呢位上唇有粒墨嘅姨姨,由我喺新城電台做sales朝朝一齊cold call,同客傾電話傾到好似鬼上身咁,因為我同佢都係chur到爆而且晚晚打proposal打到三更半夜兼且第二朝好多時都係最早嗰一兩個返到公司嗰d,所以就算老細日日俾人捽數,作為新人我同佢都算做到有d成績,屬於唔駛俾老細X到屎忽開花嗰批。 基於種種原因,大家喺唔同範籌繼續拼搏,佢去咗做保險,我去咗做DJ,十二三年前嘅有一日,我覺得我需要開始買保險,我第一個諗起佢,因為一齊做sales嘅時候我見識過佢follow up嘅能力同埋最重要嘅 - 交帶。 一個人嘅成功,係冇偶然嘅,佢上年做到保險業界COT嘅成績,恭喜你,亦要好多謝你,係我最需要嘅時候,幫我跟進晒所有嘢,搵醫生、安排身體檢查、入院、搞索償,全程令我安枕無憂,所以有一份好嘅保險同一個好嘅agent真係好重要! 朋友們,認真嘅,搵佢幫你睇一睇份保險,我都幾肯定佢可以令你而家嘅生活更加舒適同令你嘅將來更有保障。 利申,我冇收佢錢幫佢賣廣告, 不過有需要我可以PM你佢嘅contact。 信我,she’s one of the best in town! P.S. 唔好意思,啱啱瞓醒個樣係衰d,已經美圖咗