許志安同黃心穎,噚日爆出喺的士舉動全程被偷拍事件,安仔噚晚已舉行記者會回應,向太太鄭秀文道歉,並宣布暫停所有工作。 至於黃心穎一直未有回應,而無綫電視廣播有限公司助理總經理(藝員管理及發展)樂易玲今表示,已經同黃心穎聯絡,樂小姐表示:「琴日好多記者搵我,我話想沉澱一下點去處理這件事,同公司及同事商量點去回應。昨晚同心穎傾左好耐,佢好後悔好後悔,佢知道自己犯咗好大嘅錯,佢好對唔住受牽連嘅人,特別係父母及家人,對唔住公司,對唔住馬明同馬明嘅屋企人。呢一刻佢嘅情緒仍然未平伏。公司覺得佢需要休息一段時間嘅。 另外,馬明話佢OK,大家唔使擔心佢。馬明佢好乖,佢自己要求繼續開工,叫大家唔使遷就佢,所以佢今晚會繼續如常開工拍攝降魔的外景。」