心目中都不外乎係楓葉同楓糖漿，但係對於一班後生仔嚟講可能有唔同睇法？台灣KOL Nina就覺得加拿大好多高大白淨靚仔，連Louisa都對加拿大嘅總理有同樣睇法！呀楓就話加拿大人好Nice好健談，連買杯嘢飲都可以傾半日，就連加拿大KOL Carman都親身證實加拿大人確實係友善同有禮貌啲嘅，之不過同時身為加拿大人同香港人嘅Leonard就解釋，原來加拿大人咁Nice係有原因咖...