爆肌小鮮肉 楊天宇《演員的品格》訓練演技 最近,影壇新人楊天宇(Angus)參與內地綜藝節目《演員的品格》。節目中五十九位新人演員會通過為期百日嘅品格訓練同演技強化,除咗fans可以全程參與投票,最後亦會由專業老師團選出實力最強嘅八位演員,為佢哋度身訂造劇集。 喺第一集節目中,佢哋首先進行分班考試,選手需要揀一啲經典嘅電視、電影劇情重新演繹,考試分為三part,包括:單人表演、雙人表演同埋模仿演,不過只係得廿四小時練習。早前同林峯、蔡卓妍、方中信拍攝網劇《PTU機動部隊》、喺吳浩康《較早前錄影》MV中飾演男主角嘅Angus就揀咗以改革開放三十周年為題材嘅經典劇集《雞毛飛上天》,佢飾演義烏商人「陳江河」一角。幕前經驗唔算太多,不過今年廿四歲嘅Angus除咗擁有六呎身高,衫入面仲收埋一身爆肌,已經贏在起跑線,難怪網民紛紛話:「加油,潛力股!」、「發現了一個寶藏男孩。」