泰禾人壽呈獻,英皇娛樂主辦 《古巨基we我們世界巡迴演唱會香港站part 2》 ,昨晚於紅館展開第一場,話是part 2,但今次基仔不單換了很多新衫,歌曲及制作上也與上次part1,有所不同新編排,好歌不斷唱到十一點半才完場,讓觀眾聽出耳油,安歌之聲不絕。 因為上次part 1 曾經發生過意外,所以基仔一開場就叫近萬觀眾,對著他大喊: 「睇路呀,靚仔!」用來代替歡呼聲,為他注身無窮力量。開場基仔依舊十多呎高空坐時光機降下,落機後時光機噴煙不斷,基仔笑問,「嘩,做乜我架機今晚今晚咁大煙?」唱畢第二首歌,見基仔小心翼翼避開升降台的《大窿》,對觀眾說,「無論你上次有冇來睇過,都知道呢個窿啦!今晚大家可以睇到減左兩行觀眾席,我個台大左好多啦,打跟斗都重得,所以係好安全啦。今次開騷,你地知唔知道,我收到最多祝福語,唔係good show , 幾乎全部係: 小心d呀你,睇住個窿呀。既然大家都有陰影,不如一齊釋放左佢出來,一齊對我大叫: 「睇路呀,靚仔!」,為我注入無窮能量。」於是近萬人一齊大叫靚仔睇路,令他開心不矣。 昨晚基仔搵來老友容祖兒做嘉賓,兩人合體重現十三年前Juice Lemon的卡啦ok神曲《《狂串樂基兒》,令觀眾欣喜若狂。祖兒唱完歌更於台上大爆基仔是戀妻狂,令基仔流曬汗反問: 「你真係袋定野來呀你。。 。。你留意我咁多微細野做咩呢你。。。」尷尷尬尬。 祖兒爆料話上次來睇 part 1演唱會,已經覺得基仔對老婆洋溢著愛意,在演唱會每一個位都不停向古太表達濃濃的愛,真情剖白,「我好想問,你究竟想點呢你?真係好愛好愛喎你。我地呢平日一班朋友食飯,我個心都有個問號,因為每一次基仔都係孖住古太來,而且好眼寃,好火滾,因為唔知點解,佢永遠要摸住,我唔係話古太不停摸住古生同佢按摩,係古生不停咁要摸住古太!」基仔聽到尷尷尬尬流晒汗,笑住話,「其實係佢有駝背嘛,我掃番直佢!」 祖兒又繼續爆 : 「其實早於06年呀,juice lemon 個陣,我已經發現架啦!我好記得當時臨出台,我地係漆黑一遍後台等緊,基仔佢突然慌失失咁四圍望,我見佢又迷惘又心亂如麻咁,以為佢唔見左枝咪,但原來佢係到搵緊古太呀!當佢搵到古太啦,摸一下古太對手,就見佢個樣即刻安落晒,好安心咁上台啦!呢單野我忍左十三年,今日先可以講出來,哈哈.... 當時我真係好多疑問,心諗呢兩個人搞咩呢?」引得觀眾哈哈大笑。