今日(21日)係阿嬌鍾欣潼婚後第一個生日,噚晚,佢成班friend就同佢搞咗個生日P,除咗老公賴弘國,當然仲有鐵腳「龍虎蛇」容祖兒、蔡卓妍、鄭希怡、楊受成細仔楊政龍、關智斌,英皇娛樂演唱會部策劃及總監馮貽柏、經埋人等都有出席。 本來呢個應該係一個神秘生日P,不過最後都係俾阿嬌發現咗,阿嬌話:「我哋whatsapp有個group,之前係for Kenny嘅生日group,佢個party完咗後就加番佢入個group,但有一日我突然發現我俾人踢咗出group,咁我都估到佢哋會幫我搞生日。」而踢阿嬌出group嗰個就係阿Sa,「我周圍問其他人,阿嬌睇唔睇到佢俾我踢出group?哈哈」至於生日願望,阿嬌就笑說:「秘密。」