由第一日開始加入呢個行業,我就同自己講,我要成為一個出色嘅主持人,將歡樂帶俾觀眾。 過去十六年,試過無數次俾人睇唔起、俾人睇死,我又再同自己講,唔好放棄,一定要堅持,一定要爭氣! 今日,同場見到好多好卓越嘅演藝人前輩,能夠同台一齊得到嘉許,係非常榮幸嘅一件事! 好感謝大會頒發呢個獎俾我,對我嚟講,係一個好大嘅鼓勵,更加提醒我要繼續努力,繼續學習,繼續進步。