剛剛踏入豬年就傳嚟好消息,49歲鄭嘉穎同27歲陳凱琳(Grace),去年8月於峇里結婚,再到11月兩個分別喺社交網宣佈Grace有咗bb,而今日有消息指小嘉穎已經出咗世啦! 據知Grace喺15號(星期五)一早低調入住港島一間半山私家醫院,同日剖腹生下小嘉穎,有指嘉穎有陪Grace入產房,一齊迎接小生命來臨,兩小口子現就成為三人小家庭! 唔少傳媒收到消息立即到醫院等候,目前未見嘉穎現身,但門外就有保安衝看守。