下個星期11號推出全新廣東EP《維多利亞 VICTORIA l 》,同時又收到公可好消息,演唱會定於明年4月開Part 2 ,令他十分開心。 基仔的《WE我們世界巡迴演唱會》五月時連開五場,火促爆滿,門票供不應求,歌迷不停要求再做part2!終於今日基仔可以開心宣佈:「拿到紅館檔期了!2019年4月再做Part2!今個月18號會開始優先訂購啦!上次買唔到飛嘅歌迷就要留意撲飛喇~今次Part 2,當然係rundown、制作上都會有新改動,但係詳細要賣下關子先,等遲下開晒會先可以再講多d比大家知啦。」 而最近他就為全新廣東EP《維多利亞 VICTORIA l 》,於香港大街小巷中拍封面及內頁照,於不少香港特式景點取景,包括街市,大牌檔、涼茶舖、屋邨士多、電子遊戲機中心、金魚街等。 基仔︰「唱片是以香港故事為題,所以我特別選了一些陪伴我們香港人成長的生活場景去拍攝封面。有細個經常陪嫲嫲去買餸o既街市,又揀左細個最喜愛的蒲點「機竇」,還有士多、金魚街、電車等等,影相個日真係好感受到香港人的人情味。當中喺南山邨撞到一班大學生,原來佢地讀電影,將來大家都可能有機會成為同行,傾得開心起來,就順便邀請埋佢地一齊影相;落街市影買菜,又見到好多叔伯姨姨,個個都當我仔咁,呢檔又話買D,個個都要影合照,終於我地影到成個街市衝晒出來大合照,非常熱鬧,而街市傍邊有幾架貨車係到等上落貨,哥哥仔竟然開大個喇叭,播「愛與誠」、「友共情」呀咁,個一刻真係覺得香港人個種地道嘅人情味,真係令人暖笠笠。」 喜歡打機的基仔,讀書年代,回家放下書包換件衫,第一時間就衝去機竇排隊等挑機,至今機竇已經幾乎執晒笠,想搵來影相也不容易,終於搵到一間去影相留念。「入得去當然唔止影相啦,我有玩下回味下,當我行過去換大餅(港幣一蚊),佢比個膠袋入住袋一蚊銀比我個一刻,我真係有d感動由個心出來,好似時光倒流幾十年返返去細路仔年代,諗起自己童年好多珍貴回憶。我有玩賽車,當年要打下街霸,但係原來依家已經唔駛坐係隔離挑機架啦!d機係會連線,我入一蚊入去已經可以同斜對面部機挑機,冇晒個種當年手肘撞手肘的緊張火藥味!哈哈。」 基仔又話為配合主題,今次專輯封套會用一個仿舊式曬相店所用的相袋設計, 當大家買這張專輯回家時,就會擁有昔日曬相的心情,裡面照片和歌詞集會印製成3R相片,似足從前,大家拿到沖曬