咁好太陽,梗係去沙灘啦,不過泊好車嗰陣,發現冇帶銀包,即係冇錢冇八達通,乜都冇! 我:「大鑊,冇錢買雪糕同泊車,咁點算?」 霏:「你落去問吓有邊個想同你影相,廿蚊一張,咁咪有錢囉!」 我:「會唔會貴咗d呀?」 霏:「五蚊囉!」 我:「如果冇人想影呢?」 霏:「最少都有一兩個嘅!」 我:「如果真係一個都冇呢?」 霏:「咁咪唔食雪糕囉!」 我:「Ok.....咁冇八達通泊車又點算好呢?」 熹:「好簡單啫,由佢抄牌囉!」 霏霏係樂觀嘅,熹熹係霸氣嘅, 機機係完全冇參與過討論嘅, 細佬係冇去嘅,媽咪係瞓咗嘅! P.S. 最後喺架車度俾我搵到十蚊俾個街坊幫我doo八達通入標,另外真係有人搵我影相嘅,不過冇收佢哋錢 😂😂😂😂😂