喺內地人氣急升嘅許靖韻(Angela)最近忙住中港兩邊走,日前,佢又飛到上海,出席「出席Onlylady2018風尚大賞」活動。活動中,Angela現場演譯《K歌之王》,大晒唱功,現場觀眾都話:「沒聽夠!」、「還想再迴圈一百次!」除咗唱歌,Angela就獲得「2018年度人氣女歌手」獎項。由「創造101」中嘅《K歌之王》,到佢創作嘅全新單曲《事與願違》,Angela嘅超強唱功、治癒聲線同創作才華,都令大家感受到唱作人嘅無限可能。 另外,Angela有份參與嘅另一個內地節目《超新星全運會》今個星期六、日就會進行直播,根據地區分佈隊伍嘅規則,Angela同男藝人李治廷同屬「香港隊」,比起其他隊伍,佢哋好似有啲人丁單薄,不過可能暗藏實力。而面對節目中甜品環節,Angela大食積上身,仲發揮佢嘅小摩打搜尋食物,睇到fans爆笑不斷。