後生仔開Live就肯定會答吓大家問題，似乎呢排大家都好想知道後生仔女嘅擇偶要求！明嘅，即刻同你問吓Enson同波波對另一半有啲咩要求，再嚟同大家精選啲有趣QnA問題！

今晚繼續傾女朋友最難答問題，而有一條問題竟然可以令所有男人都心虛，就係："你有無嘢暪住我"，但係求生力極強嘅6號可以輕鬆應對。波波就試過同前男友對質，點知結果激到波波爆炸！?

2020對好多人嚟講係突破嘅一年。包括後生仔都唔例外！波波就突破咗食到自己入醫院嘅黑暗料理，創造咗食完相信好大機會患癌嘅「核子料理」??。而Enson都唔弱，佢為咗操肌，竟然跑到去巴西！阿Fred都唔輸蝕，演藝事業去到小山峰唔覺意突破咗自己條髮際線，為咗做一位成功嘅藝人，佢決心2021要紋翻條髮際線咁話??????

身體最好就健健康康，但係講起入醫院經歷，一班後生仔女都有唔少嘢講！ 波波細細個就對奶敏感，仲要對所有奶類製品敏感添呀！但係因為仲細個，未搞清楚乜嘢導致敏感所以就要抽骨髓檢查； 阿Fred就話細個住院好開心，全因院友們都係差唔多年紀，每日都有Auntie Uncle請食嘢之餘仲唔使返學，聽落都開心。 但係阿Fred入院做手術，竟然覺得全身麻醉好得意？不過入得醫院，大部份原因都無好事。2020年就嚟完，希望大家都身體健康啦！

喺 #香港愛情故事 入面有好多好貼地嘅戀愛情況，今晚就請嚟主角龔嘉欣上嚟一齊同大家傾吓新劇！ 想知內容夠唔夠貼身唯有問吓一班後生仔：喺香港無地方拍拖係咪真係一個問題？ 講到追女仔，波波Show出佢嘅珍藏男性Photo album, 到底佢收埋收埋啲咩相，睇到龔嘉欣都彈起身？

東華傳統驚險項目心口碎大石一定要有，今次由波波用心口碎大石，成二百公斤嘅石頭放係波波嘅心口，由黃庭鋒出力用鐵鎚扑落波波心口嚿大石，幾吓之後就碎咗，波波心口果然勁！

盈盈繼續安排一日Dating, 仲包晒場同Leonard撐枱腳，製造二人世界！食飽之後Deep talk傾偈，兩個人仲濕晒咁上酒店房繼續下場，仲有位神秘人開聲助攻！但係點解就算同盈盈床上談心，Leonard都好似無咩反應？原來一切都係鋪排，最後再嚟一個反Surprise，搞到盈盈第一次喺鏡頭前面心如鹿撞，興奮到扎扎跳！

萬眾期待！！！一日dating 票選最受歡迎情侶組合終登場！FYY同Leonard 今次終於攞正牌去「試」拍拖，盈盈滿心歡喜帶Leonard 去做陶瓷，諗住可以仿效人鬼情未了嘅情節，點知一入門口就出事？！ 好彩之後盈盈安排咗一個小驚喜俾Leonard，令Leonard超感動！！

TVB每年台慶都星光熠熠，表演節目唔嫌多。如果畀一班後生女自己安排，佢哋又會想喺台慶搞啲咩？ 游游就想借台慶當眾招男友，仲大嗌好想要！芷欣就想同林峯Let’s get wet；波波就想挑戰心口碎大石，大家都覺得好有睇頭！盈盈就話想試直播生仔，BB一出世仲要畀聚星祝福添！講到似層層咁，真係好想睇一個後生仔版嘅台慶呀！

今集再次邀請港姐冠軍謝嘉怡嚟Lisa 同我哋傾吓偈！今次唔講蘇格蘭，等一班生仔教佢香港文化！Lisa大爆擇偶條件，仲即場學港式潮語！波波仲教Lisa 港女打卡招數，喂喂喂，你哋唔好教壞Lisa呀！

今集波波同Sandy要接受Emoji大挑戰，全程只可以按住Emoji提示煮嘢食！換咗大廚，即刻廚藝大躍進？愈睇愈古怪，簡直好似睇緊正常烹飪節目一樣！？

波波Sandy 今次又有新任務 ！今次要用雪櫃內嘅食材創作菜式，但雪櫃淨係得呢樣嘢？！波波用「特製秘方」炮製食材，話今次對自己超有信心，最後味道究竟係點？

湯兆昇 湯博士由學是學非入到後生仔，講起物理一班後生仔會諗起啲咩？Joey就話以前考物理總係會Fail，波波就對愛因斯坦嘅伸脷相最有印象；GM講起時間旅行，湯博士就拋出關於時空旅行嘅理論名詞，咁到底Time Travel又係唔係可行呢...？

農曆七月十四，鬼門關大開，聽講最容易撞到「朋友仔」，美棋同6喺呢日究竟曾經遇到咩古怪嘅事？ 芷欣同波波都分別試過得罪先人，仲即時出事，真係聽到都驚驚

聽日就中秋節，大家係咪瘋狂咁食緊屋企嘅月餅呢？ 如果唔夠喉，一於等波波同Sandy 教你整冰皮月餅，至於食唔食得就⋯⋯

之前講過咁多恐怖經歷，其實最恐怖嘅地方，分分鐘就係你屋企！大家有冇試過，屋企啲嘢無啦啦會自己跌咗落嚟？一講，原來好多後生仔女都有類似幾歷，仲話其實可能屋企「有啲嘢」想攞嗰樣嘢👻👻👻👻而當FYY講到有一晚屋企嘅玻璃杯無端端跌咗落地，錄影廠後台，忽然「砰」一聲有嘢跌咗落嚟，當堂嚇到全場人癲咗（波波直頭驚到即刻起身走）！之後再講到手機app嘅怪異經歷，美棋就Show咗自己之前一段玩直播片段，睇住佢一個人喺房，講講吓嘢忽然變咗個鬼樣，嚇到全場人呆咗😱😱😱😱😱 而更心寒嘅係，今集錄影嗰晚，係撞正農曆七月十四，搞到全場人驚上加驚😱😱😱😱😱

點解公廁會用銅鏡？波波就話曾經有一間公廁嘅男廁係用玻璃鏡，因位發生咗姦殺案令到入面嘅玻璃鏡經常爆開，從此就改用銅鏡！？

中秋節就快到，一班後生仔Cosplay中秋神話人物，陪大家提早慶中秋！大家齊齊分享自己細個點過中秋節！波波話自己幼稚院嘅時候已經用暴力插穿奶粉罐整燈籠；百厭嘅芷欣唔信都市傳說，用手指月亮，第二日耳仔即刻就損咗，真係咁邪？？最後後生仔仲即場猜燈謎，盈盈出嘅燈謎你哋又估唔估到？

咩話？！全日文食譜？波波Sandy兩個入廚新手今次淨係得日文食譜，要挑戰呢道神秘菜式，究竟佢哋最後煮咗咩出嚟？

big big動漫節?https://www.bigbigshop.com/library/6598346195599360 波波同欣茵嘅男朋友都就嚟生日啦，而今時今日嘅男仔又鐘意啲乜嘢禮物？有啲男仔呢鐘意機械人、Transformers呢啲Hardcore嘢，好似Threezero DLX比例柯柏文咁簡直就係必殺對男寶具呀！又有啲男仔鍾意浪漫，唔係情情愛愛嗰種浪漫，而係喺運動場上揮灑嘅浪漫，一本由井上雄彥老師親筆嘅《SLAM DUNK》插畫集絕對可以正中紅心！而呢兩款禮物big big shop全部都有得賣，而且免運費之餘仲有折扣添！ ?ACGHK x bigbig動漫節優惠等緊你: 1. 香港及澳門地區動漫商品滿HK$350 即免運費 (即日起至9月30日期間) 2. 動漫商品買滿HK$400 即減HK$50 (即日起至9月10日期間) 3. big big shop超過4000件動漫商品在線任你揀 *所有優惠須受條款及細則約束。 -------------------------------------------------------------------------- ?登記成為會員，送HK$30 big big coin（即當HK$30駛） 立即登記： https://www.bigbigshop.com/ 記得下埋載「big big shop」App，緊貼最新優惠情報，快人一步買到最愛產品！ #bigbig動漫節 #黃凱儀 #陳欣茵