今午基仔返回紅館拜神,預祝演出成功。 據知基仔今次演唱會爆到滿瀉之餘,日前主辦單位英皇娛樂,為應門票供不應求, 日前把 舞台視線受阻位都應歌迷要求 推出發售,基仔回應話,「係呀,聽公司講話好多人不停重話買唔到飛, 所以連舞台側視受阻位都賣埋出去,即使明知視線受阻,都有好多歌迷即刻買飛,真係好多謝大家咁支持, 希望買到呢d 位歌迷朋友仔,都一樣聽歌聽得開心,為左佢地咁支持,我會行多d 過去同佢地握手!」 昨晚總綵排,有過上次意外經驗,基仔特別小心所有機關位,連細微位本來不用試都一一排一次,確保安全。 結果排到凌晨四點先由紅館回家,今日一早又返來繼續,「昨晚綵排幾乎通頂,不過大家不用擔心,我返家之後都休息得好好,所以冇問題,今晚一定精力充沛上台表演出大家。自己咁緊張試晒所有位,係因為我答應過父母親,我今次一定會好安全做完四場騷!我唔想媽咪今晚來睇,提心跳膽囉